ياشينها شيناه ظلم الابوين =لو بشتكيهم مااستطاعه لساني

اقتباس المشاركة الأصلية كتبت بواسطة ماتهاب معاناه حقيقيه وواقعيه لفتاه جسدتها انا بابيات -- لازلت اشوف الظلم والقهْر والشين=من والدي ماهو من انسان ثاني من سبة افعاله معي تبكي العين=من مر كاسه باالغصيبه سقاني زوجني لشايب بسن *الثمانين*=نكد علي ومنه لازلت اعاني بالعمر انا لازلت واحد وعشرين=لاكنّ هذا العود حطم كياني يضربني وبهذلني وجعل الايدين=اللي ضربتني تنبتر بالزماني جيت اشتكي لابوي قال اسمعي زين=عيب على الحرمه تجي لو تهاني وان جيت لامي قلت تكفين تكفين=قالت يابنت ارجوك ماذا بشاني ياشينها شيناه ظلم الابوين=لو بشتكيهم مااستطاعه لساني تكفون خافو ربكم يامسلمين=بعيالكم .(كونو بعطف وحناني) ماتهاب

الحول ولاقوة الا بالله
الاخت ماتهاب
الحقيقة آلمتني هذه القصه من خلال هذه الابيات
فجاريتها بكم بيت كيبورديه لاني وللامانه اتخيل القصه والفتاة امامي
صح بوحك
وطابت روحك
دمت بخير

ياعونة الله غايب(ن) وازع الدين=والبنت ضاعت عند هاك الاناني
امه وابوها بالدراهم سعيدين=ماهمهم قلب الضعيفه يعاني
وش عاد لو حطو قصور وبساتين=لابد من يوم يجيهم ظماني
والله يحاسبهم ولاهو بتخمين=في ساعة(ن) مافيه ترجيع ثاني

صح لسانك

صح بدنك اخو نفلا شكراً ع شهادتك اللي اعتز بها

صح حضووك ياشاعرنا

وصح لسانك على هالمجاراه شرفتني


وكل ضالم وانا اختك بيلقى جزاه لكن المصيبه اذا
كان الضلم من الوالدين

صح بدنك عساف

لاحول ولا قوت الا بالله العلي العظيم
ابيات مؤلمه اختي الشاعرة ماتهاب
صح السانك