المرثيه الرابعه ب الاخ ناصر البخيتان

رابع سنه والقلب ياناصر انهار = بج القلوب ولاتبجة قبوره
عزاه ياقلب من العام رادار = من قايمته اللي تعاقب صقوره
اصرخ وادور نخوة الناس واحتار = والقلب قلبان اللواهب تدوره
ماحدن فقد حي على دايرن دار = لوقصر الوالي تقصر قصوره
حبه ملك قلبي ماهو سايرن سار = يعل من لام الظماير يجوره
اللي بدون احساس مابقلبه اشعار = وهرج بدون احساس الاحساس جوره
لو البهايم تطلبن حكم الاقدار = ارفض طلبها واتلمس غروره
ولو البشر من صاحيه صار ماصار = بعطيهم اللي مستديرن بدوره
واعطي نقود الشعر نبذه للاشعار = الناقد اللي ماعرف نور نوره
واللي يفسرها على كم الافسار = طول كمومه لاتقصر شهوره
لوكان ناصر حي ماصار ماصار = لاكن قبور الوقت تشهد قبوره

الله يصبر قلبك صح بوح منطوقك ولسانك

اخوي منصور
الله يلهمك الصبروالسلوان ويرحم اخيك وجميع اموات المسلمين صح لسانك وجادبيانك

الله يرحمه عمي بو بخيتان صح لسانك ياحيي

اقتباس المشاركة الأصلية كتبت بواسطة منصورالبخيتان رابع سنه والقلب ياناصر انهار = بج القلوب ولاتبجة قبوره عزاه ياقلب من العام رادار = من قايمته اللي تعاقب صقوره اصرخ وادور نخوة الناس واحتار = والقلب قلبان اللواهب تدوره ماحدن فقد حي على دايرن دار = لوقصر الوالي تقصر قصوره حبه ملك قلبي ماهو سايرن سار = يعل من لام الظماير يجوره اللي بدون احساس مابقلبه اشعار = وهرج بدون احساس الاحساس جوره لو البهايم تطلبن حكم الاقدار = ارفض طلبها واتلمس غروره ولو البشر من صاحيه صار ماصار = بعطيهم اللي مستديرن بدوره واعطي نقود الشعر نبذه للاشعار = الناقد اللي ماعرف نور نوره واللي يفسرها على كم الافسار = طول كمومه لاتقصر شهوره لوكان ناصر حي ماصار ماصار = لاكن قبور الوقت تشهد قبوره

مأجور / بقلمي

منصور ياللي للصواعيب صبار=مهما جرى ياخوي نفسك صبوره
لانك مؤمن بالله على كل الاقدار=فيك العزايم والهمايم قدوره
ياعل من لامك على صالي النار=ويموت ماسطع بالافراح نوره
مأجور يامنصور في دمعك الحار=وبالصبر يبرد فيك دمع الحروره
وفقيدكم جعله سكن دار الابرار=مع النبي يسكن نواعيم دوره

نايف الشويب السليمي

شاعرنا القدير منصور البخيتان
رحم الله الخال برحمته الواسعه ولام الله من لامك
خالي ابو ريـــان
صح السانك مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر منصور البخيتان
الله يهلمك الصبر والسلون ان شاء الله
صح لسانك وعلاء شانك يالنشمي
‘‘‘‘إإإإحترامي‘‘‘‘

ابيات مؤلمه يامنصور صح السانك
تحياتي لك

اقتباس المشاركة الأصلية كتبت بواسطة نايف الشويب السليمي مأجور / بقلمي منصور ياللي للصواعيب صبار=مهما جرى ياخوي نفسك صبوره لانك مؤمن بالله على كل الاقدار=فيك العزايم والهمايم قدوره ياعل من لامك على صالي النار=ويموت ماسطع بالافراح نوره مأجور يامنصور في دمعك الحار=وبالصبر يبرد فيك دمع الحروره وفقيدكم جعله سكن دار الابرار=مع النبي يسكن نواعيم دوره نايف الشويب السليمي

الاخ نايف الشويب / صح لسانك لاهنت واليك الرد عسى ينال اعجابك


عجزة يا نايف مع الصبر جبار = ضاقت علي ارض المناطق وسوره

ياصاحبي ماقيل قبله ولاصار = عيني جزة عن نومها وعن سروره

عقب الذي من يفقده باح الاسرار = ماعاد عقبه سر يجني ثموره

مجرب عندي وراعين الابكار = ماحدن شكى دقايقه بالضروره

رجل عليه ام المراكي والاقدار = سرك ذهب في بير ماحدن يدوره

ياما نصحني مانصحني عن الجار = الجار قال تكبر اليوم دوره

واللي يبي فزعه ترى العمر عمار = تلقاه في دنياك بحزة شعوره

لاحدن يلوم القلب من دايرن دار = واليوم يامشكاي حزني ضروره

الله يرحمه ويعينكم بالصبر والسلون
الشاعر منصور البخيتان
صح السانك
تحياتي لك