رد على الشاعر زيد مطلق السويدي الشمري

بسم الله الرحمن الرحيم

الشاعر\مشعل عسام التريباني الشمري

((الزمن ))

رد على قصيدة الشاعر / زيد مطلق

يازيد مطلق لك جزيل احترامـــي= كتبت شعرٍ يلمس العقل ومصيــــــب
الوقت ماتارد عليـــــه التهامـــــي = الوقت مابه عيــــب حنّا بنا العيـــــب
هذا الزمن من عهد سامٍ وحامــــي = ليل ونهــــار وتشرق الشمس اتغيـب
امقسّمه محيي رميم العظامـــــــي = سبحــان ربٍ رتّب الكون ترتيــــــب
بامره يسير الكون حسب النظامي= صيف وخريف وقيض حام اللواهيب
مابه خلل باالكون هذا الكلامـــــي = مار الخلل بالناس مابــــه تكاذيـــــب
اكبر دليل العود مالـــه مقامــــــي = يضحك على الرجال ياناشه الشيـــب
لوهو من الي يحتمون الجهامــــي = ولو هو كريم الكف مابه عذاريـــــب
واشوف راع المال يلقا احترامــي = لو هو من الي يسهجون المواجيــــب
سمّوه شيخ وقدمو لـــه سلامـــــي = ويقلط على المركا ويلقا تراحيــــب
وراع النميمه ينطحونه شمامــــي = الخايب الي يدّي الهرج وايجيـــــب
والطيبين اهل الفعول الجسامــــي = محدٍ يقدّر فعل عكف الاشانيـــــــب
وارج السموحه يالكرام الحشامـي = انكان هرجي جنّب الحق تجنيـــــب

مشعل رد وافي

يعطيك الف عافيه يارب

وصح لساانك وسلم بنانك

ودي

الوقت ماتارد عليـــــه التهامـــــي = الوقت مابه عيــــب حنّا بنا العيـــــب
هذا الزمن من عهد سامٍ وحامــــي = ليل ونهــــار وتشرق الشمس اتغيـب

دايم كبير يابو مشعل

وهامتك عاليه ياشاعرنا
صح السانك مدد بلا عدد

تقديري لشخصك الكريم ؛؛؛

صح لسانك شاعرنا القدير
رد وافي وقصيدة رائعة حفظك الله ورعاك
لك أطيب تحياتي وتقديري

صح لسانك وعلي شانك شاعرنا القدير

لاهنت رد وافي وشافي

سلمت ودمت بعدي

لكـ جل احترامي وتقديري

صح السانك وعلي شانك شاعرنا العم مشعل

صح لسانك شاعرنا المحترم مشعل التريباني ..

دائما ابياتك متألقه وصريحه ومرصعه بالحكمه ..

وراع النميمـه ينطحونـه شمامـي
الخايب الي يدّي الهـرج وايجيـب
والطيبين اهـل الفعـول الجسامـي
محدٍ يقدّر فعـل عكـف الاشانيـب

دمت سالما واطال الله عمرك في طاعته ..

تقديري واحترامي ..

الشاعر مشعل التريباني

كفو الله صح السانك

شاعرنا القدير

صح لسانكـ

اقتباس الوقـت ماتـارد عليـه التهامـي الوقت مابه عيب حنّا بنـا العيـب

نعيب زماننا والعيب فينا............وما لزماننا عيبٌ سوانا

تحياتي

جميع الاخوان الكرام والاخوات الكريمات شكرالكم الجميع على الردود الله لايهينكم