الد في غيرك لعانه وتظليل ,,,, الناايف

خيل المشاعر ليلها البارحه ليل= شيءٍ مرج منها وشيءٍ قلايع
ميدانها صدرٍ كوته الغرابيل=وفرسانها هم ٍ بدت له طلايع
اول ضحايا خيلها هدة الحيل=وطرف ٍ شقي من لذة النوم جايع
وجسمٍ ذوى ماعاد إبه ذرة الحيل=وعينن مدامعها تفيض الودايع
ودام الرجا بايام عمر ٍ مقابيل=الطيب في راعيه ماهو بضايع
ياللي سبيت القلب من غير تقبيل=قلب ٍ عصى غيرك وجاك انت طايع
انا اشهد انك تستحق المواصيل=يامفخرة جيلك بك الحسن ذايع
لاتستمع فيني كلام العواذيل=لا تحطني مابين شاري وبايع
تراي ماساويت بك باقي الجيل=وعرشك لحاله في علو الرفايع
غلاك فالشريان يجري كما النيل=وهذا يسبب موت كل الربايع
وبنات فكري عن غلا غيركم حيل=لو لاعها من لايع الوجد لايع
مادام لك فالقلب حصن ومداهيل=غيرك يجي عطشان ويروح جايع
عندي على ذلك وثيقه وتدليل=وارضى بحكمك ياحسين الطبايع
الد في غيرك لعانه وتظليل=امشي بمبدأ باب سد الذرايع
اضحك ليا غضتك ببعض المراسيل=يامصدر الهامي بنظم الروايع
يلوم قلبي فيك قلب ٍ كما الفيل=ماذاق من مرّ الفراق الفجايع
ماقالبه وقته على الحط والشيل=مابار حظه في جميع الصنايع
وختامها فنجال بن ٍ مع الهيل=في حاجرٍ ريح النفل فيه فايع

الشاعر النايف
صح السانك
تقبل مروري

الشاعر القدير النايف
صح السانك الف
تحياتي لك

شاعرنا القدير نايف العتيبي
صح السانك مدد بلا عدد
خالص التحايا لسمو شخصك النبيل

الاخ " نايف العتيبي


صح لسانك على الابيات الرائعه تحياتي لك

اخوي النايف
صح للسانك واعتلا عند الله شانك على هذه
الجزله الرائعه اشكرك على الاابداع والاامتاع
بيض الله وجهك ياالعزوه تحياتي لك وكل تقديري

اقتباس المشاركة الأصلية كتبت بواسطة النوخذه الشاعر النايف صح السانك تقبل مروري

النوخذه

صح بدنك

ولاهنت

النااايف

صح لسانك وسلم بنانك

صح لسانك وصح قلبك استاذي النايف رائع حدالثماااله درر اجدت نظمها ولاغرابه مادامت خلف معرف النايف اسجل اعجااابي على متصفحك ويشرفني المتابعه لنزف قلمك دمت راقي حفظك الله

صح لسانك ابو خالد ..

قصيده لاتفيها الحروف حقها ..

ابداااااااااااع منقطع النظير ..

اقولها مراراً وتكراراً لاغرابه في الابداع من وطن الابداع ..

لاهنت على هالشامخه ..

تقبل مروري ..

دمت بود ..