حلو بسكوت اولكر+الحليب المركز (بالصورة)خمس دقايق فقط

حلو بسكوت اولكر+الحليب المركز (بالصورة)خمس دقايق فقط
السلام عليكم بنات هالحلو ماياخذ اكثر من 5 دقايق
ولذييييييييييييييذ ما يقعد عندنا يوم إلا ويقضون عليه ومن بين كل الحلويات اللي نسويها
يسألون عن هذا بالذات...


المهم الحين ....

المقـــــــــــــــادير

بسكوت أولكر ...لازم أولكر مش نوع ثاني ....لانه أخف والسكر فيه أقل ....وما يضبط إلا فيه ....


2 اصبع زبدة ..كل وحده فيهم 113.5 جرام (ينباع جاهز)


1 علبة حليب نستله مركز


4/3 كوب جوز الهند ناعم

لوز مطحووووووووووون ناعم



المقادير تكفي لصينية فرن مثل هذي ...وصفيت فيها البسكوت علشان تعرفون حجمها ...6العرض بسكوتات والطول 3 ونص




الطريـــــــــــــــــقة

1. نصف طبقة واحده من البسكوت في الصينية

2. نذوب اصبع زبده حتى تذوب تماما ثم نسكبها فوق طبقة البسكوت بحيث كل بسكوت تكون عليه شوية زبدة
يعني تقريبا كل بسكوته عليها ملعقة صغيره زبده سايحه ..وعادي لو شفتي اجزاء بسيطه من البسكوت ماعليها زبده ....
ان شاء الله فهمتوا ....

3. نصف الطبقة الثانيه من البسكوت مع ملاحظة ان الطبقة الثانيه تكون مصفوفة عكس الطبقة الاولى ....يعني اذا حطيتي الطبقة الاولى بالطول تحطين الثانيه بالعرض ....علشان يتماسك البسكوت لما نقطعه بعدين....

4. نكرر الخطوه 2 باصبع الزبدة الثانيه

5. نخلط الحليب المركز مع جوز الهند باستخدام ملعقة في قالب آخر ....ثم نسكب الخليط بالتساوي فوق البسكوت....

6.نرش الصينية باللوز المطحون بالتساوي

7. نحطها في الفرن من فوق لمدة دقيقة او حتى يتماسك الخليط اللي فوق....
ملاحظه : البعض يحب انه يتركها في الفرن حتى تحمر الطبقة اللي فوق ....بس انا أفضل اني اخليها حتى تتماسك وأطلعها بسرعه لاني احب الطبقة اللي فوق تكون طرييية

8. نحطها في الثلاجة مدة 3 ساعات او اكثر قبل التقديم

9. نقطعها مربعات صغيرة ونقدمها وبالهناء والعافية عليكم

امممممممممممم خوش حلا


تسلم يمينك اختي

تشكراتي

كلك حلا ومواضيعك روعه

بكل فخر قالش
مرورك الاحلى

ابو مضاوي
شكرا لهذا الحضور الاحلى