!!!!!! سكر البلعوم !!!!!!

كفو هي مالها الا انت يازيزوم=نعم بلسمك يتغلب على جراحه
اذا كان الصقر من ماكره شغموم=اذآ كيف البشر والعين لماحه
اجل كيف انت ياللي ماتهاب القوم=نبيك تشيلها وترتب الواحه
يابوي ادري فقدتك والفضاء مزحوم=عسى عينك يسره نور مصباحه
عساك بروضة تستنشق اليشموم=عسى روحك ببحر الفوز سباحه
عزاي ليا ذكرتك قلت يامرحوم=وعزاي ان البشر ماتملك ارواحه
رحيلك رغم مابك سكر البلعوم=وداعك يجلب الاحزان مفتاحه
انا فعلا حزين وداخلي مهزوم=توسدت الضياع المر واتراحه
كذا الدنيا تعزي من بها مهموم=عليها من عنى الايام طراحه
كفانا صرختك يالعاجز المكلوم=سئمنا نضرة الشمات ونياحه
شبعنا من غثاها والغثا زقوم=وروينا من حميم الغبن واشباحه
كأن احزاننا اضحت هدف مرسوم=وكان الجفن تحته عين نضاحه
صباياها خذاها الحق والمقسوم=وسواعدها تودعها ومرتاحه
كذا ربي خلقها ماتعرف النوم=ثوانيها تكسر صافي ارباحه
مساويها علينا كل يوم ويوم=تغيبنا عن الجمهور والساحه
نحبه قبل نولد لكن المعلوم=تحاسبنا على المجهود والراحه
كما العاده من اللي ينصف المظلوم= اذا كان اكبر الباقين ذباحه
جدانا من قديم نرددك ياللوم=واذا جينا غلاها هز مسباحه
تحايلنا عليها الفرس قبل الروم=وتحاولها سيوف الوقت ورماحه
يوردنا حشاها خنجر مسموم=علينا كل يوم تشهر سلاحه
نعاني مايعاني من بها محروم=عسى كف الوفا للدمع مساحه
ابن الضياغم..............=

كفو
رمزيه ياابن الضياغم على قد مافهنا نقول ..لله درك وصح كلك

الشاعر ابن الضياغم
رحم الله والدك واسكنه الفردوس الاعلى
وصح الله لسانك
وسلم بنانك
لاهنت يالغالي
دمت كما تحب

	الرائــــع / ابن الضياغم صـــــــح لســــانك ترلــــــــيونات ومايكـــفون ... جــــــزلة مــن راسٍ جــــــزل .. ماشــــاء الله .. تـــــبارك الله لك كل الــــود .. وعمــيق التقـــدير .. مــع أطـــيب تحـــ ــــياتي .

يسلم قلبك اخي الشاعر ابن الضياغم
صح السانك بحجم السماء
ودي لك يسبق ردي

رحمه الله رحمة واسعة واطال عمرك
دمت باجمل حال يا الغالي

ابن الضياغم
صح لسانك ملايين يالغالي.
تقبل خالص تحياتي،،،

[quote=عبدالعزيز بن بليهد;264872]كفو
رمزيه ياابن الضياغم على قد مافهنا نقول ..لله درك وصح كلك[/quote

حياك الله شاعرنا الكبير

ر

اقتباس المشاركة الأصلية كتبت بواسطة عويد المغيليث الشاعر ابن الضياغم رحم الله والدك واسكنه الفردوس الاعلى وصح الله لسانك وسلم بنانك لاهنت يالغالي دمت كما تحب

الله لايهينك يالعزوه

الله يرحم والديك وجزاك الله خير

اقتباس المشاركة الأصلية كتبت بواسطة أسيرالوفاء الرائــــع / ابن الضياغم صـــــــح لســــانك ترلــــــــيونات ومايكـــفون ... جــــــزلة مــن راسٍ جــــــزل .. ماشــــاء الله .. تـــــبارك الله لك كل الــــود .. وعمــيق التقـــدير .. مــع أطـــيب تحـــ ــــياتي .

حياك الله يا أمير الوفا
تقبل احترامي يالعزوه