ابداعات عبدالله المفضلي قبل 30 عاما

شاعرنا القدير عبدالله المفضلي شاعر غني عن التعريف حفظه الباري في حله وترحاله

كان لي الشرف بزاملته بالعمل تحت ادارته قبل ثلاثين عاما او ربما اكثر

بالتحديد عام 1401 هجريه

كان يتحفنا بروائع قصائده كل ليله ونحن نجتمع من حوله نستمع بشغف شديد

وكنت مثل اي شخص في بداية حياته يحاول ان يتعلم الشعر او يحاول ان يكون

شاعرا ولكن بالاخير ما يصح الا الصحيح ..

تركت الشعر لااهله ولكن هذا لا يمنع ان يستمع الشخص للشعر والشعراء

المهم ما اطول عليكم في احدى محاولاتي لنظم قصيده ارسلتها للاخ عبدالله

ومن باب التشجيع لي استقبلها كعادته بصدر رحب وهو يبتسم فــــرد بهذه

القصيـــــــــــــــــــــــــــــــــــده

خطٍ لفاني بالتماثيل مختوم=ابيات فن وعاليٍ مستواها
من واحدٍ يقول ماذقت انا النوم=عيني سهيره والحبايب بلاها
اهلا بخطك عد ما تنشي غيوم=روايحٍ هلت هماليل ماهــــــا
(يافلان) حب البيض للعالم اسلوم=وانته تقول الحب حالي براها
كان الاهل عيو فلا تصير مضيوم=ارخص حياتي بالثمن مشتراها
وان كانها بالمال نرخص بها السوم=نجيبها ونرضي جميع اقرباها
ومالك عن اللي في نصيبك ومقسوم=مير لا تعذب ياولد من جفاهــــا

صح لسان شاعرنا المحبوب واسأل الله ان يحفظه اينما كان علما بان الدنيا

الله يكفينا شرها فرقتنا ولم التقي به الا مـــره واحده قبل 18 سنه

ولكن بعد انضمامي لهذا الصرح الغالي الذي جمعنا ها انا اجتمع مره اخرى

بالصديق القديم الذي فعلا يكون له الشرف من يتعرف به من قريب او بعيد




وحفظكــــــــم البـــــــــــــــاري جميعــــــــــــــا

الله الله

كل الشكر ابو يوسف

على اتحافنا بهذه الفاخره للشاعر الكبير ابو نايف
ويامحاسن الصدف ماشاء الله الابداع على علاقه
وثيقه مع شاعرنا منذو القدم تسلم والله ياأبو يوسف

اسمحلي نسقت الموضوع

تقبل تحياتي

يعطيك العافيه/ابويوسف تسلم ايدك على اطلاعنا على مانقلته لنا من ابداعات ابونايف


وقديم ابونايف جديد صح لسانه واعتلا شانه

يعطيكم العافيه جميع ولاهنتو

الف نعم بكم الجميع

سرني كثيرا مارايته هنا من ذكريات اخ لاخيه وفقكم الله واكثرمن امثالكم

صح السان ابو نايف

ملياااااااااااار

اهلا وسهلا ابو نمش

الف شكر على التنسيق الرائع وماقصرت

حقيقه اول مره بغيت اطلع من الصفحه فكرت اني داخل

موضوع ثاني



الف تحيه لشخصك الكريم

أبو يـوســف
تسلم الله يسعدك يارب نقل جميل جداً تشكر عليه وفقك ربي بكل خير
وصح لسان الشاعر المبدع المتألق / أبو نايف أبيات رائعة جداً وفقه الله بكل خير.
تقبل أطيب التحايا والتقدير،،،

اقتباس المشاركة الأصلية كتبت بواسطة عبدالله المفضلي غرييييييييييييييييييييييييبه !!!!!!!!!!!!!!!!!!!!!!!!!!! انا كنت فاهم خطأ كنت اعتقد ابو يوسف واحد من الشباب الاقارب الذين التقي بهم دائماً وما حبيت اواجهه بالحقيقه احسن انني ماقلت له واطلع غلطان 00 ياهلا يابو يوسف ومليون هلا مع انني صرت مثل اللي يترّمع الالغاز الا الفلاني الا الفلاني 0 طيب يا بو يوسف هالحين وش اللي يخليك ما تزورني وتشرفني في محلي كانك بالرياض ونعمل محاوره 0 ترى دائم التلميذ يغلب الاستاذ ههههههههههههه وياما تلاميذي غلبوني وتعدوني بالشعر وكلهم طيبين شرواك والله اشغلتني يابو يوسف !!!!!!!!!!!!!!!!!!! الظاهر اني بغيت اعرفك ورايح اعمل تجسّس قوي واتابعك بيت بيت دار دار زنقه زنقه حتى اعرفك 0 ترى قصائدنا الاولى ما تجمّل وفي بداياتنا وبعدين الله يهديك لا تكبرنا امام الناس خله مساترات 000000 ياهلا مرّه ثانيه وارحب بك اجمل ترحيب واتمنى ان تزورني ان كنت بالرياض او اذا جيت الرياض 0 حياك الله يابو يوسف 0

هلا والله يابو نايف اسعد الله مساك

من ناحية المحاوره لاوالله تركت الشعر منذ ذلك الوقت

اما التحدي من يقابلك خسران مسبقا في ذلك الوقت ما بالك الان

ما شالله عليك

اما قصائدك الاولى والحاليه كلها تجمل والواحد يحتار مين

يختار !!!!!!!!!

اما موضوع الزياره والله لي الشرف ان ازورك ولكن ظروف

المكان بعيد عن الرياض انا في حائل والظروف الصحيه مش

ولابد نسأل الله لك السلامه انت ومن يسمع او يقراء

اقتباس المشاركة الأصلية كتبت بواسطة عبدالله المفضلي هلا ابو يوسف ماقلت لك ابحث عنك بيت بيت دار دار زنقه زنقه عرفتك يابو يوسف ياهلا والله والله انك عزيز ومعرفتك وخوتك شرف 0 تذكرت يوم حنا عند عين نجم يوم خوينا يحش الثيّل يبي يزرعه بفلته بالرياض ويوم زرعه طلعت نمله من الحجم الكبير وانت يوم يجيب الثيّل بشرشف حازمه ومجوّده وانت حليت الشرشف وفرّقته ياظالم 0 راح يجمّعه ثاني مره لكن انا اخطيت ماقصدت بك يوم تبهذل خوينا وتفرّق الثيّل وهو كما تعرف وجه نكبه يوم زرعه بلش صار بيت نمله بالحوش ههههههههههههههههههه ياهلا يابو يوسف وحياك الله 0

الله واكبر ياهي رحله مع العلم انه شقى وبهذله في وقتها لكن والله يوم اتذكرها انها
من اجمل رحلات العمر ولا انساها

الله يوفقك دنيا واخره يابو نايف

حيالله ابو يوسف

اول شي سلامتك عساك ماتشوف شر لا انت ولا كل مسلم

والف شكر على النص الي من الصعب ايجاده الى مع الرجال

الاوفياء مثلك والله يابو يوسف ان الواحد يبلش بثباته كل يوم ضايع

واما ابو نايف شهادتنا فيه مجروحه والله يبيض وجهك ويحييك

ما شاء الله تبارك الله
والله يجمعكم على الخير دوووم
يابو يوسف
لاهنت يابعدي
وصح السان الشاعر
عبدالله المفضلي

موودتي ,,