!!!!!! كــــريــــم الـــســـجـــــايــــا !!!!!!

سلم على امريكا وقل تلعب الروك=حيث ان بربوعه كريم السجايا
شيخ لنا حبه بالاعماق مسكوك=عديم مامثله شبيه وحلايا
مالوم شعبك لوعلى النفس بدوك=شعبك على شوفك كبوده ظمايا
وش عاد باقي حتى الاطفال حبوك=حبك مسوي يابومتعب سوايا
بريت بالشعب السعودي وبروك=وقلوب شعبك يابومتعب مرايا
وعيال ابوتركي سلاطين وملوك=بهم من عزوم المؤسس بقايا
ان جيتهم عن واقع الظلم عزوك=بعيونهم تصغر جميع القضايا
ياخادم البيتين عهدآ مع ابوك=خذاه منا يوم قاد السرايا
وحد بنا طيبه ومكه وتبوك=وجاوز بنا جنوب سبت العلايا
سرنا معه ناطا على الصم والشوك=وايماننا تقطع بروس الحيايا
صحيح ماقلته ولابيننا شكوك=شمر معه قبل يسن العطايا
مبروك فوزك يابن جدعان مبروك=فوزك تباشر به جميع الطنايا
يابن لغيصم عزوتك كلهم جوك=اما كذا ولا بلاش الحمايا
مالومهم يوم احتمى العرض شالوك=من الزوم في روس الطنايا شظايا
شمر حزامك يابيض الوجه هنوك=تفرح بهم يوم اختلاف النوايا
امجادهم فيها تواريخ وصكوك=وبهم على كل القبايل مزايا
يالذيب من غير السناعيس عشوك=خلوك تفرس بالشحم والشوايا
وقل للخوي وان كان الانذال خلوك=جابوك من فوق المتون وحفايا
ويالجار وان جار الزمن فيك واذوك=تلقى بشمر حشمتك والتحايا
وعبدالكريم وحاتم الجود يكفوك=يفرح بهم ضيف ضلوعه طوايا
وكون الشريف اللي به الدم مسفوك=عينت بيص اللي خذته المنايا
وعبدالعزيز وباقي العلم متروك=وكم راح من خطلان الأيدي ضحايا
مثل الذهب ياجاك صافي ومسبوك=اهل كرم لو المخابي خوايا
ماجمعوا حمر الدنانير ببنوك=العود الأزرق يذهبه والعنايا
فازوا بها يوم اغلب الناس مملوك=واليوم كلن مالك به رعايا
عندي خبر انه بعارين وشبوك=وشلون لو طاحت رجال وسبايا
الله يرحم من على الطيب ربوك=امين وانتم رددوها ورايا
ابيات ابن جانب على صفحة البوك=وانت اعتبرها يابن عمي هدايا

ابن الضياغم.............

وعشرة انعام ياأبن جانب

صح لسانك وطاب فالك مدد بلا عدد يالسنافي
نص جزل وضخم جداً من النصوص الشامخه
تسلم والف مليون شكراً على الأبداع لاهنت

تقبل تحياتي

صح السانك ملايين يالنشمي


تقديري لك

وسبع انعام بيك ياعم

صح لسانك

الحمد لله على السلامة عوداً حميداً

شاعرنا القدير ابن الضياغم

لاهنت يالذيب على هالرائعة صح السانك مدد بلا عدد


تقديري لسمو شخصك الكريم ؛؛؛

صح السانك ملاييييييييييييييين ياعم ابن الضياغم

صح لسانك وسلم بنانك
كل الشكر والتقدير

الشاعر ابن الضياغم

صح السانك


تقبل مروري

صح السانك الف يالغالي

صح لسانك ملايين
وبيض الله وجهك إبداع رائع جداً جداً
تقبل أطيب تحياتي،،،