ديوان الشاعر / مشعل عسام التريباني

ابيات كتبتها بالاخ العزيزراضي نشمي الجنيدي الشمري
يوم توسط لولد اخوي طلال محمد بالتجنيد جزاه الله خير وبيض الله وجهه

ابوخالد تاج راسي وذخري وسندي

	ابوخالد تاج راسي وذخري وسندي=فزعت الي كل ماحتاج للفزعه نصاه قام لي في لازمي جعل يفداه الردي=قاملي في لازمي ماتجاهله ونساه اخو سعدى درع جنبي وظلي وسعدي=راح يوصي في لزومي وينخى لخوياه هوبذل جهده ووصى على شان ولدي=ومن بذل جهده لنا الحق نظهرله ثناه كان ربي راد له شي هذا مقصدي=وكان مالله راد* هذا النصيب ومحتواه المهم انك بذلت اجتهادك يبعدي=ومن بذل جهده تجمّل بمن قام ونصاه احضري ياشرد الابيات في بصمت يدي=شرّدن في كل الاحيان تتلوها الرواه واذكري راع الجمايل وبالفعل اشهدي=وارفعي راية بياضٍ على كل اتجاه ياحروف الشعر حلي وخري واسجدي=لبوخالد هاتي اللي يليق بمستواه معلمن للطيب يوصف مثل نجم الجدي=ماتعذر عن صديقه ليامنه نخاه

اخوك مشعل عسام الغافل التريباني في27/8/1443هحري

((((اصحاب الفلس)))))

اصحاب الفلس

	رجلاً بليا فعل وش ينبغابه=امسح تلفونه وخله يولي ياصار ماتبرك لحملك ركابه=شرواه طشه وسط بيرزعبلي ياصار بالشدات ماينغزابه=ولهو بحزات اللزم فزعتلي خسارتن بشته وكشخة ثيابه=واسمٍ يشيله في صطورالسجلي خله يولي لاتشد الرجابه=وازبن على قمة طويق المطلي ياصار ماله فزعتن ينحكابه=يقصر جميله عن رفيقن مقلي الي يقصر في حقوق القرابه=ماله مع اهل المجد لوربع ملي القيض ياشفته تطارد سرابه=ازبن على نهر الروى المستقلي اترك كثير الهلس مالك ولابه=احذر بظل العوشزه تستظلي النفس من عشرة هلاالكشخ طابه=ياصار مهم باللزوم سندلّي

مشعل عسام الغافل التريباني الشمري في20/8/1443هحري

ابيات بابن العم الغالي فهادبن زياد التريباني (ابوعزيز) عساعمره طويل

عساماتغيب الاعن الشريابليهان

	عسا ماتغيب الاعن الشر يابليهان=ياراع الحجاج الطلق ياذرب الايماني يابو عزيز جعل يفدونك الرديان=عسالله يجيرك من صواديف الازماني رفعت روس عيال عمك نسل دهمان=عسا الله يرفع منزلك ياكحيلاني كسبت قولة نعم مع ساير العربان=الفعل واضح مايبي هرج واعلاني بيت الصخا راع الوفا مدهل الضيفان=فعلك مسكّت عند الاقصين. الداني صدق والله الي قال تروالكريم معان=رزقه على اللي كل ماقال كن كاني والا الردي يجمع ويطلع منه عريان=جمع للوريث ومات مرهق وجيعاني لامشبعن جايع ولاكاسين عريان=يجمع وهو حضه من الجمع حرماني والطيب ضلعن بارزن مثل ضلع اركان=صعبن على اللي للمخا سير مايداني مايدركه ياكود من شرّع البيبان=للظيف والجيران والربع والعاني

(((مشعل عسام الغافل التريباني))) في 8/10/144‪3هجري

سكرمسامعك هفوت لسان الصديق

	‏سكرمسامعك عن هفوة لسان الصديق=افتح لهاالدرب والهفوات خله تفوت ياشفت راع الحصان الي حصانه سبيق=خله يجوب السهال الجرد وقت القنوت الصبر حكمه اليازل القدم بالرفيق=ومن لا صبر صار عرضت كل خبلاً شموت والصمت للرجل عز وقو باسن عتيق=وترى مقاس الشهامه للرجال السكوت ورهاوت الهرج مثل الزند يحدث حريق=اخذ الحذر مايفيد الصوت يافات فوت مبطي يقال اللسان حصان عزّن عتيق=تكسب كبار الغنايم مع كبار السموت الغطرسه بحر سوّن به يظيع الغريق=يطيح فيه الغريق بغبت اهل السحوت وغيبوبة الكبر يبطي صاحبه مايفيق=وصفاوت القلب تستمتع بحلوالسكوت والي دخل بالسوالف بالحساب الدقيق=يعيش باقي حياته بالهمَوم مغموت

(((مشعل عسام الغافل التريباني))) في 14/10/144‪3هجري

وسط المجالس لاتكثّر سوالفك

	‏وسط المجالس لاتكثر سوالفك=ترى كثير الهرج لازم يطيحي احفظ لسانك عن مظايق معارفك=خلك على صرف السوالف شحيحي ماالله على كثر السوالف مكلّفك=حضّر مليح الهرج والا استريحي وان شفت في بعض السوالف حسايفك=سج القدم والكون بابه فسيحي وابعد عن اللي دوم رايه مخا لفك=ياصارماهو لك صديقن صريحي عليك باللي ياتكلّم يشرفك=ويشفق على صرف الكلام المليحي يشفق على الي يجمعك مع طوايفك=حرن بريش المجد يلفح لفيحي احفظ جنيهات الذهب في مصارفك=روس الرجال اللي تحوش المديحي اللي على كسب النواميس يسعفك=مانزل الهامه ورام المطيحي وعلى الردى بالك تكثر حسايفك=ادفن كلام اللاش وسط الضريحي

مشعل عسام الغافل التريباني11/11/144‪3هجري

ياهل النفوس الي تضايق من الطيب

	ياهل النفوس الي تضايق من الطيب=ومن العلوم الصاقطه ماتضيقي تفتح لهسات العلوم المحاريب=وتسكّر الابواب دون الصديقي ومن العلوم العوج تملا الدواليب=وايحملون النفس مالا تطيقي ناسن لهفوات اللغاء تفتح الجيب=وعن التسامح يغلقون الطريقي استر جعو لا تلحقون المشاهيب=ترو شرار النار يحدث حريقي طشوهزيل الهرج وسط الدواليب=بعض السوالف باالرجل ماتليقي منلا يهاب مبارز الناس ماهيب=يرخص اليا حان الكلام الحقيقي الكبر للرجال كله عذاريب=من عام وسط الموج يصبح غريقي الرابح اللي جنّب الشك والريب=ويمشي على نهجن قديمن عتيقي نهج الرجال مفتلين الاشانيب=زحول الرجال مدلهين الرفيقي

(((مشعل عسام الغافل التريباني))) في١٣/١١/١٤٤٣هجري

ااشتقت للقيفان واعجبني الطرق

	اشتقت للقيفان واعجبني الطرق=من شاعرن صاغ البحور العجيبه اصعد سماء يابوفهد للسحاب ارق=ذكر المكارم منك مهي غريبه الاسلمي معروف بالغرب والشرق=فيه الحميّه في شبابه وشيبه فيه الحميّة ورث مايسرقه سرق=من عهد مروين السيوف العطيبه تجري حمياهم مع الدم بالعرق=واهل الكرم يوم السنين الشحيبه هلا اللحيسه ماخذو طيبهم درق=مو روثهم ذبح الردوم المنيبه وارماحهم وقت القا تعشق الزرق=من عهد ضاري كل حيين دريبه والخاتمه عداد ماناحة الورق=صلوعلى مبعوث ربي حبيبه

مشعل عسام الغافل التريباني