30-07-2008
|
#1 | |
|
دور لنا جنحان / إلى ابو ندا
ياليت لي مثلك جناحين ياطير
لاضاق صدري طرت عن كل مخلوق انفض جناحيني مع الجو وآطير وابعد بهمي عن لقا كل مطفوق يابو ندا لو كنت أبا أخالف السير دور لنا جنحان لاجيت للسوق في سوق الأعضاء وهات معها المسامير ضاقت علي الأرض وأبي السما فوق وياونةن بين الضلوع المحادير اشفت على قلبن من الهم مصفوق داجت ولاجت لين ماعينت خير وصار الخطر بالروح يالقرم محقوق من صاحبن خوته تسوى الملايير خوة عمر ، بالطيب ماصار مسبوق قرمن ولد قرمن خواله مناعير أشفق على خوته بالحيل واتوق ويش أنت ياحاتم وويش أنت يالزير الله جعل به عن بني آدم فروق متفرد بتطبيق (سرك غدا ببير) بس اتضح (ماكل مطرود ملحوق ) أقفت به أيامن تولت مصادير ويوم اقبلت دونه هطل وابل الموق أقفى ولا بين لي أدنى معاذير أقفى وقلبي به عواصيف وبروق الحال عقبه لاقسم ماهي بخير والنوم عقبه ماهنا أرمد الموق والزاد عقبه لو يقلط مزابير من عقب ابوخالد فلا هانين ذوق ادري ليا قالوا تراها مقادير صدمة وقلبي مارضى مننها يفوق جيتك افضفض وانتسي شين يصير وألعب معك يابو ندا كل طاروق أنا من اللي بالمصايب هوامير وانته رصيدك يمكن يكون مطبوق أخون صغيرن لك وناولك تقرير حبره رحيق القلب وأقلامه عروق حرره في نادي ضمايره تحرير وأودعه ظرفن بالختم صار مغلوق يتنى جوابك ياسليل المناعير عسى يبرد مابكبدي من حروق |
|
|
|
31-07-2008
|
#7 | |
|
زآهـــــــــي
صـــح لــســآنــــك قصــيده جــزلــه " تــســـلم يــمــيــنك علــى روعـــة الإبـــــــدآع لآتــحرمـنــا مــن جــديـدك يالــشــآعـــر... |
|
|
|
01-08-2008
|
#9 | |
|
زاهي
صح لسانك يالغالي انت شاعر شهادتي فيك مجروحه أشكركـ يالذيب على مشاعركـ التي تدل على طيب معدنكـ تجاهـ الخوي والله يعوضك خير وان شاء الله يجيك الرد عن قريب انا بالكويت لي كم يوم ومشغووول بس انتظرني يا بعد حيي |
|
|
|
01-08-2008
|
#10 | |
|
ابو ندا
صح بدنك انا عيوا اكتب بالاهداءات ولا اشوفك تصوت لي ورحت تكيت بملفك الشخصي على رسائل الزوار بس شكلك مانتبهت ترجع بالسلامة ان شاء الله ولا تنسى تشارك بالمسابقة دمت بود |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام
العرض العادي
