انا من الضيق كني داخل انبوبه ||| تقدر على كتم احاسيسي ولا اقدرها

أنا من الضيق كني داخل إنبوبه=تقدر على كتم أحاسيسي ولا أقدرها
ساكت ، و ضـايق عقب توديع رعبوبه=في كل ليله أرجّعها و أذاكرها
قصيدةً فوق سطح الشمس مكتوبه =نقّاد الإبداع ما تقدر تفسرها
جمالها ، معضلة فكريه ، إعجوبه =تزاوج أحلى نسل يعجز يكررها
كنـْها من الـ لا وجود فـ الأرض مصبوبه=تغار منها الأماكن .. بس تشكرها
عند العطورات مكروهه و مسبوبه =لأنها تعطّر عطرها .. ما يعطّرها
ما أعرست لأنها للغيم مخطوبه =لكن .. ولد عمهّا الانسان حاجرها
هي تنظر إن الزواج .. أشياء مسلوبه =ترجع بقوّة عزوم اللي يدوّرها
وهو يشوف الزواج .. أقدار مكتوبه =وإن المره عوره ، الرجال يسترها
بتروح له وسط ضحك الناس مغـصوبه =لكن عساه يتجنّب حس خاطرها
وإلا المحبّه ، ولوّ إيشقّق جيوبه =ما حبّـته لو يدللها و يسحرها
تحبني قبل ما تقرب من عيوبه=وأموت فيها من أولها إلى آخرها

الاخ العزيز / جمر الغضاء


صح لسانك على الابيات الاعجوبه انا اشهد انه ابيات من منصت القلب لاهنت تسلم تسلم وافضل تقييم تحياتي لك

في انتظار جديدك

صراحه قصيده من العيار الثقيل
الف صح لسانك تحياتي لشخصك

صح بوح منطوقك ولسانك

عمي جمر الغضا صح لسانك ياحيي

شاعرنا القدير جمر الغضا
عوداً حميداً لأخوانك وأخواتك وبيتك الثاني شبكة نشامى شمر
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر جمر الغضا
صح لسانك وعلاء شانك يالنشمي
‘‘‘‘إإإإحترامي‘‘‘‘

صح السانك اخوي جمر الغضا
تقديري لك

الشاعر جمر الغضا
صح السانك
تحياتي لك

الشاعر جمر الغضا
صح السانك