الدواعيش / بقلمي

الدواعيش / بقلمي

ياناس هبوا ضد تنظيم داعش=من قبل ماتطغى علينا الدواعيش
حمير داعش صوتها اليوم فاحش=نسمع هنا وهناك صوت الفواحيش
والكلب ينبح وده يصير ناهش=وده ينهش ويجيب غيره نواهيش
تكاثرت قطعان سود القرافش=لاكثَّر الله سود كل القرافيش
باسم الإسلام أعدادهم في تناعش=الله ينعش فيهم النار تنعيش
يااهل الإسلام احموه من كيد غاشش=من بينكم ياكثر كيد الغواشيش
لاتأمون اللي مالبس الطرابش=أخطر من اللي يلبسون الطرابيش
ولي كلمةٍ ماهي على ذكر هامش=المسأله ماهي بذكر الهواميش
سعوديتي تسمى على كل خادش=ماهي مقرٍ للخدوش الخواديش
والعز لآل سعود والشعب جايش=وقت الشدايد كلنا الأمن والجيش

نايف الشويب السليمي

اللهم سلط على من فيه شر يارب العالمين
نايف الشويب
صح لسانك الف
تحياتي لك

شاعرنا القدير نايف الشويب
ابو فهد
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

اقتباس المشاركة الأصلية كتبت بواسطة دندش اللهم سلط على من فيه شر يارب العالمين نايف الشويب صح لسانك الف تحياتي لك

الأخ دندش الله يبيض وجهك وصح بدنك لاهنت. /

تحياتي لك :

اقتباس المشاركة الأصلية كتبت بواسطة المشرف العام شاعرنا القدير نايف الشويب ابو فهد صح السانك مدد بلا عدد .. .. . . خالص التحايا لسمو شخصك النبيل ??¯?ـ?ابو غازي?ـ?¯??

أبو غازي الله يرضى عليك وعلى والديك وصح بدنك /

تحياتي لسموك الكريم. :