نايف بن عبدالعزيز ال سعود رحمه الله قصيده مرثيه

حتى القوافي حزّنت في رحيله=الصارم اللي للصعيبات مدهال
كم صعبت ٍ صارت بعينه نثيله=بالعزم والحكمه وتقديم الأفعال
أربك جميع مخططات الفشيله=وأركى على منهو عن الدرب ميّال
يزمي ليامن العدو زاد سيله=ويصمد صمود العز في وجه من عال
وقفاته اللي في صفوف الفضيله=تبقى على مر الليالي والأحوال
تأييده ودعمه حصد به نفيله=وتوجيهه اللي يخرس أفواه الأنذال
اللي هدفهم كيف تفشى الرذيله=وكيف القيم تنحط والدين ينشال
هم حاولو لكن بليا حصيله=ماحصلو ألا التعب والتبهذال
الكل منهم راح ويجر ذيله=مادريو إن الدار بيدين عقــّال
يالله عسى اللي قدمه لك يجيله=ولاتحرمه من رحمتك يالله العال
وأجزه جنان ٍ يستظل بظليله=عبدك يبي في رحمتك خير منزال

ابو زايد

صح لسانك وعلا شانك

وفقيد الوطن

عسى مثواه جنات النعيم

نسأل الله له الرحمه والمغفره
صح لسانك اخي الكريم
وسلم بنانك
اجمل الاماني

رحم الله ألأمير نايف واسكنه فسيح جناته

وصح لسانك على هذه الباذخة المخلصة

تحياتي لك

اخوي المحترم ابو طارق
يسلم راسك على كرم الحضور
وبيض الله وجهك
دمت بخير

صح بدنك يابو عساف وشاكر ومقدر حضورك
لاخلا ولاعدم يابعدي

صح بدنك اخوي الشاعر عويد المغيلث
وشاكر ومقدر حضورك وتشريفك
لاهنت ولاهان مقداركـ

اخوي الشاعر مطلق البخيتان
تسلم ويسلم راسك
ولاهنت على حضورك الطيب
لاخلا ولاعدم

تسلم ’’ ابياتك راااائعة

عساك على القوة

ودي

وأجـــــزه جــنـــان ٍ يـسـتـظــل بـظـلـيـلـه
عـبـدك يـبـي فــي رحمـتـك خـيـر مـنـزال

::

:

اللهم آآآمين اللهم آآآمين اللهم آآآمين

أبيآتْ توشحتْ بردآء الحزنْ ...

ورحم الله فقيد الوطن الامير نايف بن عبدالعزيز وتغمده بواسع رحمته وغفرانه .

وجعل من يخلفه خير من يقود المسيره من بعده بفضل الله ومنّته ..

هلا بك ممدوح بن زايد القدهي وصح لسانك ومشاعر تستحق من كتبت فيه ..