العود ياسلمان يذكر وليفه

خل الرديف يشوف غاية رديفه=ترى مشاوير الزمان اخذلتني
جربتها مرّ الحياه الكليفه=ياهل ترى غبر الليالي وطتني
وشلون تحرق حلم بااول مصيفه=قبل الربيع وقبل حتنه وحتني
لايمكن آقف ْ وانقطع فالنصيفه=دام الاماني في طريقك رمتني
أبااعشقك قصة غرام(ن) امخيفه=أمّا عطتني منك والا خذتني
عشق(ن)عمْا مابه عيون(ن)كفيفه=حشمه لْخرس(ن)بالنظرصوبتني
يكفيك جرحك طاب باول نزيفه=وانا تباشير البروق اجرحتني
كلي اجروح الاّ مواقع خفيفه=وآخطر جروحي من ضلوعي لمتني
صوبتني بالقلب اصابه عنيفه=قبل الحياه ابموتتي هددتني
أول جمال الحور وانتي وصيفه=مشاعري عن مركزك علمتني
لوتختفي صم الجبال المنيفه=صورتك للعلم الصحيح اجبرتني
تجملي يام الضلوع النحيفه=ترى مسافات العطش قدمشتني
واستقبلي هيض النفوس العفيفه=وانا أغلي الحاجه أذا ناسبتني
سلم الشرف واهل النفوس الشريفه=سلمي وسلم الديره اللي ربتني
في هاجسي مزن(ن)تزاحم رفيفه=سحابة(ن)من غيثها ماسقتني

سلمان عزيز الحافي

العود ياسلمان يذكر وليفه=وخبارها وعلومها مالفتني

ياما سرينا مع رمال وحتيفه=افهودها وسباعها قاومتني

والبحر ياسلمان طبيت سيفه=حتى مجاديف الغرام اغرقتني

ركبت بين النوخذه والخليفه=وانا حمولي مايله فوق متني

يامل قلبٍ هيض البين طيفه=والذكرياتٍ الماضيه هيضتني

زاورتها بين الحفيف وحفيفه=والقلب هاويها وهي هاويتني

جتني قبل نعرف سلوم الوظيفه=قالت هلا وشجونها صافحتني

واقفيت عن دار الهنوف الضريفه=اللي برمش عيونها وادعتني

واقفى جديد والود واقبل نكيفه=وعن شوفها صعب الموافق حدتني

يكفيك عن كثر الكلام تعريفه=ورموز ذربين العرب ماخفتني

ادلجت مع بعض البيوت الكثيفه=فرايدٍ بالحونها شوقتني

من شاعرٍ يلعب على كيف كيفه=يرسم على طرسه بنودٍ فحتني

قرمٍ يضيّف ضيف جاره وضيّفه=يطرب لشيخان العرب كل حتني

طرايفه في كل نظمه طريفه=وهجوس فكري يابن مروي كوتني

عيد بجاد بن شده

الشاعرابن شده
صح لسانك ولسان الشاعر سلمان الحافي الف
تحياتي لك

العضو السنافي دندش لاهنت وصح بدنك

بن شده
صح لسانك وصح لسان سلمان
كلكم مافيكم حيله مثل مايوقولون
ماشالله عليكم شعار عمالقه بيض الله وجيهكم

الله الله ياسلام عليكم شعراء كبار لله دركم

صح لسان سلمان. الحافي وصح لسانك شاعرنا الراقي عيد

ابدعتوا بحق لاهنتوا

شعراء فطاحله كبار ولكم وزنكم وثقلكم بالشعر
شاعرنا القدير ابن شده
ابو فهد
صح السانك ولسان الشاعرسلمان عزيز الحافي الف

.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الاخوه الكرام السلام عليكم ورحمة الله وبركاته
وبعد. بيض الله وجيهكم وصحت ابدنكم جميعٍ

شاعرين رائعين

ابدعتوا وامتعوا

دمتم بسعــــــــادة

الاخ عطر الحكي عطرك الله من ثمار الجنه وجزاك الله خير الجزاء
وهلابك في متصفحي

ما شاء الله ... يابن شده
بلاغه وجزاله واضحه ومتجذره باعماق الاحاسيس والمشاعر
صح الله لسانك ولسان من جاراك
حيث برزت تلك الدرر وطفت على السطح
وامتعت اصحاب الاذواق الرفيعه
شكراً لكم وتقبلوا خالص الشكر والاعجاب