علاج هوا الارحام والخراب..مهم لكل بنت ومتزوجه

19-03-2011

هــآآآي بنوتات عرووســآت شلوونكم ؟!

بقرق عليكـم شـوي اتحملــوني

ذاك اليوم قاعده مع رفيقتي بالكليه عرسها عقب شهرين وكنت عارفه ان اليوم عليها الدوره .. المهم شوي ولا اشوف البنت راحت وجابت ببسي وقامت تشربه !!!

انا انربط لسآني وماعرفت شقول @@ الحين عروس وعرسك مو باقي عليه شي وتعبانه على تجهيزك ليش ماتضبطين عمرك حق رجلك عشان تعجبينه من برا ومن داخل ؟!

انا بالنسبه لي هالشغله هذي ماكوووووووو اهمممممم منهـــآآآآآآ

المهم كان اتل الببسي من ايدها وكلمتها وفهمتها وعطيتها البرنامج مالي اللي ماشيه عليه حق دورتي

عقب كم يوم كنت بالطريق رايحه الكليه ولا تدقدق علي وينك ابيك تعالي ابي اكلمك ضروري انا خرعتني وعبالي فيه شي المهم لمن شفتها بالكليه ولا البنت على راسها 100000 علامة استفهام تقول شنو هالسحر اللي عطيتيني اياه ؟؟؟
ماكو افرازات ولا لوعة كبد وحاسه روحي نظيفه نظيفه وطلبت مني اني اقول لها كل اللي اعرفه

لأنها عرفت شلون تكون بنت عدله ومضبوطه وحست بالفرق

والله والله والله يابنات اني احبكم في الله وانكم حسبة خواتي وابي افيدكم ببرنامجي اللي سوت لي اياه امي الله يخليها لي يارب ولا يحرمني منها وانا قبل كم شهر كنت عروس مثلكم وحايسه بعمري وحاسه فيكم والله

طبعا في كذا شغله كل بنت تعرفها بس قله اللي يطبقونها انا بقولكم شنو اسووي لنفسي بالضبططططط

مستحيل مستحيل مستحيل اكل اكل خربوطي وانا علي الدوره وقبل ماحط اي شغله بحلقي اسأل روحي بتضرني ولا لأ

كل شي ينشرب او ينوكل بارد او لزج او حامض او سبايسي وقت الدوره يكون بلااااااك لست مااذوقه ولا احطه بحلقي

البس دلاغين وسروال قطن ثقيل وطويل وبجامه كم طويل داااافيه وما امشي ع السيراميك حافيه لو شنو وما اتعرض لهوا المكيف ولا اتسبح ابدااااااااا اللهم اذا اضطريت امسح جسمي بفوطه وماي واتنشف بسررررعه واتدفى عدل

اول ثلاث ايام من الدوره الهم رشاد على الريق انا احط قفشه كبيره بفنجال واحط عليها شووويه عسل الخاص بالحريم بس عشان يتماسك ومايتبعثر بحلقي وبين اسناني ويسوي ريحه واشرب وراه ماي دافي

طول ايام الدوره اكل اللهوم وهم ع الريق اهو عباره عن فنجال من ( كمون - محلب - فلفل اسود - مسمار - فلفل ابيض - رشاد ) اطحنهم كلهم -الا الرشاد- لما يصيرون بودره واحطهم بعلبه واضيف عليه الرشاد الحب اللي ماطحناه هذا الهمه ع الريق قفشتين كبار واشرب وراه حليب خالي الدسم اغليه مع زنجبيل ودارسين او احطه مع العسل واشرب وراه حليب

امي تشتريلي النقوعه من مره اكسرها صغار صغار واحطها ببطل ماي صحه واغلي ماي لمن يفتر اصبه عليها هذي اشربها ع الريق وقبل النوم طول ايام الدوره ترا هم تلقون النقوعه عند الحواج

اخذ بطل ماي صحه احط فيه كسرة مقل وكسرة مره وشوية مسمار وشوية محلب وشوية حبه سودا تقريبا قفشه وسط واغلي ماي لمن يفتر اصبه عليها هذي انا اشربها ع الريق بس اشوف امي اذا عليها الدوره كلما مرت عليها شربت شوي فعادي كيفك يعني

الحين خلصنا من الأدويه اللي تنوكل او تنشرب ع الريق الحين نجي للريوق :
تمر تعفسينه مع رشاد وحبه سودا وسمن وتخلينه على كور صغار وتتريقينه الصبح وتشربين معاه حليب وزنجبيل ودارسين >>> التمر بس اول 4 ايام
انا امي تسويلي عجينة خبز التاوه تحط معاها كمون مطحون وحبه سودا مطحونه وتحطها لي بعلبه واحطها بفريزري الصبح كل اللي علي اني اخذ خبزة ولا 2 واحطها بالمقلى مع شوية زيت زيتون لمن تستوي >>> عجينة خبز التاوه انا بصراحه ماعرفها امي تسويلي بس اتوقع معروفه يعني

والعصيده همن تسويها امي وتترسها ادويه الصبح اسخن منها واكل واتوقع طريقة العصيده معروفه

اهم شي ماتجوعين نفسك ابدااااااااااااااااا انا كل ماجعت سويتلي من خبز التاوه هذا وكليت منه

يابنات شوربة الخضار مع الدجاج مفيييييييييييييده حيل احط عليها كثر ماقدر فلفل اسود وفلفل ابيض واشربها والمرقوق مفيد مفيد حطي ادويتك فيه وعليك بألف عافيه تقريبا انا كل شي اكله ايام الدوره احط عليه فلفل اسود وفلفل ابيض وكمون مطحون للي ماتعرف فوايد الفلفل الابيض هذا يضييييييييييييييييييييق بشكل مو طبيعي والكمون يطلع الهوا اللي بالبطن والارحام كله

يعني الريوق : حليب زنجبيل دارسين اما مع خبز التاوه او مع التمر او مع العصيده
والغدا والعشا : شوربة خضار - مرقوقه - عصيده او عادي اي شي بس المهم مايكون مضر

اول يومين اسوي مطاره احط فيها زنجبيل ودارسين هذي تنزل الدم كلللللللللللله وتنظفك عدل ومن ثالث يوم الدوره لآخر يوم مطاره احط فيها زعتر ومرميه وكمون

فيه دوا ينباع عند الحواج اسمه دوا القهوه هذا كل ماشربتي قهوتك "العرررربيـــــــه" تحطينه معاها بس ماتكثرين منه 3 فناجيل باليوم انا امي تشتريه من مره بكميات كبيره وتقسمه بيني انا وخواتي اهو والنقوعه اللي تكلمت عنها

ثالث ورابع وخامس وسادس يوم الدوره اسوي الغسول اللي اغلبكم عارفينه ( مره وملح خشن وقشر رمان وبابونج وارطا) اخلي الارطا وقشر الرمان والبابونج يطبخ عدل تقريبا 15 دقيقه بعدين قبل لا اسكر الجوله احط معاه المره والملح الخشن انا ماحب اسويه بشقتي عشان ماتطلع ريحه فأمي تسويه لي وتخليه مركز حييييييييييييييييييييييييييل وتحطه ببطل ماي صحه وانا اخذ منه شوي واحط معاه ماي دافي اقرب للحار واتشطف فيه ما انقع فيه وبعدين على طول اتنشف بسرعه والبس ملابسي وما اعرض نفسي للهوا لا مكيف ولا غيره

اخر يومين من دورتي اخذ نص قلاص ملح خشن واحطه بسطل واصب عليه ماي حار وانقع فيه يعقم المكان عدددددددل ويضيق وتحسين نفسك نظيفه ومنتعشه ولااااااااااازم بعدها تدفين نفسك على طول

يمكن بعض البنات يشوفون نظامي صعب بس صدقيني لمن تتعودين عليه وتفهمينه عدل بيصير عندك عااادي وسهالات كل اللي عليك انك تجهزين شغلك وتجمعين اغراضك من الحواج

ترا اجكــــررررر البنات واقبحهم الشيفه اللي ماتنبلع ام كششششه لي صارت ناشفه وضيقه ونظيفه مافيها لاريحه ولا افرازات ولا اصوات صارت عند رجلها ملكه وحطها على راسه وهي الشيخه وهي المدللـه ليييييييييييييييش ؟؟!
عشانها مريحته ومونسته

واجمل بنت واحلى بنت اللي كشختها مافي منها وريحة عطوراتها توصل الشارع اللي وراها وبياضها بياض الثلج ونعومتها حرير لي اهملت عمرها وقت دورتها وصارت وسيعه من الافرازات والريحه وتهوهي على قولة امي والله مايقرب صوبها ولا يجيها ولا يبي الا فرقاها ليييييييييييييييييييش ؟ عشانها مو مريحته ولا مونسته من افرازاتها وريحتها

يمكن بعض البنات يقولون كل هذي الادويه راح تخلي ريحتي من تحت مو حلوه ... انا اقولك شتسوين
هذي طريقة امي وخواتي وعلموني عليها لمن تزوجت تحطين بمطاره نعناع طازج وزنجبيل طازج وتصبي عليه ماي مغغغغغغغغلي عدل عدل تنطرين ربع ساعه بعدين صبي منه نص قلاص وحطي نص فنجال ماي ورد وزيديه ماي دافي لمن يصير القلاص مليان واشربيه وربي تصير ريحتك من تحت عطررررررررر هذي ابلش اشربها ثاني او ثالث يوم الدوره 3 مرات باليوم

والله ان هذا برنامجي اللي مخليني ميه ميه مانقصت منه ولا شي ومابي منكم غير الدعاء الله الله واي استفسار انا حااااااااااضره ومن عيوني

والله يوفقكم ياعرايس ويسعدكم مع ازواجكم ولا يشوفون غيركم يارب

مجرب
ومنقول