لا وا حسافة

السلام عليكم ورحمة الله وبركاته
..
..
..
..

ياخوي كانك لانخيتـك معـي قمـت=فاسمع كلامٍ صار له بالحشى عـام
هذا الزمن اللي يسود أكثره صمـت=يضم نـاسٍ وأكثـره مثـل الأنعـام
أخفت مكارم وأظهرت عادة الشمـت=تلقى الرجل يشمت رفيقه ليـا قـام
به ناس ماتسوى مواطيـك لاهنـت=ليا قلت فزعه لو على الخير ماقـام
وناسٍ بليله مابعـد مثلهـم شفـت=يومه ينام واليا بـدا الليـل مانـام
وناسٍ ليامن شفتهـم ثـم سلمـت=ماأحدٍ يرد كن الذي شفتـه أصنـام
وناسٍ ليامن جيتهم بمطلـبٍ شنـت=وإن جيت بفلوسٍ لهم صرت مقـدام
بالحق تصبح وافيٍ كان بـه خنـت=والصدق حكمه عندهم حكم الأعـدام
جمع الرصيد واللي حضريطلب البنت=هو همهم وإلا العشى مابـه إيـدام
لاواحسافه ياالزمـن كيـف غيـرت=ناسٍ حمـوا عدٌَّوهـم عندهـم نـام
لاواحسافـه ياالزمـن ماتمهـلـت=ضيعت نـاسٍ باقـي عنـده أحـلام
لاواحسافه ياالزمـن ليـه ماشلـت=ناس بَنت في داخـل قلوبـه الغـام
لولا حسافه مامضـى كـان ماقلـت=لاشك طاحت عـادةٍ تحـت الأقـدام
وين أنت ياوقـتٍ خذيـت وتمكنـت=هاك القلوب اللي على غيره أرحـام
وين أنت ياوقتٍ مع الليل مااظلمـت=ليلك نهار ومنـور الوقـت مـادام
وين أنت ياوقتٍ على الناس خيمـت=صفوك صفى لنفوسنا طول الأعـوام
وين أنت ياوقتٍ مضـى رد لاهنـت=ردْ الحياء رجّع وفاء هـاك الأيـام
وقتٍ علي غيّر وغيّر عليـك انـت=وأصبح على نـاس ياخـوك لطّـام
وليـت ياوقـتٍ عليـنـا تلـونـت=ويالله تكافينـا شــره والأحـكـام
وعلى النبي صلوا ختامٍ لمـا قلـت=إعداد ماحـروفٍ خطـت بالأقـلام

..
..
..
الشاعر / سعود المحمد

اتمنى ان تنال اعجابكم

صح لسانك ولسااااااااااااااااان
الشاعر

ولا عدمناااااااااك

صح لسانك ولسان
الشاعر

ولا عدمناك يالطربه

اقتباس المشاركة الأصلية كتبت بواسطة بكل فخر قالش صح لسانك ولسااااااااااااااااان الشاعر ولا عدمناااااااااك

صح بدنك يالغالي

والف شكر لك

مت بكل ود وسلام...!

اقتباس المشاركة الأصلية كتبت بواسطة ابو مضاوي صح لسانك ولسان الشاعر ولا عدمناك يالطربه

صح بدنك ولاهنت على حضورك الرائع

دمت بكل ود وسلام....!