[أنت] صورة للشباب المسلم المشرف ..(صور رائعة)‎

بسم الله الرحمن الرحيم
ولله الحمد لي
عاده شبه سنوية اثناء الكشتات
يكون فيه توزيع كسوة ومؤنة للرعاة اثناء التجوال
لعلها تكون سبب في مغفرة الله جل في علاه ..
وكانت الوالده
هي اكثر من اعانني في الاستمرار على هذا العمل وتطويره
ولله الحمد..
و كان لها اثر في التوزيع الاخير
قبل وفاتها بشهر من بذل بالمال والجهد
وابشركم انتقلت لرحمة ربي جل في علاه وهي صائمة
كعادتها في الاثنين والخميس وايام البيض

الفئه المستهدفه في هذا المشروع هم الرعاة
هي رحلتين يفصل بينهم عشرة ايام فقط
الرحله الاولى في نهاية شهر ذي الحجة1431هـ
والثانية في بداية محرم 1432هـ
وكان العدد في مجموع الكسوة والمؤنة 125كسوة

طبعاً لكل راعي شنطة وفراش

فازلين فقس صابون فرشة ومعجون ولاعة مقص اظافر امواس حلاقة

نوعين شراب خفيف وثقيل طربوش سماعة اذان مداسيس

بالطو وجكيت اثنين في واحد
+ بجامة + فوطة + شال

فراش

سكر / شاهي / دقيق / رز / تمر

جزمه الله يكرمكم

طبعاً هذي

الكركبة في بيت الوالده رحمها الله

كرتون فوط

طحين والشاهي

بداية التحميل في السيارات

هذي السيارة مزودة بتانكي ماء سعة 550 لتر
ومليانه تحليه عشان يكون سقية برضه نعبي لرعاة

الانطلاقة كانت من عنيزة الحبيبه وكان خط السير تقريباً
عنيزة .. قبه .. البعيثه .. الزبيرة.. سامودة .. لينه .. رفحا .. سكاكا .. الجوف .. حايل ثم العودة

بعض الصور للنومة اول يوم والاستعداد لبداية التوزيع

وهذه بعض الصور الي قدرنا نصورها لكم لأن صراحه كان الوضع لايسمح في الغالب

قصدي ان فيه بعض الاحيان يكون الراعي في وضع مأساوي يستحي ناخذله صورة

اما اذا كان مبسوط مثل الحبيب يكون الوضع عادي

مالقينا له الا هذا المكان ركب معنا حتى يدلنا على احد اقاربه راعي بالجوار

طبعاً ابو عبدالله موشط (مغرز بقوة)
الموتر ومسمينه قش المصري لأنه يشابه احبابنا من مصر اثناء السفر هههههههه

بعض الرعاة يحسبنا نبيع فنجلس نفهمهم

وفي كل ذات كبد رطبة اجر ولله الحمد كان معنا كتب لغير المسلمين

تعبير مؤثر

وكتب للمسلمين ايضاً

بعض مساكن الرعاة

طبعاً بعضهم والله ثم والله في الشمال
ولا معه الا بطنية مثل فراش المسكين وعادي يموت من البرد

يتوسد الحجر الله لا يقسي قلوبنا

انتبهوا للفراش

حزن

ثم فرح

الهدف من الكشته انت تبي تاصل ناس ..
الديرة عنهم بعيده والظروف اجبرتهم فلا تبخل عليهم من ماعندك

اذكر احد القصص اثناء التوزيع شفت اخ من احد الدول العربية راعي المهم سلمت عليه وسألته عن اوضاعة فلقيت رجليه متجرحة من ظاهر رجله ولبسه رث وعطيته الفراش والشنطة فمشيت من عنده فلمحت الرجال كأنه يبكي فرجعت لمه فسألته وش فيك ماقدر يتكلم فصراحه خميته رحمته فقال ابكي عشان مادري كيف اشكركم قلت ياخي حنا بشر وربي رزقك اشكر الرزاق الي ينعم علينا وله الفضل والمنه صراحه موقف ما انساه

ومن ضمن المواقف لقيت رعاة اثنين من النيبال واحد مسلم له يمكن شهر والثاني كافر وكان يدور كتاب عشان يدعو زميله للاسلام فكان موقف حلو جداً فتأثر النيبالي المسلم والكافر وكانت دفعه قوية عشان يدعوه

لوتعطس يمكن يشمتك عراقي بالعراق من القرب هههههههههه

جاكم المطر

ابو وتو استراحة محارب خخخخخخخخخخخ

ابو علي مدروخ

طيب القهوة زينة

احد يشوي الصبح مسكت غلط ههههه

الديزلية مستبسله بدروب لوهي طويله

الله يجزاهم عنا وعن كل مسلم خير

ويوفق نيتهم وعملهم الطيب
نستودعكم الله



لعل ما شاهدته اخي الكريم , هو حافز لك على فعل الخير


لا تنسى بان الدنيا حرث الآخرة

شي جميل ماشاء الله عليه

ورايح يلقاها عند رب العالمين الله لايخسره ان شاء الله ويعوضه خير

تسلم يمناك يالنشمي القعقاع

تقبل مروري

لا تنسى بان الدنيا حرث الآخرة

ما شاء الله تبارك الله
الله يجزاهم خير

ماشاء الله
هنيئا لمن يرسم الابتسامه على وجوه الاخرين
والله هذي الكشته
اسال الله ان لايحرمهم الاجر والثواب

مامريتو علي ياشيخين ابي فازلين متشطبات رجليني

ما شاء الله تبارك الله
الله يجزاهم خير

أسال الله الكريم رب العرش العظيم انه يرحم والدتهم اشهد بالله انها رب رياجيل الله يتقبل منها ومنهم

ويارب ماتنقطع عادتهم وتستمر اسأل الله لهم الثبات وحسن الاجر بالآخرة

وجزاك الله خير اخوي القعقاع والله لايحرمك اجر من ذكرتة واعطيتة هالفكرة اللي راحت عن بال الكثير

دمت بحفظ الرحمن

ماشاء الله ماشاء الله

شي يثلج الصدر يعلم الله

الله لايحرمهم الأجر والثواب

وانت كذلك اخي القعقاع

.

شيء مفرح ويثلج الصدر


جزاهم الله كل خير

ويعطيك العافية أخي القعقاع

على نقل الاخبار والصور

المفرحة والجميلة

جزاهم الله كل خير

يعطيك العافية أخي القعقاع

على نقل الاخبار والصور

المفرحة والجميلة

تقديري لك يالنشمي