قصيدة ( ابن الأمير ) .. بقلم / محمد بن حدري الاسلمي

اهداء للاخ الغالي / محمد بن سالم بن حواس الخمسان الشمري

يا بن الامير طيبك ما هو بمحجـوب=حيث العفن مـن كـل نـوعٍ تركتـه
طيبك مثيل الورد و الورد مرغـوب=يا حظ من شمـه و مـن نـاش نبتـه
لباسك الطيب و الطيـب لـك ثـوب=لو كان غالـي بالثمـن مـا حسبتـه
طيبك كما الموج و السـاس منتـوب=و انت الذي موج المحاسـن ركبتـه
تصعد دروب الوعر لو كان مهيـوب=من هاب وصـل المعالـي غصبتـه
مدحي لشـرواك بالطيـب مكسـوب=و انت اللي من طيب اصلـك كسبتـه
مترفـعٍ تبعـد عـن كـل عـذروب=لا شفت به عـذروب بالشيـن عبتـه
ما نت من اللي يسمع الهرج مقلـوب=واللي مخبـا عنـك بالشـك صبتـه
انت الفخر والفخـر منـك محسـوب=من حسـن ذاتـك بالقصايـد ذكرتـه
ما قلتها منافـق ولا حتـى مطلـوب=الا معـزة و ذكـر كـل مـا فعلتـه
اعذرني قصرت بالوصف شبر مكتوب=ارجوا من الوالي جـزا مـا وهبتـه

الاخ العزيز محمد نظراً لوجود بعض الملاحظات المخله بالقصيدة في الوزن تم تعديل القصيده وهذا التعديل ليس للتقليل من شاعريتك ولاكن

لظهور النص في المنتدى بالمظهر اللائق

ملاحظه : تم تعديل ما بين الاقواس

(يا بن الامير الطيب ما هو بمحجـوب)=حيث العفن مـن كـل نـوعٍ تركتـه
طيبك مثيل الورد و الورد مرغـوب=يا حظ من شمـه و مـن نـاش نبتـه
(يالي لبست الطيب و الطيـب لـك ثـوب)=لو كان غالـي بالثمـن مـا حسبتـه
(طيبك كما الامواج و السـاس منجـوب)=و انت الذي موج المحاسـن ركبتـه
تصعد دروب الوعر لو كان مهيـوب=(من هاب وصـله للمعالـي غصبتـه )
(والمدح في شرواك بالطيـب مكسـوب)=و انت اللذي من طيب اصلـك كسبتـه
مترفـعٍ بالبعد عـن كـل عـذروب=لا شفت به عـذروب بالشيـن عبتـه
ما نته من اللي يسمع الهرج مقلـوب=واللي مخبـا عنـك بالشـك صبتـه
(انت الفخرحتى الفخر منـك محسـوب)=من حسـن ذاتـك بالقصايـد ذكرتـه
(ما قلتها منافـق ولاني بمغصوب)=(الا معـزة و ذكـر طيب فعلته)
(والعذر أن قصر عن الخط مكتوب)=ارجوا من الوالي جـزا مـا وهبتـه

صح لسانك اخوي محمد ولسان الشاعر

ويستاهل الممدوح

صح بدنك اخوي انا كاتبها

الشاعر القدير ... والمميز ... والجزل ... والمتألق في سماء الإبداع ...

الأخ العزيز / محمد النبيجاني ...

صح بدنك ... وسلم قلبك ولا فضفض الله فاااك ..

جزله من جزل ... حاااولت أن أقتبس شيئاً ...

منها فلم أستطع ...

لأنها كلها ... ألماااسه واحده لا تتجزئ ...

ويستاهل أبو حواااس ... والله يستاااهل ...

وستين نعم والله بك وبوووه ...

والطيب مايخاوي ألا طيب ...

أرفع لك عقااالي ... يابو فهد ...

كفووو وماااقصرت يالغااالي ...

والحمد لله على سلامتك يالذيب ...

نورن وشرفت النشامى بوجودك بيننا ...

صح ألساانك مره أخرى ... وبيض الله وجهك ... يالغااالي ...

أحترامي وأجل تقديري لشخصك الكريم ...

شاعرنا القدير ... تقبل مروري المتواضع .. أمام ...

شموخ نصك الزاااهي ...

ولا تحرمنا من جديد أبداعك اللامتناهي ...

لك ودي ....

ودمت بحفظ الرحمن ....

أخوك / هلال عزيز .. الشمري ..

محمد النبيجاني
صح لســان الشــاعــر
وسلمت اخي على النقل

صح بدنك اخوي هلال الشمري ،، النور نورك وتسلم على هذا الترحيب

ليس غريب عليك يابن الكرام ،، وارفع عقالي لك ولشرواك

تقبل احترامي

اقتباس المشاركة الأصلية كتبت بواسطة همس الشمال محمد النبيجاني صح لســان الشــاعــر وسلمت اخي على النقل

صح بدنك اختي ،،، القصيد انا كاتبها وليست منقولة

انا اسمي محمد بن حدري الاسلمي

تحياتي

صح السانك يالغالي


لاعدمنا تواجدك وجديدك


لشخصك الكريم الشكر والعرفان

صح السانك
يسلمو اياديك

صح بدنكم جميعا ،، مشكورين على المرور العطر