احـب انا رجـلً بدمــه حـراره

أحب أنا رجـلً بدمـه حراره
—————-——---
اهـداء الى الاخ : هـزاع بن ضاري الجـباري الاســلمي الشــمري
حيث تشرفت بزيارته في منزله الكائن في مدينة المفرق --- فى المملكه الاردنيه الهاشميه

لله در اللـي يـحــوف الـمعــامـيـل = قـرًم مـع الايـام مـا اخـلف مـسـاره
قــرم. .يحـوف دلالـهـا. والفـناجـيـل = وفي غـالي الأثـمـان يشــٰري بهـاره
بيتً تشـرع. غرب من سـكـة الريـل = مـابـه. خـفـا. للنـاس. مـثـل المنـاره
في ديـرةً .يـا جعـلها. بضـافي.السيل = في ضـاحيـة. نسـل الشـريفـين. داره
في. مجلسه تشفـا. الكبودً المغاليل = ريـف المسـيّر دوم مـملي. اوجــاره
حافـظ عـلى سـلم النشاما هـل الخـيل = ولا غـيّـرت مـبـداه سُــبـل الحـضـاره
حـرً مثل. هـزاع يرهـم. لــه الـقيـل = نسـل. الطنـايٰـا. مـوقـعــه. بـالصداره
يتعب. على كسـب. الثنـا. والتنافيـل = يثـني. عـليـه. اللـي. يـجيـلـه. زيـاره
هـذا الـذي. في وصفهـم نافـل.الجيـل = مـع. صغـر سـنـه مغـرمً. بالجسـاره
ابـوه مـن. قـبله . كـما.مطلع اسهيل = ضاري/ سلـيل اهـل الفخـر.والنـمـاره
نسل الجباري.مفني. الحشو. والحيل = طـيـبـه كـمـا شــط الـفـراه. .ابغـزاره
بيتـه مشـرّع للـرجـال المشـاكـيـل = وتـلـقـا خـيـار القـوم مـن حـول نـاره
يفـدونه رخـوم .العـــرب. والدعـابيل = اللي مـقـابــلـهـم. يجـيـب الخـسـاره
الطيب صعـب ولا اسـلكوه المخـابيـل = يفـنى الــردي واتـمـوت باقي.اذكـاره
مـابـه فـرج. او نــادره. بـايـد الحـيل = الـعـفـن دايــم مـا تـســرك اخــبـاره
بس المـذمـه مكسـبــه والمحـاصـيل = مـا.حـاش.مـن. دنيـاه. كــود الحـقـاره
ماقـلـت. لي غـايـه. ابــدع . التمـاثيـل = قـافي. عــزيـز .ولا جـلـبـتـه تـجـاره
مانـي مـن. اللي. يـقـلبــون الاقـاويـل = مـن طـيب.خاطـر. قلت ماهي.عيـاره
للشــمـري مـهـديــه. قــدرً. وتبجــيل = واحـب. أنــا رجــلً. بـدمـه. حـــراره
وصـلاة ربـي. عـد. وبـل. الهـمـاليـل = على. الشـفيع اللي رفـيــعً . وقـاره

محمد بن سوعان الربيّع