ديوان الشاعر / عمر بن عبدالمحسن

حايل + صوتية

	يشيـب عـزم المعانـي لا قصـد حـايـل=والـعـز تلـعـج بـروقـه والثـنـا يشـقـى والمجد حمله ثقيل ومـن عجـز زايـل=وعيوننـا مـن فرحهـا بالحـزن غرقـى يـا عــل عـيـدك يـعـود يـعـدّل المـايـل=وتشرق شموس الوداد وشفّنا يُسقـى صـدر المحبـة بحـورٍ موجـهـا هـايـل=يــزف مــن لا يبـيـه وسابـحـه يبـقـى حبيـت سـور الزبـارة يـا ضنـا حـايـل=ومريـت لـبـدة ونـاحـت بالـغـلا ورقــا ودجت بغريس الاميرة مطمع العايـل=وبرزان عيده حنيـن ويـذرف الزرقـا وعيرف تشوف وتنوف وتفتح الفايل=مـثـايــلٍ لـلـفـخـر تــرقـــا ولا تــرقـــى يسـوق حرفـي فعـول النـادر الطـايـل=الوافي اللـي تعيـش حضـوره الفرقـى وطيـت نـار العـذول ومدمعـي سـايـل=ولديـت جـرحـي بعـمـري نيـتـي بلـقـا والروح فارع تحتهـا الصبـر متهايـل=تـغـازل الـكـود عـجْـزت للـوفـا تـلـقـى

شعر / عمر بن عبدالمحسن

ارجوك

	يا قلب هـــــــــــذا قدر مكتوب =أخــف الشقى واحفظ سدودك الحـــــظ بامر الولي مقضوب =يا بُد ما تشرب عــــــــــدودك لو صار صوت الرجا منهوب =عن رحمته اقتل صـــــــدودك الياس في ضــامري مشبوب=احرجــــــــت وجهي بلاهودك يالله كـــــــــــانه عذاب ذنوب =مبداي ما جـــــــــاوز حدودك الروح منهــا الفرح مسلوب =والهم تجــــــــــلاه من جودك ارجــوك عبدك غدى منيوب =يغنيه عفوك وموجـــــــــودك

#شعر / عمر بن عبدالمحسن

تخيّل

	يحير الفـــــــــــــــكر وتغيب المواني =اليا منّه تعــــــــــــــــــــــداني لساني انا ضـــــــــــايع عن المبدأ تخيّل ..!=تخـــــــيّل ؟ ماعـرِف معنى زماني ! تحديت النــــــــــــــــكد / طفلٍ وعاقل =ولين اليوم واحــــــــــــــلامي أماني شــــــــربت الياس من عِـد اشتياقي =ونخيت الحــــــــــــــــــظ لكنّه جفاني مشاريه الــــــعرب تصلى ضلوعي =ولا للعـذر بالواقــــــــــــــع معاني ! كنيت الجـــــــرح لين ادرك خفوقي=وجودي موت / واحساسي بكاني ! يشيِب العِـرف وتخيب الوســـــــايل =كتبت الذات ما حـــــــــــــــيٍ قراني حــــــــــــــروفي دمّ وردوني محيره=وبوحــــــــــي نوح تنكاه المعاني !؟

#شعر / عمر بن عبدالمحسن

يحير الفـــــــــــــــكر وتغيب المواني
اليا منّه تعــــــــــــــــــــــداني لساني

انا ضـــــــــــايع عن المبدأ تخيّل ..!
تخـــــــيّل ؟ ماعـرِف معنى زماني !

تحديت النــــــــــــــــكد / طفلٍ وعاقل
ولين اليوم واحــــــــــــــلامي أماني

شــــــــربت الياس من عِـد اشتياقي
ونخيت الحــــــــــــــــــظ لكنّه جفاني

مشاريه الــــــعرب تصلى ضلوعي
ولا للعـذر بالواقــــــــــــــع معاني !

كنيت الجـــــــرح لين ادرك خفوقي
وجودي موت / واحساسي بكاني !

يشيِب العِـرف وتخيب الوســـــــايل
كتبت الذات ما حـــــــــــــــيٍ قراني

حــــــــــــــروفي دمّ وردوني محيره
وبوحــــــــــي نوح تنكاه المعاني !؟

#شعر / عمر بن عبدالمحسن

يا عيد وين امي

	يا عيد كــــيف افرح وهي فرحة العيد =يا عيد وين امــي عسى الموت واهم يا عيد وش جــــــــابك / ندامة وتنكيد =يا عيد قلبي حــــــــن بي وانتشاهم قـــــــــذفت صبري والمشاعر مفاريد =والـذود قفّى والمعزب خــــــــــذاهم وشلون عيدك يا ضنى الروح ما عِـيِد=ووشلون نروي شــــوقنا من ظماهم الناس تشري من فرحــــــــها معاييد =وانا شرتني حــــسرتي عن سواهم الوجـــــــــــد يلعب بي مدامع وتنكيد =والجــــور يسكـنّي على الوجه راهم يالله تجـــــــــــعل قبرها بسمة وعيد =ويالله ترضى والرضا هــــــــــو مناهم

#شعر : عمر بن عبدالمحسن

وين الرجال

	يالله يالمعبود يامن ترجـــــــــــــــــــاك=من في زمــــــــــــانه ذاق سم المرارة الهم وســــط القلب قـــــــــاسي وهتّاك =ومن مر همي زاد دمعي غـــــــــزارة لو عيشتي قبرٍ وغطوك بغـــــــــــطاك=ابرد علي من نار محـــــــــرق شراره وش عــــاد لي بالعيش والدرب مشتاك=كني سجين بجـــــــــــوف ظلمة مغارة يالعنبوا عيشة بها الضيم مـــــــــــشّاك =احرق حــــــشاي وجار والصدق اداره وين الرجــال اللي على الطيب تنخاك =اهل القلوب الصافية مـــــــــــع طهارة ووين الشيوخ اللي عن الـــعيب تنهاك =وجـدي عليهم وجـد من ضــــــاع ثاره قفّى زمــــــــــــــانٍ به هلا بك وحياك =واقفوا رجــــــال الطيب واهل الوقارة هذا زمانٍ للردي دوم ضـــــــــــــحّاك =اللي بعـام الفين مطموس عـــــــــــاره يسب ذاك ويشتم بــــــــــــــذاك وبذاك =نســــــــــــــــي فعوله بالردى وبقراره لا جـــــاك بالمجلس دنى قرب مركاك =وله في كـــــلام الزور مكـــر ومهارة ولا حــــل بغيابك على الطيب طرياك =اعــــــــــــــماه بالبهتان واضفى بهاره ولا ذاق من جيبك دنى منك واغــلاك =ولا راح ما بالـــــــــجيب غـيّر مساره لا تحسب انك فـــــوق والعيب منشاك =ما مع طـــــــــــرارة بالشوارع تجارة ولا تحسب ان الطيب غـدّى وعــشّاك =ترى فعول الطيب عمقة بحـــــــــــاره وخـــــــــــــــتامها يالله ترني برجواك =ازل خبيث الـــــــــساس واهدم عماره

#شعر : #عمر_بن_عبدالمحسن

كتبتها في بنت بنت اختي ((( روان )))




ام الخدود الورد ..
تفاحة البستان ..
ام العيون السود ..
لكن تزعلني .. اضمها تبكي !
واقول في نفسي تستاهل الرجوى ..
تستاهل اخضع شوق ..

وتستاهل ارضيها .. واهديها كل الوقت ..
ما دامها حلوى .. قطعة من السكر ..
اغليها واغليها ..

طفلة تخش القلب .. غصبٍ على الأبواب ..
يارب تحفظها .. وتستر عليها دوم ..
وسنينها ثنتين ..
بس احتوت عمري ! وشلون ؟ ما أدري ..
أحلى من الدانة .. واعذب من الأنهار ..

من يا ترى الوردة ؟
ومن يا ترى هالذوق ؟
" روان " شوق القلب .. هزّت معاليقي ..
حُبه على خدك .. من خالك الشفقان ..
ومن الجفا زعلان ..

يمكن تمر سنين وتسافر الأيام ..
تذكّري حرفي .. لا صرتي ام عيال

مثل الوشم يبقى .. ويرجّع سنينك !
ويمكن اكون هناااااك في عالم الأموات ..
وتجيني دعواتك ،،

#شعر / عمر بن عبدالمحسن

منفى

	القدر زاد جرحي واحتواني صويب =ميّت الروح علكٍ في حلوق الشمات ناعي الذات نادى / وقت ماهو قريب=والشروح الغزيرة ما تنوش الصفات ! يا لساني ترّفق بك فعولي تخيب =ليت بالارض منفى ما تجيه الحياة يسكنه كل جسمٍ ودّع الناس غيب =هاك زولٍ خطيّة / واقعه أمنيات قيد وعقال وقتي / يا عذولي عجيب=ما يحلّه ملامك / ما تدلّ النجاة دوّر اللي تشوفه بي وانا به غريب =آه والغبن ملفى والهقاوي ممات العمى لو تخبّط ما تقدّى / يِهيِب =والرجا دون رجوى ما قراه الثبات

#شعر : عمر بن عبدالمحسن

في رثاء #طلال_محمد_الرشيد - رحمه الله

طلال بن محمد الرشيد - رحمه الله

	الله يرحــــــــــــم سـيّد المجـــد والجاه =روح الخــصام وكـــــايد الشفّ زيزوم يا ويل حــــــــــايل والعزا مـــــا تولّاه =تنعى وتنخى والقضا مــــــــا به حلوم وبرزان حــنّ وعاش والجــــور يقداه=والروح حـــيّه ماتبي درع وهــــــدوم غصبٍ على ما كــــــــان تومي بذكراه =وحــــــــــــــنا لها وعـيالها دمّ وسلوم نضحــــــك غبن دام الدلو فارق رشاه =ونشقى وفا في حضن الاتعاس واللوم حـــــــايل بنا حايل ضنا حايل ( الآه ) =حــــــــايل قمر ما حولها صبح ونجوم اوآه يا وجــــــــــــــد السناعيس ويلاه =غبنا وحنا فوقها كـــــــــــــذب وهموم

#شعر / #عمر_بن_عبدالمحسن

دوّرت ناسِ يستحون

	(كلن على هــــــــمّه سرى) =يشْـــــــــــره ولا عـنّك درى يحــــــــــــسب هقواته ذرى =وهو في قـــدم رجله يشوف دوّرت ناسٍ يستحـــــــــــون =لا نادت الحــــــــــاجة يجون ومن جـــــرح قلبي يزعلون =كفّي فــــــــــلا صافح كفوف خلوني اكــــــــــــتب عبرتي =بحروف شعـــــــري طربتي اوآه خـــــــــــــــابت نظرتي =مرواي من عِـدّ الحــــسوف يا جـــــــاهل احساس البشر =ذاتك بعـــــــــــيد عن السطر صبخـــــــــــا بلا ميّ وشجر =العيب في حـــــــــالك يروف أشــــــكي على الله ما يصير =الـنايبة وامرٍ خــــــــــــــطير تبطون يااصحـــــاب السرير =عن صيحة العــــــذرا نكوف

‫#‏شعر‬ : ‫عمر بن عبدالمحسن‬