الى الشيخ حميدي دهام الجربا

اهداء للشيخ حميدي دهام الهادي الجربا شيخ مشايخ شمر

طس السبيل من اصفر اللون ي شيخ =فــــي ذمتي ماجـــابن البيــض لك ند
أكبــر فهيم بحضـــــرتك يصبح فـريخ =واصغـر طفل في شمر ان جاك يسعد
اربــع سنين تجيب مشخول ابو الميخ =وحــنا كمــا الريشه مع الريـح تطـــرد
مثــل الكفيف اللي دمــغ راسه بصيخ=ماشـــي علــى وجهــه يهيم الموارد
فــي حكمتك تــردع جيوش وصواريخ =وبـــ هيبتك كـــبد المـعـادين تــلهـــد
تقـــود غلــمان(ن) زحول (ن) مطانيخ=لاطـــقت البـــرنو علـــى المــوت تارد
غلـــبا مســـابقهم مســـابق نـواذيــخ =كـــل(ن) يبي الطّـــوله وللسيف جرّد
كل(ن) علـــى يمنــاك هيلع ولخـليخ =ولاهـــابوا لــ رايات كــل هيــسٍ أربـد
إذا الشيـــوخ أقمــار فــ أنت مـــريخ =يــاصل زُحــل مــداك ي شيـخ وأبعد
اضرب على كبد اسود الوجه والذيخ =وكل من ربى في حضن ابوك وتمرّد
ابـــو عنان مسطّـــر الطيب تــــاريخ =ما دوبح لجـــيش المــعادي وتــــردد
زعيــــم ماسمّـــوك بالمجلس شويخ =ولا مكــــانك بالمشـــايخ مـــــهدد
فــي حكمتك كــل المصايب نفافيخ =تـــــرسي على يمناك والضـد يزهد
يمناك بـــ سيوف الطنايا مصـاريخ =زوبــــع ســيافا لانخــيتــه تجــــرّد
طسّ السّبيل وعدّل الكيف ي شيخ =مـــادام كيفك عَـــدْل ماظن لك ند

#فارس_الدبيان

صح لسانك فارس الف
يستاهل الشيخ حميدي الجرباء

فارس الشعر حياااك الله وصح لسانك
يستاهل الشيخ الحميدي الجرباء مليون نعم

لك كل الشكر اخي

يستاهل حفيد ابوخوذه في الكرم وسكران المجانين في الشجاعة
شاعرنا فارس الدبيان صح لسانك ملااااييين والجربا اكبر من القصيد و الله الو نجتمع كلنا يا الشعار
العرب منعطية حقة ونت بيض الله وجهك منيا لايوم القيامة

شاعرنا القدير فارس الدبيان
يستاهلها الشيخ حميدي
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??