يقول ذبح السيف ياناس هايبه

الاخ اخو شرهه حياك الله وايليكم (ملحق وتوضيح لقصيدة مروج)

ويقول ابو عارف

نعود لمسلسل صريع الفيوني = قصة مروّج كنت مـن قبـل جايبـه
المخدرات مسببات الجنوني = المـوت والحرمـان جملـة كسايبـه
صبح القصاص الوالدة تعلموني = وتبكي ودمع العين هلت سكايبـه
والشايب المفجوع هيض شجوني = مغلوب في امره وزادت غلايبـه
يقول ياليت الأجل والمنوني = قبل الـزواج وقبـل تظهـر خوايبـة
النوم بعد اليوم فارق جفوني = الإبـن راح ومستحيـل لقـاي بـه
جابوا له السيّاف سيفه سنوني = في عظم جذع الرآس تسمع حطايبه
قاطع قطع راسه وخلاّ المتوني = جزاه من جنس العمل ذي عقايبـه
وترك صغار توهم يدرسونـي = مـع امهـم والهـم زادت لهايبـه
صغار عن اللي صار مايدركوني = وغريزة الأطفال كثـرة طلايبـه
نصيحةٍ مني لمن يسمعونـي = علـى المخـدر دوم نعلـن حرايبـه
لشبابنـا نقـول لاتقربونـي = المخـدرات اللـي كبـار نكايـبـه
بعض الشباب عن الخطر يجهلوني = يجهل مخاطرها ويجهل شوايبه
والبعض يتبع خالفوا تذكروني = ويقلدون الغرب بأغـرب غرايبـه
ياهيه ياللي للمخدر زبوني = مرافق رفيق السؤ اكتـب رثـاي بـه
من هامش الواقع كتبت الفنوني = قريحتـي جـادت ولبـت ندايبـه
ملحق وتوضيحٍ لمن يفهموني = ونصيحـة عسـاه تكـون صايبـة
نطلب من المعبود وامره يكوني = يحمي شباب المسلميـن بعجايبـه
وصلاة ربي عد مايكتبوني = علـى رسـول الله والنفـس طايبـه