ديوان الشاعر / ناصر الصراع

بسم الله الرّحمن الرّحيم
---------------------
بمناسبة شهر ألصيام
تقبّل ألله مناومنكم ألصيام وألقيام
---------------------

لله كلّ الثّنا - والحمّد -والّمنّه --( بمناسبة شهر الصيام) -

	لله كلّ ألثنا - والحمّد - والمنّه = ألمعّتلي عآلي(ن) ربّ السمواتِ واهب جزيل العطا من الخيروالجنّه= ومحّييّ رفات الجسد في كلّ الامواتِ يالله على منهج الاِسلام والسّنه = تلّطف بنا يالّولي وتقّبل صلواتي الله تكفّل برزق العبد لكنّه = مايرّتضي للبشرّ ظلم وضلالات هو سيّدي مسّندي أفهمّ واعرف اِنّه= فضّل (شهرصوّمنا) وخصّه بخيراتِ لله كلّ الثّنا - والحمّد - والمنّه = نلّهج بشكّره - وذكّره كلّ الاوقاتِ

---------------------------------------------------

بسم الله الرّحمن الرّحيم

---------------------

أقصدوا(مكه) للكعبه والحطيم - (فضل العمرة في رمضان)-

	أقصدوا (مكّه) للكعبه والحطيم = يفّتخرّ بالدين من ودّه يفآخر واطلبوا فضل الولي رب(ن)رحيم = كثّروا التّسبيح بالعشر ألأوآخر يسّتجيب الرّب معبود(ن) عليم = لمن قصد بيته ب(مكّه)والمشاعر ألحظيظ أللّي طلب رب(ن) حليم = بالتّهجّد والتّوسّل صار ذاكر يرجي ألغفران من رب(ن) كريم = يطلب المعبود لخيره دوم شاكر يرجي المعبود من عقله سليم = يتركّ أللّذات واصناف المظاهر ماخفى شي(ن)على رب(ن)حكيم = ومن يعيش اليوم مايسلم لباكر

-------------------------------------------------

بسم الله الرّحمن الرّحيم
--------------------

غزّه غشاها لهيب النار - ! ! !

	ياسعود ماتسمع الأخبار = ياخوك حنا تلوّعنا في غزوة(ن)شنّها الكفّار = وبحجّة(ن)مالها معنى غزّه غشاها لهيب النار = منهو تجاوب ويسّمعنا منهو كسرّ شوكة الفجّار = ماضرّنا لو تجمّعنا منهو تقدّم خذا بالثار - = لله - نشّكي - تضرّعنا أطفالنا صبّية(ن) وصّغار = للغمّ حنّا تجرّعنا !! مابين نار(ن) وبين الغار = ضيّق علينا وجوّعنا بادي بظلم(ن) غدا غدّار = وشّ فادنا لو تبرّعنا منّ يلّجم الظالم الجزّار = من ينّصر الدين يرّفعنا بالحرّب حنا نصير أحرار = الثّار للحقّ يدّفعنا - - -

-----------------------------------------

بسم الله الرّحمن الرّحيم
---------------------

كم كان ل(أبي غازي) ميزة ومعزة وتقدير لدى - ألأخوان وألأخوات -بتتبعه
لأحوالهم والسؤال عنهم - قد سأل عني مرراً هذا الرجل وأنني كنت مسافراً ولم
أستطيع الدخول حينذاك - لكنني أسطر له ألشكروألأمتنان - وأستبيحه ألعفو-و العذر- -
---------------------------------

قلت: قول(ن) وجيزي = ياصلك يا بو(غازي) - - -

	قلت : قول(ن) وجيز(ن) = ياصلك يابو(غازي) اِنت عندي عزيز (ن) = وزاد فيك اّعتزازي بالسباق لك لزيز (ن) = مهّرك بالشوط فازي مايعثّره هزيز (ن) = يقّطع كلّ النوازي بك معرفه وميز(ن) = مثل نقّد الغوازي مخّلص(ن)يا عزيزي = صحّ فعّلك وجازي تقِّدرّ تفّهم تجيزي = ألعفو- يابو(غازي)

--------------

بسم اللهالرّحمن الرّحيم
--------------------

ما شدّني كاس (ن) به (الرّاح) معلول - - -

	ماشدّني كاس(ن) به (الرّاح) معلول= ولا قلت: أنا هذا جميل(ن) ورايع في سفرتي حين رحّت أرض(ألأناضول)= اِلاّ مع أولادي أرافق واتابع وحين شدّني طيف(ن) بفكري على طول= الشوق أحياني بفكري أراجع للّي غلاها - حلّ با لحسن والقول = بعقل(ن) لبيب(ن)بالرّزانه وجامع ليا بعدّ روحي وحياتي هكا الزّول = ودّي لها خير(ن) تعزّز ونافع أنا بحلاها والغلا صرّت مشغول = أللّي لصدى صوته تشوّقت سامع ودّي ل(اجا)ليا جيت أحرصّ على طول= اِجول معك يازين بشتّى المراتع

-------------------------------------------------------------

بسم الله الرّحمن الرّحيم
0000000000000

دنياك لو طالت ترآها قصيره - ! ! !

	دنياك لو طالت تراها قصيره = لابد من يوم(ن) تغير به أحوال ! ! اِ حرص على زين النبا والسريره= وخلّك عزيز(ن)وتّرك القيل والقال الاّ الذي يرميك بليّا جريره = اِحذرّ تساهل له يلولسك بحبا ل قال: الذي جرّب ونفسه خبيره = ( بالك تعيل ولا تهاون لمن عال) اِحرصّ على علم(ن) وبرّ(ن)وسيره= تسّعد بها يا العبد في كل الأجوال من يطلبّ المولى برجوى يجيره =سبحان رب(ن)سامع(ن)عالي(ن)عال ونقص الحيا والدين عار ومعيره = ومغبته لوم(ن) وحسّره وغربال وترى الشرف والخير في كلّ ديره = وانا أشهد اِنّه من جليلات الاعمال

--------------------------------------------

بسم الله الرّحمن الرّحيم
-----------------------

من يقوول للشّمس لا غابت تعالي ؟ !!!

	من يقول: للشمس لا غابت تعالي = ومن رجا ب(المزّنه) لاانزاحتّ مطر كيف يلاعبني - ويتعبني - خيالي = عدّة أعوام(ن) مضتّ ماهي شهر! ماتهيّا مطلبي للّي في بالي ! = التعبّ صاحبني من ضيّم البشر ! خايف(ن) لا اقول:عافوني عيالي = حين بلتّني بسحّرها بهمّ وسهرّ ! كنّها ( ريم الفلا- زيّ الغزالي) = يسّعد أللّي فيك يا(الحلوه) ظفرّ ! تشوّقن بالودّ لا قالت:يا غاالي = ينطنخّ للشوق من صام وصبرّ ! ويل قلبي بعدها وضعّف اِحتمالي= من يلوم اللّي بها هام و نظر ! مابقتّ لي نظّرة(ن)تسّعد لي حالي= درة(ن) ياكنّها بعمق البحر! ودّي اِحّيي الحفل أفرش له زوالي= شاقي(ن) كدّيت أجمع له مهرّ أذهلتني بالحلا وسحّر المقالي ! = نطّقها يلذّ لي بحسّن العبرّ ! طبعها (البسّمه)زهتّ بغنّج ودلالي= ودّ تقرّب لي- ولها ألّقطّ صورّ! تبّهرنّ بالزّين في حسّن وجمالي ! =مبّسم(ن) وضّاح مع خد(ن)حمر! لو تجاوبني أبي أطرح سؤآلي ! = من يودّ بصدّق ماضلّ وكفرّ - - -

بسم الله الرّحمن الرّحيم
---------------------

ألحياة ماتحّلى اِلاّ باِجتماع = اِنّهجّ للّي بالغلا يستاهلك - - -

	اِنتجعّ للخير عن درب الضياع = اِنّهج للّي بالغلا يسّتاهلك حرّك المجّداف ناظر للشّراع = واتركّ أللّي جنّبك صاريجهلك ألحياة ما تحّلى اِلاّ باِجتماع = اِتركّ أللّي يتركك لو هم هلكّ ولايهمّك زود منّ سقّط المتاع=تدور بك الدنيا كما دورة فلك اِعرف ِنّ العزّّبعلم(ن)واِنتفاع = ولا تخيّب بالرّجا من يسألك خآطب بالنجوىوبحسن ألاِستماع= واِتبعّ درّب ألفهيم أللي سلك من سلك درب المعالي واستطاع = يسعى للمعروف لو بليل(ن)حلكّ !!

-----------------------------------

بسم الله الرّحمن الرّحيم
-----------------------

ياحلا اللّذآت لا صرت بشعيب -!!!

	كيف عن التغريد غاب العندليب = واولّ بالتغريد يصّدح في فنن ؟! الحلا بالرّوض والعود الرّطيب = والفيافي كلّ مافيها حسنّ !! يا حلا اللّّذات لاصرّت بشعيب= زاد زين الشّوق مع زين الزّمن تذعذع النّسمات والكيف لك يطيب=واللّي حولك صارفي ودّه حسنّ أشهدّ اِنّ البرّ يبغى له لعيب = تنّبسطّ ويّآه يرّقص لك ! وغنّ!! تشوف غناة النفس في ودّ الحبيب= تحسّ قلبك وآلفه طآب اِرّجهنّ اِنّشد من جرّبّ ولا تنّشد طبيب = السعيد من أدركّ أمر(ن)له فطن!!

----------------------

بسم الله الرّحمن الرّحيم
-----------------------

غدوتي بسلمى ومروآحي ب اجا - - -

	غدوتي ب(سلمى) ومروآحي ب(اجا) = وب حايل(ن)حليت يامحلا هواه يدفعن شوقن ويحدوني رجا - - - = أتصور حسنها ربي عطاه !! أتشوق شفت أنا ( بدر الدجى) !! = فوق ريعان الجبل محلا بهاه ساهر(ن) سجيت في ليل(ن) سجى = يا حلاة حلو التلذذ يا حلاه !! يطرب أللي في فيافيها التجى = ليا لقى حسن التوطن ليا لقاه ركّز التفكير في حلم وحجا = واطلب أللي مايضيع من دعاه يطلب المعبود ينآجي بالنّجا = يرزقه بالغيث يحقق له مناه -

---------------------------