يابيت علمني سكوتك علامه

السلام عليكم ورحمة الله وبركاته

/


مساء الخير
لقطة جديدة من تصويري وآتمنى آن ترتقي لذائقتكم.

مريت أنا بيتٍ شكى من هدامه
.. يوم الزمن خلاه والوقت له شان

بيتٍ مضى عهده يعاني حطامه
.. مهجور ما يقوى رياحٍ وكثبان

دخلت وسط البيت قصدي سلامه
.. في بالي أذكر من تعناه شفقان

قلت: السلام، وابطل وجودي صيامه
.. تسعة عشر عامٍ له الصوم هجران

سفهني ماكن التحيه حشامه
.. ساكت ولاكنه يعبّر له انسان

يابيت علمني سكوتك علامه
.. اليا متى صمتك أناديه يافلان

ياماضيٍ يطعن بقلبي سهامه
.. يومي قريت اسمي وخططت فالبان

أيام طفلٍ عاشها من غرامه
.. ذكرى الطفوله باقيه فوق جدران

تكّتني العبره وكلي ندامه
.. عليك يا وقت ٍ خذا كل ما كان

تصوير آخوكم / سلطان الخلف

ياالله لقد ذكرتني بهذه الصورة
لذكريات قديمه بالمره

مشرفنا القدير @ سلطان
صورة لها تعبيرات كثيره وابيات قمه الروعه
جيت اقتبس منها لكي اضعه هنا وما حسيت الا وانا مقتبس كل الابيات كل بيت له ثقله بالذكريات
لاهنت يالعزوة

ما اجملها من مشاركة يعلم الله



خالص التحايا لسمو شخصك النبيل

يابيت علمني سكوتك علامه
.. اليا متى صمتك أناديه يافلان

احزنتني هالابيات

سلطان الخلف
يسلموا الايادي اخوي
تقبل مروري

المشرف العام
ربي يعطيك العافية وما آجملها من ذكريات
حقيقة / وقفت في هذا المكان لساعات
وللمعلومية الكلمات لا اعلم من هو شاعرها فقط اعجبتني وتناسب موضوع الصورة

معاند
كل الشكر لك ولحضورك الرائع والمميز
سرني وشرفني انها نالت الاعجاب

تقبلو ودي وسلامي / سلطان الخلف

سلمت هالايادي ياسلطان وعز الله ابيات في قمة الروعه

سلطان

للبع الذكريات ياجملي

تسلم يمينك على روعة موضوعك بعد حيي

هالباب

حز بخاطري كثير والله
هو وين ودي افتحوه واصكوه

سلطان ........... خوش

يسلمووووووووو
اخوي على هالكلمات الرائعه

جدا مهعبره وتناسق الابياات عليها رائع

لاهنت مشرفنا جدا مميز في التصوير الفوتوغرافي

لاهنت

انا يوم شفت هالباب والسوق دقيت اشاره
ههههههههههههههههههايلي
سبحان الله ماجمل الذكريات
يسلموا الايادي اخوي سلطان