نــهاية فــارس شــجاع.... (game Over)

نــهاية فــارس شــجاع.... (GAME OVER)




بالخير يالنشامى والنشميات...
اسعدتم بكل حزتن...اني تايم....

.
.

.حيااااااااااااااااكم...تبون تمسكووون الخط معي
من الحين اختر وش تبي تركب انا علمتكم
باص اصفر والا عايدي (مستاجره من مناكد) او اكا الدنا المطربله ...

اربطوا الاحزمه
.
.دع القيادة لنا واستمتع انت بالرحلة
.
.
.
.
.
.
.

تجوووووودووووووا

قدامكم بطانيج ومطبات هوائيه وبعارين





استلمواااااا




جرت احداث هذه القصة بأول الفايت (مادون 90حول)
وتدورأحداثها حول أحد الفرسان وشيخ قبيلته...

القبيله تسمى ((كـــــراش )) ونخوتهم بورتقااا ا؟؟؟؟؟

وشيخ القبيلة يدعى أبو غازي ...

بلاياتن عليه لوه حالن مجرم حرب مطلوب لمحكمة العدل الدوليه بالاهاي ومن أبرز عشراه هتلر وتشرشل وماسوليني بس فيدل كاسترو مايتكابس هو ياوه من تالي
وقطة عيالن من المافيا

عاد هو وكوني عنان عشرتن لاصارت ولاستوت . مايلعبون بلوت الا سوى . مرتن لعبوا مباراه ودخل ابو غازي هدف ((تسلل مشي ياعمي)) ويجدع فنيلته ياكشره ابوعنان على بطنه..
ومن أبرز حلاياه لاأقبل تقبل مقبل ولاأقفى تقل مقفي (بين وجه الغضي من مقفاه)دايم مايظهر بالتلفزون بزبونه الخضر وغدفته الدهما واحيانا دقلتن دغما وزرابيل وشرابات بيض (العايلة)
ويعرف عنه أنه لاقال لا ماقال بلى <<< ابلش بوه

تقع القبيلة فوقن من أم رضمه
واللي مايدل يتبع الكروكي التالي ((لاصارت لينه على حجاجك الأيسر وساموده على حجاج مساحة سيارتك اليمنى....
,أم عصافيرخرج ذلول(الشنطه اللي على البعيرهههه)عنك هااااااه .... تراك دخلت مياههم الأقليمية بس توقع عن الالغام والعقوم.

يفضل استخدام قوقل ايرث....او انشد اقرب راعي غنم..

القبيلة ماخلت قبيلة الارثعت به عنده من الاسلحه المتقدمه قامت وقعدت (هوادي مقاليع نبطات قني مختلف المقاسات زراديات مفاتيح تواير حقات التريلات )

ولديها العديد من الفريس <<<جمع فارس المدربين على فنون القتال (مشابط.طرحي.متارز.منادف . معافر )

حاصلين على العديد من الدورات المتقدمه (غوص.مظلات.قوات خاصة.حماية شخصيات<<عشان الشيخ,,,,.ضفادع بشريه)



من أبرز فرسانها:

شــــنـــقل :

يلقب أبوسيم الوسيم(دايم ينقل سيمه معه(معلاق ملابس) ولايعرف السبب الى الان)حاصل دورة أحراش وأدغال وشعبان متقدمة من كلية الخشيبي .وحصل الترتيب الاول<<< هم كلهم ثنين
مايعرف الموت<<<بايعه بجلخ بصله وشوية منميز



الراااســـــي :

مخرع الرضم. سبوق مايلحق بخاخات ثمان سلندر (عليه طلب كثير أيام الأمطار لزوم التغبير) هامتن من الهوام ياكل الخضر واليابس . تربطه عشره مع شنقل .( يقال أنه عاشق عند شنقل)

<< اقول دن هنااااااا


مناكــــــــــــــد :
يلقب بالنووي
يعتبر من أسلحة الدمار الشامل . هذا هو بس يروغ عن البرادعي لوه ملف(اخضر علاقي)عند وكالة الطاقة الذرية.. عليه عين تجدع البوينغ747 من السما. دايم بوجه المدفع في مقدمة الجيش يتقنص الاعداء. يتسم بالهدوء<<<<على الصامت



متفاول:

المستشار الخاص وكاتم اسرار الشيخ <<< بيرن مالوه قااع ..... حاصل على الدختوراه من جامعة الحماطيات . والزماله (من يوم هو بزماله) من جامعه اللغف
من مميزاته<<<لونين كفر خط....لوه حنتسن تقل لفاحة دنا..

عــايـــد :
اخر الفرسان
فارس لايشق له غبار <<< غمارتين وعليه هنقلين.... ولادن ماصار وهولتن من الهول
له تمثال بأحد دورات القبيلة
بس الحين هو متقاعد ويعمل سائق اسعاف ... دايم يحضر تعللة الشيخ بالزي الرسمي<<< خلاص قامت عليك...

المحـــروم :
لاجئ سياسي من قبيلة (البوها)<<< بايه...

يقال أنه قتل عشرغنمات<<حلوه غنمات حلابات لعمه الشيخ<<< ولك شوهاظ يازلمه...

زبن ابوغازي وزبنه(يحب المرتزقه). عاد بلشوا بوه وين يحطونه وارسلوا برقية لمجلس الادارة وتم الاجتماع وقرروا تعيينه على وظيفة قهوجي للشيخ (بند اجور)حسب السلم الوظيفي للقبيلة...
وباشر عمله من فترة.. يقال أنه الأن يداعي بالجنسيه<< ياكبر شرهته مابقي الا البايه يصيركراشي<<<< اشي بالله انزح وراك ابمد رجليني..

مطولين تونا ماخلصنااااااااااااا......
,,,,في أحدى الليالي,,,, قمرا وساكره مابه الهواء..

كان الربع مبّردين وشنقل يمذرح من الوناسه توه قايمن من مفطح و يتعللون عند الشيخ وراعي الربابة بعافر ربابته...
قال شنقل : فنّك <<اداة تحدي.. تغني لي حافية القدمين.. وهو يندغه الراسي قال ماتجي على اللحن
الحين يغني لي عزازي

عيونك الحلوين نسوني اسمي مين
نسوني رايح فين نسوني جاي منين


وهو يتنهزرهم أبوغازي اكا التنهزره اللي ماعندك أحلامنه وهم يغدون بقق تقل تسلاب رمي كلن قاضبن لوه تخميميه
والربع لهم تغتغه(الضحك بصوت منخفض)...

وهويقوم الشيخ وهم يتقامزون الربع (احترام له لاوالله ذله منه)وهو يقعد الشيخ وهم يجدعون برواحهم...
وهم يقوم الشيخ وهم يفوعون تقل شافطهم 1000فولت

وهويقعد وهم يقعدون ..وهم يفوع ابوغازي وهويقعد بسرعه وهم امواج مكسيكيه<<< ياهووووه
ياضحكة الشيخ <<<< تقل دق سلف روسيه

قال والله وناااسه<<<< لاياشيخ....


ثم لوح بيده <<< تقل سستات حصنيه وأخذ ابو غازي مكانه من المجلس وقام يدق المكرفون بصبعه (اصبع بطارية)

قال: يالربع بصراحه............ مسكت



قال شنقل عساه على البلستيشن(ابخجمه بجوفنتوس)

قال الراسي عساه مسكت على خط (مالوه تسبدن على الخطوط)

قال القوجهي المحروم اكيد مسكت على كركش كفي

قال الشيخ لا (قال الراسي وجعاه ماسمعه الاشنقل وابتسم ابتسامة صغينونه)

قال مناكد مامن اختيارات<<< بالله عليك

قال المستشار طيب اتصال بعشير<< شلونك يابو قرداحي

وعايد مالوه خلق يحتسي <<< هذا وين اوديه اقرب طبيب بالرياض..<<اسكت يافلان

قال ابوغازي يالربع ... يدي حكتن مبطي ماغزيت ونيتي ابغزي قبيلة (التيادر)

مافطنا الابريك السياره حولنا بس ماندري وينه ياهذا الراسي منصفر يامابعينوه القطره ياهو متكوم..<<< انصفر الليد..

يالربع عندوه ويزخونه ويعلقونه بعمود البيت.قال مناكد بالله تقطيع ثلاجه((عايد سواق الاسعاف منجضع حدره<<< خربانتن الملويه

وهو يخطفه شنقل ويجره مع كرعانه ياما طشوه بحدى الحياض حدر الوايت
وخلاوه شوين ياقومت الراسي يبربر(عليكم بالتيوبلس راح زمن اللساتك)وهويلقالوه رقعتن مقرن الكتوف مملصه..
ويجيب شنقل رقعه التيوبلس وهو يتسفته.
يخي ياقومت الراسي يتفتف<<جيب ربع وهويدبل لوه شنقل ويشرقلوه بنزين ..ماسمع الاصريتس كفراته وريح شواط يالربع مع الشيخ وجه لوجه..<<التمس الغليم

قال ياشيخ تبي تجيب العيد بنا مالقيت الا التيادر يافلان<<يمون هذولا حصاميت الواحد كبر البعير والله ان نروح طعم جحاش
شف حدى القبيال الهملش خلنا نحوسهم
قال ابوغازي : ياقوم هلمو لصالة الاجتماعات المغلقة (ممنوع دخول الصحافة)ايا ياربي وحنا نتقامز ولنا عجتن <<< 400 متر تتابع يالجاجتنا تقل بملعب الملز.. وبعد مداولات والي حصلوه سطره واللي ركبه واللي من فوق السطح<<< يالربع اللي مامعه تأمين التعاوني قعد به

واخير قام المحدث الرسمي بعقد مؤتمر صحفي

قال فيه بأن قبيلتنا سوف تغزي قبيلة ((البرحه)) ماعندك أحد..
وهي يقومون يهوسون<<< احدى طقوس استعدادت الحرب...

مناكد راح يفصل ثياب ولعياله<<< يارايق
وعايد بالورش يصلح فحمات الاسعاف..
المحروم طرش للسوق يدور قهوه امريكيه..
الراااسي يفر ببسطة الحريم..

===========
مع شنقل مش حتقدر تغمض عينيك..
===========

..وحانت ساعة الصـــــــــــــــــفر<<<هنا الحتسي....

هبت هبوب الجنه وين انت ياباغيها.....

بدت طلايع الجيش تحتشد <<< ساعه يالله لقيت هالكلمه على حدود البرحه واذولاك ماعندك احد...
ياهذا ابو غازي (راكبن بسيارة شركة الكرهب ورافعينه فوووق) لابسن لوه زبونن خضر وشمغتن شهبا<<< يشجع الطائي
وعلى كتفوه ماصوره (تسان ماني واهم انه ماصوره بيارتن مكسوره مكسوره.او اربي جي)
اللي مالوه سنع فوق هالدرافيل لابسن فنيلتن الاتحاد برقم حمزه أبو موفق<<< وااااااااه ياحمزه

والفارس شنقل لابس ملابس الحرب بالهيلاهوب الاصفر وطافية زري وشماغ البسام وقالب المرزااام ومشخبطن على وجهه تمويه (احلى يامارينز)

الراسي ملمعن الكفرات وكاتبن على القزازه من ورى ... رفحايل.... (رفحاء +حايل )احلى ياحركتات ورافعن المسجل (اكيد دبكه)
حط الكاسه بالطاسه .. المحرووم قهوه ساده<<<< ههههههههايلي اااه ياتسبدي
ويدبك مع شنيقل
وشنقل يغني (كلن وعرفه)..
حط الفيده بالفيده.... قهوتك صايده عيده <<< مذرحنااااااااااااااااابوووه

برايفت للرااسي (( الراسي متى تبي تخاويني يم ربيعنا الي فووق))...
ومناكد يدربل يقول وجهوني بس وازهلوهم.. ومعلقن ثيابه الجديده<<< توه العيد ياولد

الا متفاول صاكن القلاب ومعه شنطه دبلوماسيه <<< تقل مدير بنك مهو فرع الا اقليمي
وبس يتلفت تقل يبي لوه شين <<<< يبي شاحن جوال
عايد (( لاحوووول ردينا على طير ياللي)) شايلن الاسعاف على سطحه .. وراكبن به ومشغلن السفتي.........
والمحروم هذا يدندف بدلته تقل وجه صعوه<<< هههههههه

قال ابو غازي الحرب خدعه وانا ابسوي بهم دقره<<< مرادف لخدعه . نبي نهجه عليهم القايلة صقعة ام عميد<<< اقول والله من جنبه
لاتغدوا تبنجوا واكيد راصينه بلبن انتم تدرون يالربع انهم ماوصلهم لبن اكتيفيا<<< ياخي عقب هالسالفه ودي ابيع كل اسهمي بخساره.... واطلع من السوق



قال الشيخ:
طيب الحين ابي واحدن يعسهم ...ياشنقل هناك قدام الجيش يتقمز..

وابتسم ابو غازي ابتسامة واحدن تقل يبي يسوي بك مقلب..شنيقل ذويبان سنايدي تعال ياوليدي
ويدنه خليليه شنقل قال اموت واعرف منهو اللي ندغن.
وهويمسد من عندنا تقل داب هو وسيمه (ستيشن ثلاث وصل)
خذينا لنا برهه...
ياهذا شنقل زامن لوه نعجه ومعها ولدين توم<<<ياعله مبرووك
قلنا ياشنقل بشرنا
قال ابشركم النعجه ولدت طبيعي وماحتاجت لعمليه وجابت تؤام سيامي ولازم نرسلهم للدكتور الربيعه بالرياض عشان يفصلهم..
وهو يتحماله ابو غازي بالشدفا حماحيلوه ,,, ياشنقل هنااااااااااا (تقل مبنشر على الدايري ويمشي 220)

وهويحترف ابوغازي تقل يسفط لوه تريله وهو يصيح اكا الصيحة اللي تقعد الميت..

بورتقااا بورتقااااااااا عليهمم<<< ويمغطه هنااااااااااك

وين البراتقه وين الذيابه

عليهم عليهم ....... اواااااااااااااااهو

ونوبن يهيجن ((فيكم طرب فيكم وناسه قولوا يالله يالله))

وهي تثور سليمااااااااااااا........




اعزائي القراء....... فاصل ونواصل<<< تليشت ابتسحر وانكس

اندلعت الحرب العالمية الثامنه بين الكراش والبرحه استخدمت فيها الشعوب المتحالفه

اسلحتن مغناطيسة تفوق في قدرتها الاسلحة التقليدية

ونتيجتن لذلك حل الدمار في البر والبحر.


عدنااااااااااااااااااااااان وليــــــــــــــــــــنه


جمعتهم اماني جمعتهم اماني


اماني حلوه حلوه..

(اجمل تحية لعبسي ونامق بغيابهم)..



..................................................

وهي تثورسليما ...

يامار الراسي قدامنا ويالله نقطع عليه مولعن فليشر وينطل على الكتاف
وبأول تقاطع بقبيلة البرحه يرصه باستفهاااام وهي تجي على جنبه تقل صابونة تمزلق على ظهر محمد نور..
مناكد يومي بشماغه<<< مفحط سابق
الوكاااد...
ذبحنا اللي ذبحنا دبينا اللي دبينا وفلقنا اللي فلقنا وغلنا اللي غلنا<<< المحروووم تخصص غول(يامابوعين بستن غاله)

ورجعنا لقواعدنا سالمين رافعين علامة النصر(قهر هزمه الاهلي ثلاثه)

وكان باستقبالنا شيبان القبيلة واللي مدبرن استراحه مرضيه وبعض حريم القبيله..وبعض افرادالشرطة المستلمين ويلولشن ويغنن ويرشن على الكشاشات فيدت الرغوه<<<الوضع فري

والوغدان بالطرطعان ويولعون بالليف..ومسيرات بالشوارع انواع اللقاءات بالتلفزون

شنقل والراسي مهم يم الناس لقوه لهم ذاكره <<< وامتحنو الناس بالبلوتوث...

وبوجهنا على حوطة ابوغازي محملين غنايم الحرب نبي نزلهن

وكانت كالتالي:
55 ناقه (وضحا مهي خزنه للامانه استخدام امريكي)
331 راس من الماشيه (غنم معزى خيول سلق دجاج حمير<<<اخو سعدى والله ماتصير غنيمة حرب وانا حي لحد سعلك قله من طرف شنقل<<< حمييييير
9 تيادر
18 بيت شعر دبلوكس
5روسيات وعايدي(اخضر) <<< ملابطوه مناكد ومعلقن ثيابه بوووه.
13 شبك غنم وعدد لابأس به من الحياض
3 بقرات حقب (شوف عيني المحروم صادهن بشبكه طيره)
15قطبه خيشان (بيت من الخياش مقاس سمووول)
23جوال نوكياn70
55 بطاقة شحن سوا ام عشرة ريال
6 أعلام للنصر وصورة دنيلسون <<< ماجابه الاشنقل
18 سيكل 24 كلهن حمر

ياهذا ابوغازي<<< مصاب بجنون العظمه(من فيدن افريقيا اللي على روسهم عظام)

لابسن بشاتوه البولصي <<< وردي .. راكبن فوق تانكي ماء((ماتشوف يدك من الصحفيين ووكالات الانباء))

قال : ايها القوم<<< ياملا القوم(الخطاب كاتبوه لوه متفاول)بناء على الصلاحيات المخولة مني لي<<< خوش
ابان الانقلاب المبارك وقيادة القوات المسلحة

قررنا منح كل مواطن أوف يومين<<< احلى هناااااااااااك


اما غنايم الحرب فتودع في بيت مال القبيلة لكي تدرج ضمن المشاريع للميزانية القادمه

ياصيحه مناكد ياحلولات يالعايدي وهو يجي مجاااااااوب من فوق العايدي<<< قنابل عنقوديه (عقبن حفروا مكان طيحته بير ارتواز بس طلع ملاح)

وفجاءة..........

ياشنقل تالن المكرفون من الشيخ وسيمه رابطوه على راسه <<< ياراس حيي وقال : ثكلتك اللي ثكلتك مو شغلي ... مافيه حقوق انسان فوضى هي حنا مالنا رب...
والله ماكون شنقل أبو سيم الوسيم ان ماحطيته بقلب كوفي عنان(حروش من يوم تقلد سنادته)



واستدارت كاميرات الصحافه الى ابوغازي<<<< الوكاد انه دقت صافرات وقع الخطر..

واخرج من غبوطه خبن حمر(قطعة قماش حمرا) كرت أحمر

قال ياشنقل:

وقلب لون وجهه حمر << نسبه تحت (بع واشتر من تحت) وانتفخت اوداجه (ايرباق) وقام يزور ويدوس على البنص والكنداسه تقطع والرديتر يفّور(حط ماء خضر)

شنقل انت دمك مهدور <<<اقعد به يعني مايقبلك اي بنك لابغيت قرض وماتقدم على البنك العقار<<< وكل البقالات ماتسجل عندهن


((((شـــــــــنقل مطلوب أمنيا))))<<<< ومصورينه(كاشر)ومكتوب wanted
بكل اللغات <<< ياشين الشهره..

وقام شنقل يشيل قشه على سطحه(مهي سطحة عايد فيد الاسعاف) دفع حسابه الراااسي <<< ايا بعد وجههي



وقد اهداه عشيره الراااسي<<<< اكثر واحد تحطم شريط لفراااقهر
حان الوداع وقرب البعد يازين
حان الفراق وسامحي ياحياتي...


واهداه شنقل شريط


تزورني في لذة النوووم واعي....

<<< وهنا سقطه دمعه شنقل << مايحب الوداع وهالسوالف
حساس <<< مرهمن حساسات بي ام..

وهنا تخامموا<<< كل ضم عشيره ماترفقوا الا يوم جاء الدفاع المدني<<< سلموا لايحترقون



وقد اختلف المؤرخون والرواة في مصير شنقل...<<< تخبرون مبطي هافي الليد وكلن يصرح من عنده <<< الحتسي بلاش..

منهم من قال انه تصعلك<<< حلوك صوابر

وقالوا انه سجل بالفوج برقم عمن لوه مدري منين يجيه ماله والي اقرب مالوه شنقل

وقالوا ايضا انه همز همزت عين جدي

واكد التاريخ ان الراسي استقبل رسالة وسايط من شنقل ولم يعرف محتواها.

واكد احد الرحالة الالمان ( عفيتل هاري بالاك)<< مايكل بالاك الي بتشلسي يصير عديله
في احد كتبه انه قابل شنقل عند سور الصين العظيم فارشن فرشته ويتقهوى
ويصوت بصوت عالي وين المحرووم يقهوني

ونشده انت ياشنقل قال تهقى منهو المقاول اللي بني السور؟؟؟؟؟


وقد عثر على شنقل فاطسن بظلال رجدمن حروت الجلاميد<<<< انته الحفله

وقد كتب وصيته على حدى الجيلان,,,,

أوصي بكل املاكي(مقطوع من شجرة) لعشيري الراااااسي<<< لبا قلبه

اوصيكم بالعصيان والتمرد على الدكتاتور ابو غازي اقلبوا الحكم عليه يامعدومين, كما اوصيكم بعدم الاكتتاب بالحكير (110ريال للسهم)بلف عيني عينك
عليكم بالاستثمار وخلوكم من المضاربه والمطامر.. اقضبوا القاااع
جيزان الزراعيه عليه توصيه..


واود ان اقول للطاغية ابوغازي
.
.
.
.
.
.
.
..


الله لايوفقك............. بالبلوت...


كتبه الفقير الى ربه

الفارس شنقل ابو سيم الوسيم عشير الرااسي

حرر في حزيزان تموزاب<<< رقم معاملة

عقوبة عقوبه فيدت البرحه<<<اي عقب فيدت البرحه بسنتين (سنة ضربت زيدان لمتاريزي)






انتهت الرحلة .... الحمد لله على السلامه...

بامكانكم الان تقضبون الباب<<< شوي شوبيباننا شفط
بس الحساب الله لايهينكم<<< نقبل الكردت كارد والفيزا ورهن الساعات والجوالات




قبل ان اودعكم...
وللامانة الصحفيه وحقوق النشر,,,

عايد سواق الاسعاف لها الحين واقف عند راعي السطحه يكاسره على السعر
وثياب مناكد على تعليقتهن..





بس خلاص..........



المحرووم ياوليدي قم قهون ترن دايخن من الخط....

هههههههههههههههههه

تليشن عويناتي وأنا أتابع هالمعمعه الصاخنه :nosweat:tv_horror:

بس لاقت لي سالفة العصيان على الديكتاتور أبو غازي


دمت عشيرا لي

انت وشلون قلت بي؟؟؟


الناس وصلوا بيوتهم وانا فاتحن افمي اقرا!!!

لا انا اللي صليت ولا انا اللي هربت من الدوام ولا انا اللي نمت بالمكتب!!!



اقول انا متنازلن لك عن العايدي...

ابي حراثه (جرار على قولت السوريين)...





شنقل الله يوسع صدرك بطاعته...

وليه مانكتتب بالحكير؟؟؟



الا متى يجي 10/10 طوله وعرضه ماحصل يجي!!!



تشاو...

.

والجواري وين راحن

^
^
^

يفكر بغنايم الحرب



ابي ارجع ليا افطرت << يبس حلدزوه

اقتباس راكبن بسيارة شركة الكرهب ورافعينه فوووق

هههههههههههههههههههههههههههههههههههه
فترن جنوبي من الضحتس على شكل ابو غازي وهو بسياره الكهرب

اقتباس عفيتل هاري بالاك

ههههههههههههههههه

هذا عشير ابوي الله يرحمه

انت تذكر هاك الليله يوم اطريناه لعزوز يوم فهى يقول منهو عفيل
ايام الحرمده

اقتباس عايد (( لاحوووول ردينا على طير ياللي)) شايلن الاسعاف على سطحه .. وراكبن به ومشغلن السفتي.........

ههههههههههههههه

يخي صوت السفتي شي
اخش جو اليا سمعته


اقول ابو احمد

الله يرج عدوك من وين طرا عليك هالموضوع
قريته اليوم الصبح وقريته الحين وكل ما اقراه اتفتق من الضحتس ( اللي ما يعرف ينفتق ينشد الراااسي )

لا هنت وهذا اللي قدرت اقتبس من الصبح اضحك
هلوست قبل هالفطور الله يرج عدوك رجا مبرحاااااا

اقتباس ابو فهد بس لاقت لي سالفة العصيان على الديكتاتور أبو غازي دمت عشيرا لي

هلا ابو فهد اجل جازت العصيان على ابو غازي
ههههههههههه
هههههههههه


شرايك نقلب الفروه عليه..


دمت عشيرا لي