وقـــفـــه

((وقــفــه))

العـذر يـادرب الــرداء للمواجيب=شبيـــت نـارٍ مؤقــده فــي حشايه
ابطيت من جفن السهر للمراقيب=وازريت توصلني خطوط النهايه
اكبر مصيبه خدعـة الذيـب للذيب=جرحٍ يزول وجرح يصبح حكايه
الكيد واحساس العتب والمطاليب=واقوال بعض الساذجه والوشايه
اللــي مهمتهم لشــذب العراقيب=يبطون عـن شذبي بسـر وخفايه
وليا وصلت من الوزاء شقة الجيب=احتاج وقفه واستعيد صدقايه
اصحابي اللـي بالرخـاء كـلٍ يجيب=بشوف ويش فعولهم في وزايه
ان عودو للطيب مـن واقـع الطيب=والا انــا مالـي عليهـم ولآيه
الناس تجمعهم علاقــه وأقاريب=ومناظر الاشخاص ماهي كفايه
الفرق بالمنطق وحسن الأساليب=والموقف اللي يستحق الدعايه
لاشك هاليومين عفسة اصاحيب=ماعاد تفرق طيبهم والردايه
الذيب يالاجواد مايقبل العيب=الذيب يرمز له بحكم الدهايه
الرب واحد والبشر به شواذيب=وماكـل خطلـه تستثيـر قبلايه
وقفه على وضح النقاء مابها ريب=لاصار لك في وقفة الطيب غايه
ولامن وصلت من الوزاء شقة الجيب=احتاج وقفه واستعيد صدقايه
والعذر يادرب الخطاء للمواجيب=ابقيت نارك موقده في حشايه

اقتباس المشاركة الأصلية كتبت بواسطة نهير النمش ((وقــفــه)) الذيب ياهل الطيب مايقبل العيب=والذيب يرمز له بحكم الدهايه الرب واحد والبشر به شواذيب=وماكـل خطلـه تستثيـر قبلايه وقفه على وضح النقاء مابها ريب=لاصار لك في وقفة الطيب غايه

الشاعر الرفيع قدراً ومقاماً المبدع /ابونمش

قصيدة ولا اروع وكل بيت يتحدث عن نفسه

كتبت فابدعت وامتعت وتميزت

صح بوحك ودام نبضك واعتلا شانك على هالشامخة

لاهنت طال عمرك

اقتباس المشاركة الأصلية كتبت بواسطة بنت السلاطين الشاعر الرفيع قدراً ومقاماً المبدع /ابونمش قصيدة ولا اروع وكل بيت يتحدث عن نفسه كتبت فابدعت وامتعت وتميزت صح بوحك ودام نبضك واعتلا شانك على هالشامخة لاهنت طال عمرك[/center]

بنت السلاطين

اسعدني تواجدك الكريم اختي الفاضله
الف شكر لك على اطراءك المشرف
تسلمين على كل حرف كتبته اناملك

تقبلي جل تقديري

قويه جداً يالشاعر نهير النمش

صح السانك بحجم السماء

اقتباس المشاركة الأصلية كتبت بواسطة دعفس قويه جداً يالشاعر نهير النمش صح السانك بحجم السماء

صح بدنك اخوي دعفس

اسعدني مرورك الكريم لاخلا ولاعدم منك

لك كل الود والتقدير

صح لسانك وعلا شأنك أخي العزيز الشاعر الكبير المبدع/ نهير النمش على هالإبداع حفظك الله آمين ونصرك بنصره المؤزر على جميع الفتن والمشكلات ماظهر منها ومابطن يالغالي.

تأكد بأنه مايرمى الحجر إلا على القوي والشجر المثمر وإن طعنت من الخلف فيدل ذلك بأنك في المقدمة وأنت سيد العارفين ومن يتمكن من التعبير عن ظروفه بهذا الإبداع الرفيع فهو الواثق من نفسه ولاخلاف عليه.

كن كما أنت دام عزك على من يستفزك ، حضرتنا وخويي التلخ أبو حسن والسائق الخاص تاتا باتا كلنا بالخدمة أبشر بعزك أطلب تجد ولا يهمك بس ترانا مانفزع ولاننفع إلا وحنا شباع.

وتقبل فائق تحياتي وتقديري العالي لشخصك الكريم.

اقتباس المشاركة الأصلية كتبت بواسطة أبو عارف صح لسانك وعلا شأنك أخي العزيز الشاعر الكبير المبدع/ نهير النمش على هالإبداع حفظك الله آمين ونصرك بنصره المؤزر على جميع الفتن والمشكلات ماظهر منها ومابطن يالغالي. تأكد بأنه مايرمى الحجر إلا على القوي والشجر المثمر وإن طعنت من الخلف فيدل ذلك بأنك في المقدمة وأنت سيد العارفين ومن يتمكن من التعبير عن ظروفه بهذا الإبداع الرفيع فهو الواثق من نفسه ولاخلاف عليه. كن كما أنت دام عزك على من يستفزك ، حضرتنا وخويي التلخ أبو حسن والسائق الخاص تاتا باتا كلنا بالخدمة أبشر بعزك أطلب تجد ولا يهمك بس ترانا مانفزع ولاننفع إلا وحنا شباع:jk :. وتقبل فائق تحياتي وتقديري العالي لشخصك الكريم.

الفاضل ابو عارف

صح بدنك والف شكر لك على كل حرف كتبته اناملك هنا يالعزوه
الله يرفع قدرك ويرحم والديك ولاخلا ولاعدم عسى عمرك طويل
شرفتني واسعدتني والله بهذا الأطراء الفاخر عساك دوم بالوجود
وابشرك مافيه الا الخير ولكن صرت ماعاد اتحمل الظاهر من الكبر

كل التقدير فاضلي لحضرتك وعساك ذخر

اقتباس المشاركة الأصلية كتبت بواسطة عبدالله المفضلي سلامات ابو نمش هذا اسلوب غريب و ربماهناك ما دعا اليه 0 يحق لك تفتخر وانت اكبر من ذلك وانا اعرفك جيداً بعيد عن المنتديات والشعر واقول لك ياجبل ماهزك ريح 0 اما القصيده فهي اكبر من تقييمي لها 0 تقبل تقديري وتحياتي

هلا ابو نايف

ماغريب الا الشيطان احياناً تحــدك الظروف لذلك
سلمت ودمت ومرورك شرف وفخر استاذي الكبير
ومافيه الا كل خير ولكن خربشات تحدثها الأيام

لك كل الشكر

شاعرنا القدير نهير النمش

أبو نمش

أنت جبل والجبل ماتهزه الريح يالعزوة

صح السانك مدد بلا عدد


تقديري لسمو شخصك الكريم ؛؛؛

اقتباس المشاركة الأصلية كتبت بواسطة المشرف العام شاعرنا القدير نهير النمش أبو نمش أنت جبل والجبل ماتهزه الريح يالعزوة صح السانك مدد بلا عدد تقديري لسمو شخصك الكريم ؛؛؛

ابو غازي

مرورك فخر واعتزاز لي اتشرف بكل حرف كتبته هنا
تسلم ولاخلا ولاعدم منك يالعزوه والف شكر لك لاهنت

لك تحياتي