شفي قبائل عبس / بقلمي

اهداء الى الشاعر/ فارس بن حمدي الرشيدي

شفي قبايل عبس والشك زايل=عن القبايل كلها بالعمومي
والنعم والله في جميع القبايل=الكل منهم طيِّباً بالسلومي
لكن انا ابعد خمس الاوايل=سر ياقلم وعد خمس الرقومي
و( ١ ) قبايل عبس اهل الجمايل=اهل الكرم والطيب واهل النعومي
و( ٢ ) مطير محررين الاصايل=صغيرهم يقضي صعيب اللزومي
و( ٣ ) حرب المعجزه والهوايل=باادوارهم ياقل منهو يقومي
و( ٤ ) انا ابوصيك لاجيت حايل=سلم على شمر لاجيته لزومي
حيث الكرم والجود صايل وجايل=على قصر برزان دايم يحومي
و( ٥ ) انا ابوصيك لاقيل وايل=مد النظر فوقك وعد النجومي
يعطيك نجم سهيل عنهم دلايل=يكفيهم بن مهيد عن كل لومي
واليوم انا ابشكر حميد الخصايل=فارس بن حمدي قوي العزومي
حرٍ تعلا فوق روس الطوايل=صيده من الجزلات ماهي هلومي
شاعر يجيد مروبعات المثايل=واعلامنا يعطيك عنه العلومي
وصلاة ربي عد وبل الهمايل=على نبيٍ بالوصايف حشومي

نايف عبدالله السليمي