02-07-2006 | #1 |
|
ما مثل أخوك اللي يحبك ويغليك
إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال وأن خيرهما الذي يبدأ بالسلام قصيدة ثمينة ومؤثرة للشاعرة / ليلى سعد عباس الحربي تقول فيها: الناس واجد مير ما مثل الاخوان .... ما مثل اخوك اللي يحبك ويغليك ما مثل اخوك اللي صدوق ومعوان .... تفديه بالغالـي وبالـروح يفديـك يشكي لك جروحه وهمه والاحزان .... ولا ضاقت الدنيا بهمك يواسيـك لو كان لك ربعٍ ونـاسٍ وجيـران .... ما مثل اخوك اللي عن الناس يغنيك أخوك هو عزك ولو كان ما كـان .... يبيع كل الناس لأجلك ويشريـك أنا أشهد أنه لك على الصدر نيشان .... تاجٍ على راسك وستـر يغطيـك وانا اشهد انه مـا يثاقـل بميـزان .... مثل الذهب والماس مافيه تشكيك وانا اشهد إنه ما يقـدر بالاثمـان .... عن العدو حصـن ودرع يوقيـك إياك لا تفتـح طريـق لشيطـان .... بينك وبينه جعـل ربـي ينجيـك ولا تستمع لاجاك علان وفـلان .... يا كثر ما تسمع من اللي يعاديـك ولا تجعل لغيرك على العقل سلطان .... ترى كثير اللي بشـوره يدهويـك ترى الدهر دوار يا سرع الأزمـان .... يومٍ تواريـه الثـرى أو يواريـك تقول يا ليت الذي كـان ماكـان .... يا ليتني بالقبر جنبـك واخاويـك يا ليتك تعود واضمك بالاحضـان .... أضمك لصدري واقبـل أياديـك يا ليتك تعود ترى القلـب ندمـان .... وده يسوق المعذرة ثـم يراضيـك مير البلا يا ليت مـاردت إنسـان .... ويا ليت ما تمحي ظلام بما ضيـك تماكن الدنيا وواصـل بالاحسـان .... قبل الندم يطويك والهـم يبريـك ونهاية المشوار ما غيـر الاكفـان .... ويبقى مع السارين ذكرك وطاريك وسلامتكم... |
اللهم ارفع الحصار و أقر عيون الأبرار و ارفع الذل عن أمة المختار صلى الله عليه و سلم
|
02-07-2006 | #2 |
|
قصيده جميله جدآ
سلمت ولاهنت اخوي سعود الخالدي لنقلك الموفق بارك الله فيك ريم الفلا |
مجتمع يرفض الطب ! و يسيء الظن في الطبيبات !! وحين تلد النساء ، يبحث عن " طبيبه " !! مجتمع متناقض ! |
02-07-2006 | #3 |
|
يعطيك العافية اخي سعود وصح لسانك ولسان قايلة القصيدة نقل مميز جداَ بارك الله فيك وجزيت خيراً وياهلا |
التعديل الأخير تم بواسطة صالح فارس الجربا ; 03-07-2006 الساعة 05:09
|
02-07-2006 | #4 |
الإدارة
|
صح لسانك ولسان شاعرها
اخونا سعود |
لن يضرك ان ترد على زميلين او ثلاثه في كل مره تزور المنتدى
رحم الله من أهدى لي قبسا يضيء لي عتمة المكان من حولي |
06-07-2006 | #9 |
|
صح بدنكم يالنشامى ريم الفلا الهدد ابو غازي ابو مضاوي والمغترب والقالش ..
|
اللهم ارفع الحصار و أقر عيون الأبرار و ارفع الذل عن أمة المختار صلى الله عليه و سلم
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
إن جميع ماينشر في المنتدى من أشعار ومشاركات ماهي إلا نتاج أفكار تمثل رؤية كاتبها فقط ولا تمثل رأي المنتدى
(رأيت الحر يجتنب المخازي.. ويحميه عن الغدر الوفاء.. فلا والله مافي العيش خيرٌ.. ولا الدنيا إذا ذهب الحياءُ)
المشرف العام