عطيتي ابي اعتبرها ذبيحة لبوسعد شيخ الرجال المسمين

قبل يومين جاني رجل كبير بالسن ويدعي انه الشيخ غنيم ابن معتق ال بو ثنين السبيعي امير مركز رماح وان صاير عليهم ديه سبع مليون وباقي مبلغ من هذه الديه وتكفى ياشمري انا جيتك وابي المبلغ المذكور وبعد ما اكرمته اعطيته المبلغ وماكتب الله اني اتاكد من بطاقته وبعد ثلاث ساعة وصل الخبر للشيخ مسلم ابن سعد ال ابوثنين وكلمني شخصيا ويشرفني ذالك واخبرني ان الشخص اللي جاني شخص ماله صله فينا ولا نعرفه وهذا عمل شخص ردي وبهذه المناسبه قلت هذه الابيات
انا لست متحسف على عطاي لاني عطيت بسم ابو ثنين وقلت ربما الدنياء جارت على هذا الشخص وانحد والناس بناس والكل بالله
-------------------


عطيتي ابي اعتبرها ذبيحه///
لبوسعد شيخ الرجال المسمين///

شيخ"يهابه بالملاقاء نطيحه///
نسل الشيوخ مطلقين المساجين///

مسلم سعد بسمه تهيض القريحه///
من روس قوما"تجعل الجمع نصيين///

روس الرجال اهل الوجيه الفليحه///
ياسعد والله من تعزوى ببو ثنين///

بعض الشوارب ماتهاب الفضيحه///
اللي تسمى بالرجال العزيزين///

يمشي باسم غيره ونفسه قبيحه///
وحنا على نياتنا نقضي الدين///

وعطيتي ابي اعتبرها ذبيحه///
لسبيع والشيخ المسمى ببو اثنين


الشاعر عايد عياده الشلاقي الشمري(الخاااص)