بوحي وبوح القلب والحرف والروح.

راع الـهـوا لــو عــدل ضلـوعـه الـعــوج=مـاهـو معدل شبح عينه لـغاليه
يلعبه الهاجس كما اللوح بالموج=شف عاد وين الموج يلطف ويرميه
كّـن العواطـف خـيـل مامـسه اسروج=عند الهواوي كان دكة طواريه

بدر

من غـاب عـن عينـي لـو انـه قريّـب=طيرت له من غصن ذكراي ذكرى
أسـأل عنه وارتاح مادام طيّب=والي تـخفّى الـيوم يــبين بـكرى
ان خاب ظنك كم ظنٍ تــخـيّـب=بـس أنـتـبه يـحطك الحزن وكرى
يـاحلو يـالي مـسـتكنٍ مـغـيّـب=مــتوقـعٍ مـنك مـع الوقـت مـكرى

بدر

ياطيفها لاغابت الشمس ياطيف=ارجوك قلي لانويت الزياره
لو شفت قلبي بالضلوع المهاديف=يرجف الى جا الليل واقفى نهاره
رجيف طبلٍ في يدين الملاقيف=في يـد عبدٍ جاه بالحفل زاره
على حبيبٍ فاقده باول الصيف=طال الغياب وطال وقت انتظاره
اللي يسولف رمش عينه سواليف=افـهم عباراته عباره عباره
يسكن بوسط القلب سيد المواليف=والروح والوجدان والصدر داره

بدر