منبع الخير / بقلمي

منبع الخير / بقلمي

ياديرة آل سعود يامنبع الخير=خيرك علينا يزود في كل يومي
الأمن ساد وبالمشاريع تطوير=ياديرتي ياعل خيرك يدومي
وحكَّامنا لاصار بالأمن تعكير=ماعندهم ياغير لطم الخشومي
ضد الحريب وضد من يعكس السير=هم عزنا وقت الرخاء واللزومي
سلام يارجل الشَّجاعه وتقدير=في حزت الضيقات ماذقت نومي
محمد بن نايف ترى وصفكم غير=أنت الذي وقت الشَّدايد عزومي
انت لاصار بالحال تغيير=تاطى على خشم الحريب اللؤومي
وانت الذي سطرت للعزم تسطير=ماهزكم من قام وشن الهجومي
ياذخرنا وقت الليال المعاسير=ياصاحب القلب العطوف الرحومي
الله يجنبكم صدوف المقادير=وعساك ماتوجس لهيب السمومي
واللي نوى باارض الحرمين تدمير=سهوم المنايا فوق راسه تحومي
الزُّمره اللي همَّها بس تفجير=وقت الضحى لازم تشوف النجومي
يازمرة الشيطان بكل المعايير=بأفعالكم ماتمثَّلون العمومي
يازمرة الإرهاب ماعندكم خير=ترى الوطن ماله وراكم لزومي
لأفعالكم ماعندنا أي تبرير=حتى بعيد الدار لكم يلومي
الله يطهِّر منكم الأرض تطهير=واللي وقع في حفرته مايقومي
يامير انا اعبِّر عن القلب تعبير=واستنكر الإرهاب وهذي علومي
وصلاة ربي عد مارفرف الطير=على شفيع الناس يوم الزحومي

نايف الشويب

نايف الشويب صح السانك مدد بلا عدد وبيض الله وجهك
والله يديم علينا الامن ويرزقنا قوة اليمان

شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة مشرع العوهلي نايف الشويب صح السانك مدد بلا عدد وبيض الله وجهك والله يديم علينا الامن ويرزقنا قوة اليمان

أبو مشهاب صح بدنك ولاهنت /

تحياتي لك :

اقتباس المشاركة الأصلية كتبت بواسطة المشرف العام شاعرنا القدير نايف الشويب ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

أبو غازي صح بدنك وسلمت من كل شر لاهنت /

تحية طيبة لشخصك الكريم. :

اقتباس المشاركة الأصلية كتبت بواسطة محمد الشميلي هلابك يابوفهــــد وصح لسآنك وطنية رااائعة لاعــــــدمنا وجووودك.

صح بدنك يابو طارق مرورك هنا شرَّفن لاهنت /
تقديري لسموك الكريم :