قصيدة الشاعر عبدالله بن عجير بن سراج العتيبي بجارهـ - مطارد الشمري

قصيدة الشيخ الشاعر عبدالله بن عجير العتيبي
عندما رحل جاره مطارد بن حصن الشمري من الرياض الى قرية الصهوة التابعة لإمارة حائل
حيث عبدالله العتيبي كان مسافراً وعندما رجع من السفر وجد طقم دلال حائل في مجلسه
وقالوا هذولي دلال أهداها علينا جارنا ورحل لديرته

اليوم ادير الفكر والهم زايد = صدري تضايق من هواجس تدالاه
عيت هجوسي تستريح وتهايد = يجتال في صدري من الهم ضيقاه
الصبر والهاجوس قامت تبايد = بعد مطارد ليتنا معرفناه
راعي دلالٍ نارهنه وقايد = البن له خمره وللهيل مصفاه
مايشتغلها لابسات القلايد = يحوفها هو يشتغلها بميناه
من فوق جمر السمرماهو عرايد = دلال حايل حامي الجمر تصلاه
من حر ماله ماجمعها رفايد =من يوم تقبل له يرحب وتلقاه
واله عيالٍ يكسبون الفوايد = مافيهم اللي صد عنه وخلاه
ياعنك مايحتاج عنهم نشايد = ديار حاتم هي مقره ومنشاه
رجالهم مايرتخي فالشدايد = كسب الثنا يمه تدرهم مطاياه
مطارد مطارد وسيع البنايد = مطارد اللي مايوصف بحلياه
الجار لايمكن ينوشه نقايد = يقدره ويقلطه فوق مركاه
سوالفه جزله ومعها قصايد =مفتوح بابه والمسايير تنصاه
ليته من الادنين ماهو نايد = كل الخصال الطيبه من سجاياه
حرٍ تسلسل من رفيع السنايد = وكره على رأس الطويله تعلاه
اشهد له ولاهو بحاجه شهايد =حاز المراجل ثم جلبها لمرباه
لديار شمر طيبين العوايد =باطراف حايل شيد البيت مبناه
مهو عشاش مشيد البني كايد = بيته وسيع ويشرح الصدر سكناه
بيتٍ يرودونه جميع البدايد =بيت الكرم والواجبه ماتعداه
عشر سنين وكل عيد نتعايد = مرت سريع تقول عشر ليالااه
حنا وشمر كاسبين الحمايد = جيره عزاز نفوس ماهي مضاهاه
يوم بعض الجيران فيهم حقايد = لااتفه سبب على الجار شكواه
حصل بعضنا من بعضنا مجايد = سوالفن تبقا من الرجل لابناه
واليوم صرنا عن بعضنا بعايد = ان زارنا ولا زياره وصلناه
تفرقه الدنياء بليا وعايد = غدر الزمن ماتتضحلك خفاياه
يدري بها العاقل تخفي لاهايد = واللي كتب للعبد يومن ويرضاه
وصلاة ربي عد رش الرعايد = هطال مزن الوسم يوم انتثر ماه
بامر الذي سيدٍ على كل سايد = الواحد الفرد الصمد عالي الجاه

الشاعر / عبدالله بن عجير سراج الدلبحي

هذولا الجيران ولا فلا
صح السان الشاعر عبدالله بن عجير سراج الدلبحي
تقديري لحضرة جنابك

صح السان شاعرها الف

صح السان الشاعر / عبدالله بن عجير سراج الدلبحي
تسلم اياديك عمي ابو غازي

الاحترام لسابع جار هذا ديدن الطيبين
بيض الله وجه الشاعر / عبدالله بن عجير سراج الدلبحي العتيبي
تقديري لك استاذي المشرف العام

صح لسان القائل وسلمت يد الناقل

بيض الله وجه الشاعر عبدالله العتيبي

وكذلك بيض الله مطارد الشمري على حسن الجوار


لاهنت يابوغازي

نقلت الطيب المفيد لكي تتناقله كل الاجيال يالنشمي
تقديري لك

يأأأأأأأ لهوي دأأأأأأأأأأأأأأأأأنا عيطت كثير يافندم
دأأأأأأأأأأأأأأأأأهـ القأأأأأأأأأأأأأر ولا بلاش