الشعر مهو بعلكن ومن جاه علكه

بسم الله الرحمن الرحيم
الشاعر\ مشعل عسام التريباني الشمري

((الشعرمهو بعلكن ومن جاه علكه))

في 28\7\1432هـ

ياكتبت الشعــــــــــر فاكتب بيوت متكتكه = لاتدوّر صــــــــــعب الابيات والمعنا يضيع
كل شعــــــــــــــر بدون معناه مافيه بركه = مثل برق الصـــــــيف يلمع ولايخلـّف ربيع
الشعـــــر معنا ولاهو صـــــــراخ ودربكه = كل شعر بدون معنا تره يصــــبح ضـــــريع
مايكفـّي بالمثايل حـــــــــــروف مشربكه = الحــــروف بشـــــــربكتها كما الواد المجيع
الشعر يحتاج شاعــــــــــــر اليا قال سبكه = قادرن فـــــــــي وزن الابيات فذّن مستطيع
والشعر مهو بعلكن ومـــــــــــن جاه علكه = الشعـــــــــــــر يحفظ للاجيال تاريخٍ رفيع
ومن يهاب مصافق الموج ماصاد سمكه = ولايتحيزم نازل البير فـــــــــي سلك الوشيع
استمع لانتاج فكـــــــرن اليا قال حــبكه = واسـتشــــــــــر قدام غلطتك تظهــــــر للجميع
انتبه لاتدخل الراس فـــي وسط شــركه = ثم تصـــــــــــبح مهزله للمهرج والمـــــذيع
السمك تصطاده الناس فـي بطن شبكه = يوم شاف الطعم فـــــــي وسطها جاله سريع
حاول المخــــــــراج لاشك مافيه فلكه = ويتشفـّع بس هل للمــــشفـّع مـــــن شفـــــيع
جاء يبي طعمه وحوّل بوســـــط التهلكه = قدرتن من عند ربن علــــى عرشه رفــــيع
كل فاهم حاول الفوز وقت المعـــــــركه = وانت حاول للتخلـّص قبل وقت المضـــيع
كل دربٍ فــــــــيه منجات حاول تسلكه = واحتزم في عروت الدين والحصن المنيع

الشاعر الكبيرقدراً ومقاماً/ابوعبدالرحمن

صح لسانك واعتلا شانك ورفع الله قدرك

قصيده جزله من راس شاعر جزل

لاهنت وبيض الله وجهك

ابو عبدالرحمن

صح لسانك وطاب فالك وجاد بيانك على هالحبكه الرائعه
ونعم الشعر ماهو علك الكل يعلكه الشعر معنى ومبدا
لاهنت شاعرنا الكبير وبيض الله وجهك على الجزاله

لك تحياتي

والشعرمهوبعلكن ومـــــــــــن جاه علكه (6) الشعـــــــــــــر يحفظ للاجيال تاريخن رفيع

ومن يهاب مصافق الموج ماصاد سمكه (7) ولايتحيزم نازل البير فـــــــــي سلك الوشيع


صح لسانك أيوالله صدقت يابو عبد الرحمن الشعر ماهو علك ومن جاه علكه هههههههههههههههههههههه
لله درك يابعدي الله يجزاك الجنه على هالنصيحه يالغالي
شكراً لك حتى ترضأ
لك جل تقديري حفظك الله

شكرا للجميع على المرور والاطرى الله لايهينكم جميعا ايها الاوفيا

الشاعر / مشعل التريباني
صح لسانك ملايين إبداع جميل جداً لاهنت يابعدي
تقبل أطيب تحياتي وتقديري لشخصك الكريم،،،

الاخ ابو كادي صح بدنك اخوي الغالي وشكرالك على المرور لاهنت يالغالي

صح السانك الف

شاعرنا العزيز مشعل التريباني

اتقديري لك

الكيبورد شكرا للمرور الله لايهينك اخي الفاضل

:bnm : لله درك عميد الشعراء / مشعل بن عسام التريباني
على هالحبكة الرائعة لهذه القصيدة المليئة بالحكمة والصور الشعرية الجميلة بارك الله فيك.

بيض الله وجهك لقد أبدعت وأمتعت يالغالي

تقبل فائق تحياتي وتقديري العالي:bnm :