قصيدة مواسات للطفله ريف وجدها

بسم الله الرحمن الرحيم
الشاعر\ مشعل عسام التريباني الشمري
هذه قصيده مواساة للطفله ريف الذي اراد الله ان ياخذ ابويها بقدرتٍ منه سبحانه واحسن الله عزاكم جميعا والدين الزوجين المتوفيين رحمة الله عليهما يعلم الله اني بكيت من قصة هذه الطفله الله يعوضكم جميعا ....


(( الطفله ريف ))

قصّتك ياريف كم لجله حزنـّـــا= يعلم الله كم حزنا يالصغيــــــــــــره
العيون ارخن هللهـن وذرفنـّـــا = والحشا تقول ولّع بــــه سعيــــــــره
قصّتك منها المعاليق افـزعــــنـّا = والحشا يزفر وضيقني زفيـــــــره
كــــن بيـبان الظماير يطعـــنــنـّا = بالسيوف الجرد وحرابٍ شطيــره
الخبر جانا وضاق الصــدر مــنـّا = وهل دمع العين لين اغرق نظيره
خانت الدنيا فــعا يلــها تجـــــنــّــا = كم تظلم به عيونٍ مستنيــــــــــره
سكّرت بــيــبانها مــنا ومــــــنــّــا = واظلمة من عقب ماكانت سفيـره
يالله انــي طالبك وانت المظـــنــّـا = ترحم الي مــــــات وتنوّر مسيره
فـــي جنان الخلد يرقد وايتهـــنــّـا = ياعسى الفردوس مأواه ومصيـــره
ابــــي ازف التعزيه لبوه مـــنـّـــا = وابي اعزي والدينه والعشيــــره
المنايا ماترد الــــــى حضــرنــّــا = لو يطول العمر فالدنيا مريـــــره
مار قصّة ريف منها العقل جنـّـــا= والقلوب اتلين لظروف الغريره
كن دمعاته رماحٍ يـــــــرسلنــــّــا= والله الي عالمٍ كل السريـــــــــره
الصدور من الماْسي حشرجـنــّـــا = العيون تشوف والايدي قصيـــره

قصّتك ياريف كم لجله حزنـّـــا= يعلم الله كم حزنا يالصغيــــــــــــره
العيون ارخن هللهـن وذرفنـّـــا = والحشا تقول ولّع بــــه سعيــــــــره

لاهنت يابو عبدالرحمن
المصاب واحد والله
عظم الله أجرك على هالأبيات
صح السانك مدد بر عدد

خالص التحايا لسمو شخصك النبيل

بيض الله وجهك شاعرنا ابو عسام

صح السانك

الله يجزاك كل خير

شكرالجميع الاخوان الله لايهينكم وعسالله يجبر عزا والديهم ويرحمهم انشالله ويدخلهم فسيح جناته

الشاعر القدير مشعل التريباني
رحم الله والديك ولا أراك اي مكروه في من تحب
وهذا الموقف لايستغرب من اللي مثلك وشرواك
جزاك الله خير واصلح لك عيالك ودمت بكل خير

شكرالك اخوي صفق الهوا وهذا اقل مايجب علينا واسال الله لهم الرحمه والمغفره ووالله لقدحزنت لهذه الطفله اشد الحزن ولكن ليس باليد شي واحسن الله عزا والديهم والله لقد احزنتني قصيدة الاخ عقلا كثيرا الله يخلف عليه انشالله وبلغه سلامي تكفي والدنيا كل انسان ذاق مره كفانا الله شره

صح الله السانك يا مشعل واعتلا شانك شاعر مبدع

مشعل التريباني

بيض الله وجهك يالنشمي


تقديري لك

شاعرنا الكبير

ابو عبدالرحمن

ياعسى عمرك طويل على طاعته صح لسانك

وبيض الله وجهك

قصيده شامخه بشموخ واحساس من كتبه

تقديري