ابشر بيوماً مثل يوم الرغامه

اخواني وخواتي يمكن منكم من يسمع بالشاعر الكبير/ عيد ابن حطاب العتيبي

اليوم جيت لكم بابيات له مشاركة في عاصفة الحزم ارجو ان تنال شي من رضاكم عني

انفعلت وصرت ألوّح بالعمامه=بعد عاصفة الحزم معنى الرجوله
والاوامر جات من قصر اليمامه=من حكيمٍ في القسا تعرف فعوله
طول الله عمره وعزه ودامه=الزعيم اللي ينومسنا قبوله
رايتة مرفوعه بعزم وصرامه=فارسٍ فالمعركه تصهل خيوله
يابو شمه صبرنا ماهو رخامه=وانت خاين للعهد يابن الحموله
جاتك اسرابٍ على جوك غمامه=شف صقور الجو عرض ارضك وطوله
ودس راسك فالرمل مثل النعامه=ودور الحوثي سرا ناسي نعوله
والخميني مايقلنه عضامه=خطته فشلت ويمناه مغلوله
ياملكنا الحرب لاثوّر عسامه=معكم النا فالوغى صوله وجوله
ابشر بيومٍ مثل يوم الرغامه=دون بيت الله وعن سنة رسوله
والقبايل كلها فيها قرامه=كلنا عند الكلام اللي نقوله
وقالها عبدالعزيز ومن كلامه =كلنا للحرب لادقت طبوله
ومبتدى قولي واكرر في ختامه=رمز عاصفة الحزم معنى الرجوله

الشاعر :عيد ابن حطاب العتيبي

ابو خالد
سلم بنانك على نقلها لنا استاذي
صح السانك والسان الشاعر الكبير عيد ابن حطاب العتيبي مدد بلا عدد
.. .. . .
خالص التحايا لسمو شخصك النبيل
??¯?ـ?ابو غازي?ـ?¯??

الشاعر عبدالعزيز بن حشيان
صح السان شاعرها وسلم بنان ناقلها
تحياتي لك

صح لسان الشاعر

وسلمت يدا الناقل

لاهنت اخوي الفاضل عبدالعزيز

يسلم على البيات الشاعر عيد ابن حطاب ومشكور على النقل المميز