انا عن احساسي وذاتي مغرّب

بسم الله الرحمن الرحيم

وصلتني الابيات التاليه برسالة على جوالي من شخص عزيز علي هو ليس بشاعر

ولكن إحساسه يفوح بمعنى الأبيات.. ولا أعلم الى الآن لمن هذه الابيات:

(شاعرها غير معروف)

سلام يا السبع الجسور المعرّب=سبعٍ عنيد ولابته كلها سباع
مبطي على عسف الصعايب مدرّب=بالمرجله والطيب له باع وذراع
يا عزوتي تبقى الخوي المقرّب=على النقا ما هي تجارات واطماع
يا الذيب ياللي بالصعايب مجرّب=للروح من دون المواجيب بياع
يوم الردي شوفه من الخوف سرّب=تقدم كما يقدم عديمٍ الى جاع
يحرم علي من خوتك ما تهرّب=لا والذي زم السما وانزل القاع
جيتك على سرج الاصيل المكرّب=آمر تراني يابن الاجواد مطواع

ردي عليه

أنا عن احساسي وذاتي مغرّب=فكري سجين بجو الاحزان ملتاع
مار ارحب ارحب يالطليق المعرّب=ياللي وجودك للتعاسات نزّاع
فنجال شاعر بالحقيقة مشرّب=ينساق للي في مدى الجود رباع
يادار منهو عن ربوعه مهرّب=العزعندك ياسنا الجود ركّاع
ياشوق غروٍ بين ناسه مطرّب=يزهى الدلال ولا اعذب الهرج سمّاع
قدرك عزيزٍ للحنايا مشرّب=وصدرك ربيعٍ للوفين مرباع
البيت لا اوجس قاطر الما تكرّب=وشرواك خيّر عن مباديه ما ضاع

عمر عبدالمحسن

ما ارسله الا والله عارفن مقدارك يا الذيب
ردديت وانت ما تعرف القايل
عزالله انك جزل ولا تخيب من تنخى بك
رد ولا احلى من الاحلى
احترامي لشخصك وشاعريتك وذوقك يا مبدع

بيض الله وجهك استاذي الفاضل الشاعر عمر عبدالمحسن
صح السانك على هذه الرائعة رد وافي من شاعراً فحل شعر
أياديك يا العزوة
:vcxf :
تقديري لسمو شخصك الكريم ؛؛؛

رد وافي
من شاعر وافي
صح لسانك على هذا الرد ارائع
وسلم بنانك
دمت كما تحب

الشاعر الكبير عمر عبد المحســـــــــن
كفؤ يابعد حيي إنت
صح السانك بحجم السماء
تحياتي وتقديري لك

الشاعر / عمر عبدالمحسن
صح لسانك ملايين يالغالي أبيات رائعة جداً لاهنت.
تقبل خالص تحياتي،،،

كفو صح لسانك ولاهنت

البيت الأخير صوره اقتنصتها بخبرة بدوي وتخيلت معك الموقف وتشبيه الرجل بالبيت والنخوه بالمطر

خيال ابداعي ماشاء الله عليك

صصصصصصحححححححححححح
الله لسانك ولسان الشاعر
رد وافي وكافي منك كلكما شعراء مبعنا الكلمه
ماقصرت كفيت وفيت لاهنت ولاهن بوحك الراقي
لله درك يالغالي
لك جل تقديري لشخصك الكريم
حفظك الله بحفظه

ياسلام ياسلام

صدى قمة الأبداع والجزاله والوفاء
الف صح لسانك مليون ياعمر ولاهنت

وصح الله لسان صاحب الصوت ومرسله

تقبل تحياتي وتستحق التميّز

الشاعر العزيز عمر العبدالمحسن
صح السانك