قـرض الابـادات !!

طاب صباحكم / مساءكم
بكل خير وصحه وعافيه


قرض الابادات

الصمت سجن الصوت و القيد بلسان = رسالة ٍ ما يفهمه غير مرزوق
تنقل كلام ٍ ما يسولف للأعيان =خشية قليل العرف يودع له بنوق
وانا على شعري كما ضلع رمان = مايقبل الدمعه على طينة الموق
اقنص سمين الهرج ماني إبحلان =واستر جناب المفرده عن هل العوق
تبهر عريف الشعر ويصير بلشان =ويبحل عميد الشعر من فكة الطوق
الا على اللي مثل شرواك لا بان =يدرك حلوم الشعر من بعد ما يفوق
الشعر يا مرزوق ماهو ولد جان =وعبقر يشابه كذبة ابريل بالسوق
و العلم يا برزان يشبه لبرزان =لكن حلاة العلم تاتيه من فوق
يذكر على المرقاب بالقول عقبان = والذيب عدّي به مع الطير برفوق
وآمد شوفي للمراقيب شفقان = وترجع لي النظره ولا شفت مخلوق
دسمان ما دسّم شواربه دسمان =طيب الاسامي ما تطيّب له اوفوق
( النِّقْ ) لو تجمع على ( النِّقْ ) نيشان = إلا سميّ مشيّد البيت مفهوق
هتلر ضريبة وقت في قصر الالمان= والبنك من قرض الابادات مزنوق
مال الربا للسحت في كل الاديان = مصير مايجنى ولو زاد مسحوق
اصبح خطا الدستور للوقت برهان =وجه الحقيقه بالزمن صار مسروق
عكس الموشّر لا تسكّع بليهان =في نجد والدانه تصوّر له النوق
هذيك بنت فلان وأمه على فلان =وهذيك مشريّه بمليون مدقوق
مالوم جاشه لو تغنّى بالاوطان = وانا صدى صوتي بالاوطان مخنوق
نجمة رقيبه بالسما ضوّها زان = من عقب ماهي بالوطا تقل غرنوق
و اليوم طير الحلم غرّد بالاغصان= حظي بري ماعاد هي بيننا حقوق
شفنا و لا خفنا طورايف سنمان =مير البلاء بأمه اليا شافت بروق
واحيان ماتفهم على كل الأحيان= احيان ما هو كل مطرود ملحوق
مادمت انا المرسل و صدري رويضان =لي الشرف لاصار بالعجز مرزوق

ودمتم بكل ود

اخوكم : رويضان الشمري




.

بشاعرنا الكبير والقدير رويضان
الأيادي يالعزوة
صح السانك مدد بلا عدد
:bar :
خالص التحايا لسمو شخصك النبيل

اقتباس المشاركة الأصلية كتبت بواسطة صالح الغازي بشاعرنا الكبير والقدير رويضان الأيادي يالعزوة صح السانك مدد بلا عدد :bar : خالص التحايا لسمو شخصك النبيل

الاخ العزيز / ابو غازي

صح بدنك مدى الحياة

والف شكر على مرورك وجهودك الرائعه دائما

لك خالص التحايا لسمو شخصك الكريم

دمت بود

الشاعر العزيز رويضان الشمري
صح السان حتى ترضى

تحياتي لك

اقتباس المشاركة الأصلية كتبت بواسطة طخطيخ الشاعر العزيز رويضان الشمري صح السان حتى ترضى تحياتي لك

العزيز : طخطيخ

صح بدنك للابد

والف شكر على مرورك

دمت بود

صح لسانك شاعرنا القدير تحياتي واحترامي

رويضان الشمري

صح الله لسانك وسلم فكرك على هالقصيدة الرائعة والمليئة بالجزالة والرمزية والإبداع بارك الله فيك.


تقبل فائق وصادق تحياتي وتقديري العالي :ha :


:alm :

اقتباس المشاركة الأصلية كتبت بواسطة أبو عارف رويضان الشمري صح الله لسانك وسلم فكرك على هالقصيدة الرائعة والمليئة بالجزالة والرمزية والإبداع بارك الله فيك. تقبل فائق وصادق تحياتي وتقديري العالي :ha : :alm :

القدير : ابو عارف

صح بدنك مدى الحياة

والف شكر على مرورك واشاده منك بمثابة الشهاده

لا خلا ولا عدم

دمت بكل ود

اقتباس المشاركة الأصلية كتبت بواسطة عنود الغيد صح لسانك شاعرنا القدير تحياتي واحترامي

عنود الغيد

صح بدنك للابد

والف شكر على مرورك

دمتي كما تحبين

الله الله

هلا والف غلا عوداً حميداً يافارس الحرف وعنفوانه
صح لسانك وطاب فالك والله يالذيب جزل مبدع ومتمكن
نص فاخر وزاخر بالابادات والفلسفه النخبويه التخصصيه

رويضان الشمري

دمت كما تحب