ديوان الشاعر / عمر بن عبدالمحسن

	مجبور اعانيها .. حقايق الأوهام .. وابكي واغنّيها .. واللي ورى قدام .. الى متى صابر .. و اصل الزمن عابر .. وانا بلا مرسى .. مجدافي الأحلام .. .. في مركب الحرمان .. ميلادي بتابوت .. من ما سكن ذاته ..؟! وفي بوحه سكاته .. سكة طويلة حييييل .. ما له مدى .. كذبة .. تمشي وراها خطاي .. جرح وضماد الجرح .. تعال ياموتي .. سيّر تراك ابطيت .. باقي جسد خاوي .. والروح في حضنك ،، #شعر / عمر بن عبدالمحسن

بنتٍ عن الزلة تنوف

	أرذال تحت اعذب حُــرُوُف=ومْجَـــــــــاملة لاجــل اللقا والله فـــــــــلا تقدر تشوف =غـلطان قلبك لــــــــو هقى بنتٍ عـن الزلــــــــة تنوف=مجـناه من عـــــــرق النقا ياللي على الصفحة وقوف=بعـض الـنـــــــــوايا تتـقى وش عـاد لو قلبك شغوف=والوجـــــــد في قلبك رقى ماخـذت حتى لو وصــوف="عذروب" يتليه الشـــقى داو الحـــــنان بزود خوف=من خــــــالقك واشر التُقى تلقى الرضا لامرك يحُـوُف=وسُـحْـب المكـــــارم تبْرقا تكفين يالــــــــريم الهنوف =العِـرض لااقـفـى وش بقى تطلين بالغـلطة صفـــــوف=وتزهـــــــــين بالسلْم النقا حتى ولــــــو قـلبك يروف =ظامي / فلا احدن له سقى الا الذي يردْ الحـــــــتـوف=ولــــــــــباب بيـتـك يطرقا

#شعر / عمر بن عبدالمحسن

يعدّه التاريخ واللي بهم دم

	ما فيه غير الشمري يطرب الروح =عبدي او انه زوبعي أو بالاسلم هم عزوتي هم فزعتي وين ما اروح =ياما سفحنا بالهنادي من الدم ألقى بهم باب المروات مفتوح =والقى بهم سلْم الرجاجيل ملتم لا صاح منيوبٍ غطا بيته النوح =ولا لاح عاصوفٍ به الجور يرزم حنا الذرا حنا الوفا سُم ذابوح =ياللي علينا بالهقاوي توهم اصدورنا من وقتنا يسكنه فوح=خل الحتسي واقلط على فعلنا سم برزان يغنينا عن القول و ( البوح ) =وحايل لها الدمام والجوف تِخْدم كل الجزيرة تحتنا دُوُر وصروح =بامر الجنايز حكمنا بارضها عم وحرب الصريف تداوي الجرح بجروح =فاللي كفر بحدودنا عقبه اسلم وانكف بدون خطام قاديه مذبوح =ننسّهم لين ارضهم / شفّنا دم والرافدين يديرها مبعد الشوح =راع الابل شيخ الكرم جالي الهم وصفوق عقبه في سما المجد له ضوح =قايد جموع الفرس خلاه يندم من وين ما وجهت عذبٍ وذرنوح =نسقيك حقك واعرف النوع والكم وضاري منا ناسيه جسمٍ بلا روح =تومي له الفزعات ويقول له تم هذا بعض ما كان غايب ومفضوح =يعدّه التاريخ واللي بهم دم

#شعر : عمر بن عبدالمحسن

	هاتي كفوفك شوق .. مشتاق اقبّلها .. يا حبي انتظْرك .. واعانق طيوفك .. انّده ولين الحين .. عن واقعي غايب ؟ .. قلّي متى ألقاك .. يا عالمي . ظالم .. اُوعدني لو كذبة ..واسقِ الوهَم عذبه .. صبري ينادي الصبر .. ومن الشغَف بآموت .. الوحدة تعَذّب .. واللي صدوق احساس .. ما يحتمل غُربة .. آه الظما يذبح .. سكّيِنه الأشواق .. وْيِسنّها حظي .. ياذوقي المحروم .. من يلبس ثيابك .. ومنهو طرق بابك .. ومن يِحسن ا عتابك .. الله كريم الله .. لو الرجا بغياب .. وتتعذر الأسباب .. الله كريم الله ،، #‏شعر / عمر بن عبدالمحسن

السلام عليكم وصباح الخير والرضا جميع ..

هذي قصيدة كتبتها بشمر لسبب معين ..
ارجوا ان تليق ..

بالنار من صلى وصام

	اصـابـعك مــا هـي سـوى=والـمـرجـله مــا هــي كــلام يـطـيـب رجـــلٍ مـــا قــوى=ويـبـور مـن فـعله سـنام ! الـــوقــت ولّـــــى والــتــوى=بالنار من صلّى وصام !! صــبـري تـشـبّـع وارتــوى=وشـــفّــي تـــــولاه الــمــلام والــوقـت لا هـــب الــهـوى=يــفــرق فــقــاره والـسـنـام يــاكـم حـكـيـمٍ قـــد غــوى=ومــن زلـتـه نـصـح الـكلام والــذيــب بـالـمـرقب عـــوى=مــا يـنـتظر شـبْـح وسـلام والـصـبـح قـفّـى وانـطـوى=يــــا ســرمـديـات الــظـلام والــعـشـق وقــلـوب الــهـوا=اطـــلال يـحـكـيها الــغـرام

#شعر : عمر بن عبدالمحسن

مهداه الى المقدم / متعب نحيطر الجزاع ..
كلمات / عمر بن عبدالمحسن
اداء / احمد السليطي

#امطار_حايل #ثلوج_حايل

ثلج وربيع ومطر

	ثـلـج وربـيع ومـطر=حــايـل وضـلـعانها ديـرة هـلي والظفر=نـفنى عـلى شانها دم الـمـعـادي نــثـر=بـايـمـان فـرسـانها والـمجد يقطف ثمر=والضيغمي صانها خـلفه سهوم النحر=شــمّـر وحـجـلانـها مـحدن عـليها قـدر=صـاحـب وعـدوانها بـرزان وسـطه عَمَر=عــــزه وحـرمـانـهـا هـنـيّ مـنهو صـبر=ولا عـاش باحزانها تـنعى طـلوع القمر=حـضـره وبـدوانـها يـرجـون لـيلٍ حـدر=ويــزيـن مـسـكانها

#شعر / عمر بن عبدالمحسن

يا كثر اعاني غلاك + صوتية

	احــب صـوتـك كـــــــذا نـعسان حـاكيني=واحب اسولف معـــاك تنام واصحى لك يـاشـوق قــل لـي أحـــــبك نـوّر سـنيني=كـلـمـة احـبـك نـهـــار لـعـمري الـحـالك انـــا اعــــزك واحـبـك وانــت مـشـقيني=ان قـلت احـبك زعـلت الـــشك يحلى لك تــرى هـواي وغـلاي الـروح يـا عـيني=وانــت الـهوى والـغلا والـزين غـنّا لـك الله قــولــت هــــلا بـشـفـــاك تـرويـنـي=تـجـيـبني مــن ظـمـاي لـمـاك وظـلالـك يـا كـثر اعــــاني غلاك بشوق مضنيني=ويـا بُـعد وصـلك رحــلت ولا عـلى بالك

#شعر / عمر بن عبدالمحسن

النكد

	‎العســـــــــــــــــــاكر بين نيبان النكد=لابسين بدالهم ليــــــــــــــــــل ونهار ‎حابسين الدمــع وجـــــــــروح ولهد=‎وشاربين الجـــــــــور ناسين الوقار ‎ياسمو الهــــــــــــــــم ما تاوي لاحد=ياكبر بلــــــــــــــــــواك ياراع القرار ‎واا هنــيّ اللي علـى الراحـــــة ورد=لاهيٍ بالصيد واسعـــــــــــار الحرار ‎في خــــلاً رويان هـمّـــــــال ورعـــد=‎والحيا كاســــــــــــــيه نوار وخضار ‎باسمٍ والوضـــــــــــح من لون البرد=‎مشبعات الشــــــوف من زين وجبار ‎واســـــــودٍ بانيه من سبعـــــــة عمد=واسعٍ ممسوس للحـــــــــــاسد دمـار ‎والنحـــاس الخــــــــدْع حايفهن ولد=‎يبخــــــــــــص المقياس بنه والبهار ‎والقـــــــــــــــدر فـوّاح يصلاه الوقد=‎دون حــدّ الطنب / عـن وجهه يسار ‎منــــوة اللـي عــــاش حرمان وسهَد=والشقـــــى يقــــــــداه قصّاف العمَار