وشعاد لو جد الردي كان مقدام

وشعاد لوجد الردي كان مقـدام
-------------------------------

غـلطـان ياللي تســمـع لكـل نمّـام = ومجنـون يا من تاخـذ الهــرج كـلـه
لاتحتسي مـن دلـــةً ,كلـهـا اســمـام = ارفــع مقامـك وابتـعـد عـن محـلـه
ارفـع. بنفسك عن سرابيت. الاقـوام = وكلـن .وعـقـلـه في حـيـاتـه يـدلـه
مـن نـم فيـك ينـم في غـيرك اشـمام = ولو عاهـدك سـيف الخـيانـه يســلّـه
كــذاب ومـنافــق وخـايـن وشـــتّـام = ولا تـنغـفـر لــه طـول الايــام زلــه
وشــعاد لو جـد الــردي كـان مقـدام = ما يـنـفـعه صـيت من الامـوات ..لله
صابه مرض واسـتفحل بنفســه ودام = والقـرب. من شـرواه.كلـن يمـلـه
للمـرجلـه عـنـوان. يشـمخ. كالاهـرام = مـابـه خـفا ماكـل. رجـلً. وصـلـه
للطيب. نـاسً ما تـضـيّعـهـا. الاوهـام = مثل. الجـبـال.الشـامـخـات المطلـه
وكلن.على.اللي مثـله. يسوقه اهـيـام = دقـق وتـلـقى دوم. الانـذال شــلـه
اتعـب على خـوة شـريـفً وضرغـام = ولـوانـهـم فـي حٌاضر الوقت قـلّـه
احرص على اللي فاللـوازم لك احزام = ولـه فـزعـةً تشــفي اكـبـودً امغلـه
حطـه على يمـناك في وقـت الازحـام = قــرمً نـهـار الضيـق ياتـيـك كلــه
قـرمً بوقت الضيق لك سيف واحسام = ويـرفـا الـخمـال وطـبً لـ كـل.عـلـه
ولا يعجـبـك طـيرً بكـبـد الســما حـام = ولا كـل طــيـرً نـهـتـويــه ونـجـلـه

محمد بن سوعان الربيّع

صح بوحك وابدعت شاعرنا محمد

مكثورالخيرر واستمر لاهنت

طبت بخيرروعافيةة

القدير محمد بن سوعان الربيع
صح السانك ملايين
تقبل مروري يالنشمي

صح بوح مطوقك ولسانك

صح السانك الف

الشاعر القدير محمد سوعان الربيع
صح السانك ملايين
تقديري لحضرة جنابك

صح لسانك وطاب فالك دايم جزل لاعدمناك

صح لسانك ملايين يابعدي
درر وفقك الله

صح بوووحك

شواهيق

ارحب الله يحييك صح ذوقك الراقي
تسعدني ممتابعتك الجميله هلا والله ومسهلا