إذا المراجل لبسة شماغ وعقال ، قل للعذارى يلبسن العمايم >> قصيدة في منتهى الجمال

إذا المراجل لبسة شماغ وعقال ، قل للعذارى يلبسن العمايم ،
قصيدة رائعه جدا
للشاعرة : نوف بنت شطيّط العتيبي


وتقول فيها ...

إذا المراجل لبسة شماغ وعقال=قل للعذارى يلبسنّ العمايم
ما عاد يفرق زول حرمه ورجال=دام الفعايل تشبه البعض دايم
المرجله ما هيب كلمه وتنقال=وتروح ما راحت هبوب النسايم
وإلا خشونة صوت أو رفع الأثقال=أو رزة صدور وفعل الزلايم
ولا هي بعد مفتاح موتر وجوال=وإلا ردى لسانن حديثه شتايم
المرجله شيمه عن القيل والقال=رفيع نفس (ن ) حر بالجو حايم
المرجله عقلٍ وزن وزنه جبال=ودون العقل وش فرقنا والبهايم
يا مسندي لو مايل الوقت بي مال=يا ولد أبويه يا عظيم العزايم
يا معرب الجدين من العم والخال=يا نخوة المفزوع وقت الهزايم
المرجله يا خوي هي طولة البال=هي العزم هي الصبر فالظلايم
فيها الكرم عزه دله وفنجال=فيها الكرامه عن ردى الطبع شايم
والدين لامنه خذا القلب منزال=مشى طريق الحق وابليس نايم
ومن لا عرف ربه في طيب الحال=لابد وقت الضيق بالهم هايم
حتى صلاتك مع جماعات ورجال=في خيرها يا خوي نعم الغنايم
ولامن نصف ليلك قم صفي البال=يا عظم أجرك بين ساجد وقايم
ولا من رفع ربي له كل الأعمال=حسن الذكر لا قالو فلان صايم
وخلك شريف القصد يا طيب الفال=سوء المقاصد فالبيوت الهدايم
واحذر تبيع النفس في دب الأنذال=وتتبع خوي إبليس راع النمايم
النفس خيل لك إذا كنت خيّال=ومن لا قوى نفسه قوته الهزايم
ولا صرت ما تدري لو يش أنت رجال=والله خسارة فيك ذبح التمايم

اتمنى ان تحوز على رضاكم
منقولة؟
وياهلا

احسنت الاختيار

وصح لساانك ولسان الشاعره

ونقل ان دل يدل على ذوقك الشعري

دمت بود

هدد

نقل أكثر من رائع

وصح لسانك و لسان الشاعرة

الشكر موصول لك

و تقبل مني

خالص تحياتي
و
فائق أحترامي
و
جل تقديري

ولا صرت ما تدري لو يش أنت رجال = والله خسارة فيك ذبح التمايم

أنا أشهد انها ما كذبت وصح لسانها والله يا جماعة ان الواحد يفرح لصار من حريم العرب مثل ها المرأة
وهنت يا الهدد عى الذوق الرفيع الرزين

بكل فخر قالش .............
متعب الشوق................
سعود الخالدي..................
اشكركم على المرور والله يعطيكم العافية وياهلا.

الهدد

صح السانك والسان الشاعره/نوف

تسلم نقل رائع وقصيدهـ اكثر من رائعه
تحياتي لك

ابو مضاوي """""""" شكراً على المرور وبتوفيق ان شاء الله وياهلا

صح لسانك ولسان الشاعرة


لاهنت على النقل المميز

الحر
شكراً على المرور
الله يعطيك العافية
وياهلا

ألف ألف شكر على النقل المميز

وبإنتظار جديدك