ردي على بدر الخمساني

اخترت لي من قمة الشعر طاروق=بأهل المكارم و الصفات الحميده
من الادب مدح السناعيس والذوق=بأهل الفعول الوافيه والاكيده
تاريخهم عالي على كل شاهوق=ونظراتهم نظرات حرً بعيده
لاقلت شمر هامتي ترتفع فوق=ولاقلت حايل ترخي السحب جيده
شمر وشمر له على هجسي حقوق=ماوفيت حقه لو كتبت القصيده
لاحدتك دنياك وأصبحت مزنوق=ازبن عليهم تاخذ الي تريده
شيوخً تبل حلوق وتسكت حلوق=اليا وقفو عشت الحياة السعيده
اكرم من الي لاذبح يذبح النوق=واطنخ من اللي م يهمه رصيده
يارمش شمر سجل العلم ماثوق=نفس الكلام اللي نقوله نعيده
لاقلت شمر هامتي ترتفع فوق=ولاقلت حايل ترخي السحب جيده

قاف القصيد اللي سمعته على ذوق = وفكرة بالابيات نعم القصيده
وردي عليك اليوم يابدر ماسوق = غير الغنايم والعلوم المجيده
قرم طلعلي باخر الوقت مفلوق = ابشر بسده يالسنافي وسيده
اطلب تدلل منتدى طالب الذوق = نرخص له اليمنى ونكسر شديده
اما انت جيت اليوم من محكمه فوق = لازم نحقق علمك اللي تريده
ان كان بالهقوات مستقبلك سوق = وان كان لعيال القبايل نبيده
وان كانها بالحب والعشق منطوق = حدد ولاتنشد وتلقاء رصيده
عني وعن مديرنا ياصلك فوق = على النشامى منتداهم يفيده
خذني وانا اول واحدن ماعرف الذوق = والله لجيبه قبل تعرف رصيده

اخوك/ منصور البخيتان

الشاعر منصور البخيتان
صح لسانك وعلاء شانك يالنشمي

‘‘‘‘إإإإحترامي‘‘‘‘

صح السانك اخوي الشاعر منصور البخيتان

منصور البخيتان 000 صح السانك 000 الف 000 ياخلف ابوي

صح السااانك مدد
لا هنت

منصور بن بخيتان
صح السانك الف
تحياتي لمقامك

صح بدنكم جميعا

صح لسانك يالعزوه تشرفت بمجاراتك وابياتك الجزله وتقول وتطول يابن بخيتان لاخلى ولاعدم

صح بوح منطوقك ولسانك

الشاعر منصور بن بخيتان
صح السانك بحجم الكون
ودي لك يسبق ردي