ديوان الشاعر / نجم الشعر

الحيَّة الرَّقطاء / بقلمي

	الحرب تطحن والبشر هم حطبها=حسبي على من حاكها واحتطبها معمته من فوق راسه عصبها=سواد قلبه مثلها كالح اللُّون كل الحروب الشامله مفتعلها=بين العرب بالذات حقده شملها باارض اليمن والشام ناره شعلها=ومن قبلها البصره بها جروح واطعون ومازال جرح العرب ياناس ينزف=بحر الدماء له مدةٍ ماتوقَّف ومليار المسلم باقين شارخ الصف=مدري متى كل العرب بس يصحون الحيَّة الرَّقطاء تحرِّك ذنبها=وانيابها كل العرب من عطبها تمشي وتلدغ والضحيَّه عربها=في شامنا ياكم ناسٍ يموتون بشَّار ولد اللَّاش قتَّال شعبه=الخمس سنينٍ ماطفت نار حربه راع المعمَّه جاعله راس حربه=ملعون واللي يدعمه صار ملعون صبراً على بشَّار عدَّا حدوده=من يوم حزب اللَّات يدعم جنوده القدس لو يشكي قساوة يهوده=اخطر علينا من براثين صهيون الحل وينه ياجميع العروبه=مادام اذناب الفرس صارت عقوبه الى متى والموت تلفح هبوبه=كم واحدٍ من سبَّة الحرب مدفون يالله انا طالبك ياكاشف الباس=يالخالق المعبود ياراحم الناس عليك في سحق الخبيثين الانجاس=عليك في بشَّار ياخالق الكون

نايف الشويب السليمي

ابشر بالتصويت / بقلمي

	طالب الترشيح باسم الانتخابي=ابشر بالتصويت مع زود التحيه قبل اصوت اسأل وعطني جوابي=ياسوآلٍ جاك اكبر من طميه ماهو شيٍ يلزم قبل الاحتطابي=كان جبته اترك الباقي عليه ابصوت وافتح لك قلبي وبابي=دام اعزومك قبل انتخابك قويه المطالب وزنها وزن الهضابي=والاراضي في بطون البلديه وبعضنا مايملك لو بيتٍ خرابي=والسبايب غدت بنا الحراميه اطبخوها واشربوها بالنهابي=ذاك ينهب وهذا يعطي خويه بشعت التجار زادت بالصعابي=لو غطوها في غلاف العالميه المهم الصوت لايذهب سرابي=نبي ارض ونبي قرض وعامريه جاك علمي وانتهى نص الخطابي=والامور سهود والنيه مطيه

نايف الشويب السليمي

هزَّت الاشواق / بقلمي

	هزَّت الاشواق صوبك يالجنوبي=دام عزك يالجنوب ودام حبك من رياح الشوق هبي يالهبوبي=ذعذعينا وانعشينا من مهبك ياكبتنا معك يازين الركوبي=طير فينا والقهاوي من مشبك واسمعيني زين ياروح محبوبي=انا احبك موت واحلف لك بربك المحبه شفتها صوبك وصوبي=والصراحه ترجمت حبي وحبك اشهد ان الحب صعيب الدروبي=ياصعيب الوقت حداني مطبك ليه قدمي دايماً وجهك شحوبي=ياصعيب الوقت فيني خوف ربك كل شيٍ بامر الاله محسوبي=وياشبَّاب النار حذاري تشبك نار حبك ياهوى بالي شبوبي=حبك لعب فيني وحبي لعبك دام طيفك بين الخواطر يجوبي=انت علاجي بالهوى والطب طبك

نايف الشويب السليمي

عندي توجيه / بقلمي

	عندي توجيه لاهل الاشعار بالذات=اولهم انا شارةٍ للمساوات مااحد عن الزلات عنده حصانات=الا النبي الهاشمي صفوة االخلق الاوله تكوين للشعر فكره=مثل الذي كوَّن للاخبار نشره تجيك قوافيك لوهي عسره=ونسمع صداها لابدا الرعد والبرق والثانيه موضوع الابيات لازم=حتى تحس انك بالابداع جازم فكرك ونصك لايجي به تصادم=الفكر خله كنه معسكر الطرق والثالثه خل المعاني قويه=تركع لك لوهي على غيرك عصيه تقفز بك الابيات لوهي شويه=ترى المعاني فرقها عادته فرق والرابعه وزن القصيده مهمي=حتى قصيدك بالفوايد يعمي وتسلم من النقاد واللي ينمي=خل القصيده تطرق المجتمع طرق والخامسه تنسيقها بااحسن الخط=احرص على التنسيق والنسخ والضبط تشكي قصايدنا من خطٍ ملخبط=وجمال خطك يعطي النص نورق وصلوا على خير البريه محمد=هو خير من صلى وصام وتعبد اعداد ماهلت وتبرق وترعد=واعداد ماهبت من الغرب والشرق

نايف الشويب السليمي

رجلٍ عريب الساس / بقلمي

	طيب الرجل يحسب وتاجٍ على الراس=والا الردي قله ملايين كوبه رجلٍ ينومس من يجي له تنوماس=ورجلٍ حسوفه فيه تفصيل ثوبه رجلٍ تشوفه كنه الطير قوناس=ورجلٍ كنه ذيك الرحول الركوبه رجلٍ عريب الساس مبداه من ساس=ورجلٍ ردي الساس مامن خصوبه رجلٍ ترى بنته يخطبونها الناس=ورجلٍ ترى بنته ما هي مخطوبه رجلٍ على ماقيل تلقى به احساس=ورجلٍ عديم احساس يشبه لطوبه رجلٍ على ربعه ذعاذيع نسناس=ورجلٍ على ربعه تصافق هبوبه رجلٍ ماعمره ماشين درب الانجاس=ورجلٍ على درب النجاسه دروبه رجلٍ عندك اغلا من اللول والماس=ورجلٍ عليه النفس ماهي رغوبه رجلٍ على ماقيل مامثله اجناس=ورجلٍ على نفسه وغيره عقوبه ومشكور ياقافٍ هندسته تهنداس=فيه المعاني تتجه للصعوبه واختم كلامي عقب دقات الاجراس=والبحر لاجيته تحس الرطوبه

نايف الشويب السليمي

ياوسعها لاقام / بقلمي

هذه قصيدة مدح بالشيخ / حمدان بن دويرج السليمي الحربي
رئيس مركز الجابرية تابعه لحايل / ويستاهل المدح لانه اهلٍ له /

ياوسعها لاقام / بقلمي

	الطيب من رب المخاليق توفيق=وماكل رجلٍ فيه بالحظ موفوق الطيب كانه ساس بعض المخاليق=حمدان طيبه في نواصيه مخلوق ابن دويرج يوم الليالي صوافيق=له فزعةٍ منها عناء الوقت مصفوق تلقاه قدمك بالرخاء وحزت الضيق=ياوسعها لاقام وياضيقها ضوق حمدان ياللي نظرتك عالي طويق=ويمناك طوقت لك المرجله طوق ولاصار باب اللاش فيه المغاليق=بابك عن الضيفان ماهو بمغلوق مجلسك مدهال الوجيه المطاليق=لانك كريمٍ اطلق الوجه مطلوق ولا دارت الرسلان يبرالها بريق=من صفوها تلمع كما لمعت بروق ماكن حرقها لظى الجمر تحريق=تجلا عماس اللي من الهم محروق والعشق لاشلع قلوب العشاشيق=تستاهل اللي صوبت قلب معشوق بنت الشرف ماغازلوها المطافيق=مصيونةٍ ماطالها كل مطفوق ولاصار بالك عاشقٍ للطواريق=ياما شهد لك بالميادين طاروق يالشاعر الامير والمظهر انيق=والرابعه نلقاك مع اول النوق يابو عبدالله مدحنا فيك تصديق=ابمدحك والمدح بشرواك مصدوق وسلامتك ياميرنا وبالتوافيق=الله معك يامير والحفظ من فوق

نايف الشويب السليمي

عن اذنكم / بقلمي

	اسهمت انا في مدح عكف الاشانيب=بيني وبين اهل الوفاء سامريه ومن عانق الطولات يستاهل الطيب=في ذمتي يستاهل الشاذليه عن اذنكم اليوم انا ناوي اغيب=عندي مشوارٍ والمسافه شويه والحر مثلي لاغزى لازم يجيب=يجيبها بالطيب والمعنويه ابمدح اللي شوحها بالمراقيب=ولي الشرف يوم امدح الشمريه بنت الذي خاواه في دربه الذيب=يوم المغازي والليالي عصيه الشعر يعرفها على خير ترتيب=فيه الجزاله والمعاني قويه يابنت ضيفي كلنا لك معازيب=حنا شعارك وانتي الفيصليه لادندنت ابوابكم بالتراحيب=وتزاحمت اسيابكم شاعريه وسلامتك يالشاعره فالك الطيب=اقوم لك طولي واطق التحيه

نايف الشويب السليمي

الكرم طبع الاكارم / بقلمي

	بارك الله بالزمان وبارك الله بالمكان=وبارك الله بالليالي جتنا بالوجه الفليح الوفي عهدٍ علينا لا لفانا مايهان=والعواقل قالوا انه مايصح الا الصحيح احمد يوم انه نصانا زان فاله زان زان=يالوهبي هب عزك دامك انته هب ريح مطلبك لاقمنا جاك وقولنا فوقه ضمان=نطلب المولى سبحانه جعل حظك مايطيح المطر لاسال سيله مايتبع الا الليان=والكرم طبع الاكارم والمدح طبع المديح ومن رقى فوق العوالي ماتنازل للطمان=يبقى عزيز الجنابي لو بقى وقته شحيح والسلام ختام مني في مضامين البيان=سبع الابيات من راسي والمعنى فيها صريح

نايف الشويب السليمي

العز والتمكين في راس سلمان / بقلمي
هذه القصيدة / بمناسبة تولِّي الملك سلمان
بن عبدالعزيز آل سعود مقاليد الحكم :

العز والتمكين في راس سلمان / بقلمي

	العز والتمكين في راس سلمان=متحدرٍ من راس صقر الجزيره ماهان راسٍ للنواميس ميزان=ابوفهد سلمان قاد المسيره يارياضنا نسألك عن ماض الازمان=على الوفاء والعز غطاك خيره خمسين عامٍ بالوفاء دون نقصان=من يجهل التاريخ وبصمت اميره واليوم يملكها على خير برهان=تشرفي ياكل قريه وديره المملكه تسمو على كل الاوطان=فيها المزايا والعطايا كثيره ياخادم البيتين ياعالي الشان=يامروضٍ كل الامور العسيره في عهدكم تقهقروا كل عدوان=اهل الخناء واهل النفوس الحقيره العاصفه تكونت تقل بركان=فيها المدافع بالمعارك خطيره فكرك يوجهها على كل ميدان=لانك معروفٍ بالامور الكبيره يوم انتخابك عبد ربه مسيان=الفجر من فوق الاعادي مغيره اسمك على جنحانها صار عنوان=يومك اعلنت الحرب مافيه غيره لاقمت قمت وينخزي كل شيطان=بامرك تجي كل الكباير صغيره وحنا معك ياسيدي دوم شجعان=عدونا تبقى حياته مريره حنا لها ياسيدي كل الاحيان=نحمي وطنا بالسيوف الشطيره ونشكر تحالفنا مناصير واعوان=يوم ادلهمت شاركوا بالذخيره بالارض نيرانٍ وبالجو دخان=خلت صويلح ينجحر في جحيره لو انتخى بالروس والصين وايران=ماينفعونه دام قرَّب مصيره ان قاله الله ياعرب صعبها لان=وتجي على روس الاعادي كسيره والعز والتمكين في راس سلمان=متحدرٍ من راس صقر الجزيره

نايف الشويب السليمي

جيل التميِّع / بقلمي

	من يوم شفت البشر كلٍ على نته=قلت انتهى دوركم يامروضين الصعوب من يوم جت الثمانيه تقل سته=ومااحدٍ عرف نفحها ومهبها والهبوب الشجره اللي تثمر الطيب منحته=راحت علوم النشامى كلها بالقروب المصري يدلها حته على حته=وحنا ضيعنا سلوم اجدادنا والدروب افكارنا كلها بالنت منكته=الموضه اللي غزت كل البشر والشعوب بعض المجالس مافيها السالفه بته=كلٍ معه شاشته ينظر بها في شحوب الجيد منهم يجيب الخبز ويفته=الله يحمي وطنا ماتجيه الحروب بعض البشر بالمعارك ودك تزته=في ذمتي لو يطبها فكر بالهروب جيل التميِّع ماهو ضاري على الغته=مايعرف الا الكبسات والببسي والركوب وفينا من يقدم على الجدار ويهته=رجلٍ يهابونه الرجاجيل ومحسوب ومن يوم شفت البشر كلٍ على نته=قلت انتهى دوركم يامروضين الصعوب

نايف الشويب السليمي