وجدي على تحقيقها وجد صـدام....

من روائع الشاعر عبدالله بن زويبن الحربي

لي حاجة عيـت تحقـق مـن العـام=عيـا يطيـب الحـظ لـو قلـت أظـنـه
يــفــز فــــزة غــاتــر عــقــب مــانـــام=جـنــه حــلــوم مـزعـجــه وأيـقـظـنـه
وجدي على تحقيقها وجد صـدام=عــلــى يــديــن بــالـــولاء بـايـعـنــه
وبــلاده الـلـي ماعرضـهـا لـلاسـوام=وعـرش الرئاسـة والجيـوش المرنـه
اللـي قذايفهـا تعـدت ورى الـشـام=شـامــيــر يـــــوم ولايـــتـــه روعـــنـــه
وبيوته اللي من سيراميك ورخـام=خطـط وصممهـن علـى كيـف فنـه
مـاتـنـتـعـدد تكـلـفـتـهـن بــالارقـــام=مـاهـو مـواطـن عـايــدي يبهـضـنـه
حاكم مـن الحكـام ويصـدر الخـام=دار الـسـريــة والــــدول يـدعـمـنــه
متـريّـس لــه دولـــة شعـبـهـا اقـســام=ويلعب على القسميـن شيعـه وسنـه
مخـلـي ٍ شيخـانـهـم تـقــل خـــدام=يمشـون خلفـه خـوف ماهـو محـنـه
ملا البيـوت مـن الارامـل والايتـام=ومـلا السجـون المظلمـة والمجـنـه
يـالـيــن طـشـنــه مـقــاديــر الايـــــام=مـــــن الـنــجــوم الـنـايـفــة نـزلــنــه
مثل الوليشة بين عـدوان الاسـلام=مــن كــل صــوب كــلابهـم ينهشـنـه
او وجـد عـود يرتكـي كــل مـاقـام=علـى كفـوف يديـه مـن كـبـر سـنـه
اللـيـا غـفـل بايـامـه الماضـيـه هــام=والليـا انتـبـه مــن غفلـتـه جــر ونّــه
مـن عقـب ماهـو للمغـاويـر مـقـدام=لـلـيـا غـــزا صـــم الـرمــك يتبـعـنـه
ومـروبــع يـزمــي مـثــل عـــز لـــزام=الليا اقبلـن شيـب الغـوارب نصنـه
بظهورهـن ربـع كريمـيـن وحـشـام=اللـيـا جذبـهـم صــوت نـجـر يـدنـه
يجـذب لـه الغايـب وسمـوه عــزام=مـن كثـر مايـجـذب شـراريـب بـنـه
اليوم كل اللي بقي جلـد وعظـام=والمال خمس اشياه والبيـت عنـه
ولالـه عيـال ينصرونـه الليـا انـظـام=الا بـنــات ٍ بالـهـضـاااايـب شــونــه
ياقلـب خـلـك للـروابـع والاوهــام=رفــيــق درب وكــــل هــــم ٍ تـبـنــه
والا انتفض واربط محقـاك بحـزام=وعن قوم وش سويت خافيك كنه
والشـر عنـك خـلاف والخيـر قـدام=والصبـر فــي وقــت المعـانـاة سـنـه

وسلامتكم