ديوان الشاعر / شاطي مجول الخليل

بسم الله الرحمن الرحيم

الى قلوبكم الطاهرة

هـيـبـة عـرـيـن لأسـود

	عم بسمانا الفرح واصبح على ايقاعه = يغرد الورق والقمري بمواله ما ابرك منه يوم بالدنيا ولا ساعه = تنشد رمال الوطن وتردد جباله شفي مليك العرب ومرجح اصواعه = مالت له قلوبنا مع ميلت عقاله وصبح يدير البلد في احسن اوضاعه = واجمل معاني بيوت الشعر تهدا له جتني بعد كبريا للأمر منصاعه = تقصر خطاه احترام بنوع مختاله قالت نعم سيدي بالسمع والطاعه = شيخة بنات القصيد ودرة اقواله والبسته الهيبة العضما على قناعه = وفألته الخير والخيره على فاله وعنزته الضلع ماعنز على قاعه = هيبة عرين الأسود وسطوة اشباله عقل يصوغ القرار بقمة ابداعه = لو قدر قيد انمله ما غاب عن باله ينظر قبل مدخله وشلون مطلاعه = يضرب حساب الأمور ويحسم افعاله القاس ابو متعب اللين على اتباعه = خلق يعز البشر ما يحاول اذلاله يوم ان بعض الملوك يحاول اخضاعه = مثله مثل قمة والعيش بظلاله يخجل كبير العطاء من مدة ذراعه = كفه كذا خلق ما يقبض على ماله لو تطلبه لقمة في قبضة اصباعه = قبل يرده لفمه اعطاه من ساله خاطب عقول الأوادم وأدرك اطماعه = كنه طبيب المرض تفهم الحاله العالم ان تختلف تركيبة انواعه = عليك بعد الولي تركز اماله وأن اختلف فئة الا انه اجماعه = انت المؤهل بكفك مجمع احباله اعليت علم امتك وأصلحت بأوضاعه = وأعدت هيكل بناه وسطوة اجلاله من كان له رغبة يعمل على اشباعه = رقص بليس اللعين وزين اعماله سددت صدره برمحٍ يفتح اضلاعة = وأطبق عليه الفضاء وأنحط منزاله وأدبر يكيل الندم ويضمد اوجاعه = يأمل به الطيب لاكنه على حاله

شاعر الضياغم