الكي آخر طب للغش موصوف

الكي آخـــر طـــب ......

الـهـــــرج لامــن زاد قــــلّ اعـــتبـــاره = وراعـيــه مـابيـــن المخــاليـــــق مـلقــوف
ومـن لايـحشــم النفس يـذهــب وقـــاره = يعيش عمــره فــي مــلامــات واحســـوف
وحـقــران بعض النـاس فـن وشــطـاره = والحُــــــر قـالــوا عـادتــه يـبـعـد الشــوف
والصبــر عـــاده للاصيـــــل و نـمـــاره = وتـرى التـغـاظــي نــوب مـايـعتـبـر خــوف
وحســبي على اللي يشــعلون الشـراره = فـتـنــة وكـــذب وزيـــف والحـقــد مـردوف
مـا خـافـنـي يـااخـوان ضــبـع المـغــاره = وغـربـانـهـا لـو جــات مــن يـمي ارفــوف
مــا هـــزنـــي كــوبــان لــو شن غـاره = لاشــــك تــراه مــن الحســابـات مـحـــذوف
يلقــى عــلاجــه وان بـغـى بـانتـظـــاره = والكــيّ آخـــر طــب للـغــــش مـــوصـــوف
وكلــن عــرفـنـا مـبـتـغـــاه ومـســــاره = حــيـث المنـافــق لاعيّـــن النـاس مكشــوف
وبعض العــرب ياجـب عليـك احتـقـاره = وتـهميــش مــن مثـلـــه جـمـاله ومـعــروف
والـحـــق لابـــد مــا يـبــن انـتــصــاره = منصـور والبــاطـــل ســـواعيــفـه اضـعـوف

بقلمـــــــي ......

ابو فهد
صح لسانك الف
تقبل مروري استاذي

شاعرنا القدير محمد سوعان الربيع
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

محمد الشميلي ابو طارق
هلابك الف
اشكرك على المتابعه والتنسيق
تقبل خالص تحيتي وتقديري اخوي الغالي

هــــــــــــــــــــــــــــــــوجـــــــــــــــ ـاس
هلابك نورت اخوي الكريم بمرورك الجميل وتعليقك المختصر والرائع
لاهنت وتقبل تحيتي وتقديري.

ابـــو غــــــــــــــــازي

استاذنا ومديرنا الموقر
اشكرك على مرورك الطيب وتواجدك الرائع
لاهنت استاذي نورت متصفحي بمرورك الجميل والرائع