كومة لغوز دفعه وحده

وين انت عـنـا يابعيد المهاقي=من قالةٍ تحتاج وقفه ومجهود
انشدك عـن تومٍ كـثـير التلاقي=وفيها حصاد العقل للخلق معقود
وانشدك عن درب تجـيه الطراقي=وهم يفهمون انه مسكر ومسدود
وعـن كافـرٍ هـالك ولازال باقي=متحركٍ ما ثـبـتــه قـبر ولحـود
وانشدك عن ورعٍ يجي بإشتياقي=ياطى ذكر وانثى بلا عقد وشهود
ياتي حـريـمـه بالغصيبه يساقي=ولا يلحقه من جملة الناس منقود
وله ساعـةٍ يا لابسين الطـواقي=نسله يـجي عند المخاليق محمود
والرمل يكفي لا فقدت السواقي=وحكم التيمم مع هل العلم موجود
وشلون صار الماء لذيذ المذاقي=ياتي بديل الرمل لاصار مفقود

صح السانك تسلم يابو فهد جاري التفكير ولو اني بصراحه من جنبه

صح لسانك ابو فهد
اما بالنسبة للغز اللي فيه الكافر اللي هالك ولازال باقي هو فرعون
واللي ياطي بناته ولابه منقود هو الميل والكحل

والدرب اللي تجيه الطراقي
وهم يفهمون انه مسكر ومسدود هو القبر يعني زيارة القبر

ترى فكاك صادق يالراوي

هلا وغلا بالجميع ..

الحقيقه الاخ فكاك زمل المخيفات رمعاتك قويه وقريبه جداً .
الدرب المسدود ماهو القبر لان القبر ترمى فيه غصب واللي قصدته انا انك تجيه مختار
وهذا ينطبق على الميل والمكحل (الفرج) .
والكافر قريب من جوابك ولكن فرعون ماثبت كونه متحرك وغير ساكن وهذا ينطبق على قارون
الذي خسفت به الارض ولايزال كل يوم يغوص فيها اكثر واكثر وهكذا .

وهذا معناه تم حل اثنين منهن وبقى اربع لغوز ..

اقتباس المشاركة الأصلية كتبت بواسطة الراوي ابن غسلان هلا وغلا بالجميع .. الحقيقه الاخ فكاك زمل المخيفات رمعاتك قويه وقريبه جداً . الدرب المسدود ماهو القبر لان القبر ترمى فيه غصب واللي قصدته انا انك تجيه مختار وهذا ينطبق على الميل والمكحل (الفرج) . والكافر قريب من جوابك ولكن فرعون ماثبت كونه متحرك وغير ساكن وهذا ينطبق على قارون الذي خسفت به الارض ولايزال كل يوم يغوص فيها اكثر واكثر وهكذا . وهذا معناه تم حل اثنين منهن وبقى اربع لغوز ..

الاخ ابو فهد وبالنسبه لرمعتي علي القبر انا قصدي الطراقي
الاحياء يزورون الميت وهم يدرون انه مسكر ومسدود
والكافر فرعون باقي الي الان عبره وينقل من مكان الي
مكان لاتحل الالغاز ابو فهد مثلك مايعلم لك تحياتي

اقتباس المشاركة الأصلية كتبت بواسطة فكاك زمل المخيفات الاخ ابو فهد وبالنسبه لرمعتي علي القبر انا قصدي الطراقي الاحياء يزورون الميت وهم يدرون انه مسكر ومسدود والكافر فرعون باقي الي الان عبره وينقل من مكان الي مكان لاتحل الالغاز ابو فهد مثلك مايعلم لك تحياتي

ههههههههه والله اما الطراقي فكلامك يحتمل فعلا واللغز اذا كان يحتمل

اكثر من حل فهذا يبطله فعلا . ولكن فرعون مااعتقد انه ورد فيه ذلك وانما ورد في قارون انه ينزل
في الارض كل يوم سبعة اذرع والله اعلم ,,

السلام عليكم
وش رائك ابو فهد رمعتي علي اللغز اللي يقول
انشدك عن توم كثير التلاقي + + وفيها حصاد العقل للخلق معقود
رمعتين الاوله الماء المالح والماء الحلو تتلاقي في البحرسبحان الله ولاتختلط
قوله سبحانه وتعالي ( وجعلنا بينهم برزخ لايطغيان )
والرمعةالثانية المواليد الذين يولدون متلاصقين .
ولك تحياتي اخوي ابو فهد

اقتباس المشاركة الأصلية كتبت بواسطة فكاك زمل المخيفات السلام عليكم وش رائك ابو فهد رمعتي علي اللغز اللي يقول انشدك عن توم كثير التلاقي + + وفيها حصاد العقل للخلق معقود رمعتين الاوله الماء المالح والماء الحلو تتلاقي في البحرسبحان الله ولاتختلط قوله سبحانه وتعالي ( وجعلنا بينهم برزخ لايطغيان ) والرمعةالثانية المواليد الذين يولدون متلاصقين . ولك تحياتي اخوي ابو فهد

هلا والله

انا نظراً لكون الابيات ضمن قصيده تحتوي على خمسين لغز لذلك تجد ان اللغز لايتم
توضيحه بشكل كبير وانما اشير مجرد اشارة بسيطه وخافيه .
هنا قلت : وفيها حصاد العقل للخلق معقود
ومعناها ان ناتج افكارك هي التي توصله للخلائق وكذا اعرف انه صار سهل عليك الان
وهو الشفايف التي تساعدك على الكلام وتوصيل افكارك للناس وهي تلتقي كثيرا وتتشابه
كالتوم .. تحياتي لك

اقتباس المشاركة الأصلية كتبت بواسطة الراوي ابن غسلان هلا والله انا نظراً لكون الابيات ضمن قصيده تحتوي على خمسين لغز لذلك تجد ان اللغز لايتم توضيحه بشكل كبير وانما اشير مجرد اشارة بسيطه وخافيه . هنا قلت : وفيها حصاد العقل للخلق معقود ومعناها ان ناتج افكارك هي التي توصله للخلائق وكذا اعرف انه صار سهل عليك الان وهو الشفايف التي تساعدك على الكلام وتوصيل افكارك للناس وهي تلتقي كثيرا وتتشابه كالتوم .. تحياتي لك

صح لسانك ابو فهد علي اللغز بصراحة اعجبني
بس لو ماتوضح اللغز ولاتحله علي اساس نتسلي
في التفكير فيه علي كل حال يعطيك العافيه الان انحل
ثلاثه وباقي اثنين جاري التفكير فيهم لك تحياتي
ابو فهد