ديوان / الشاعر محمد سوعان الربيع

الصبر طيب

الصبر طيب

	يالله بفضلك عــدّل الـحـال تـعـديـل = وخفف عـن اللي جـّر صوت الونينا موجـة ألــم والناس منها مخـابيـل = وجــرح القهر بالقلب اصبح مكيـنا لاحـيـل لاحـيـلـه ولامـن مـداخيـل = والمشــتـكى للي خـلـقـنــا وجـيـنـا المشتكى للـي يســوق المخايـيـل = واحيـا الهشيم اللي بقـاعـه دفـينـا يامـن بلـطفـه عــدّل العـوج والميـل = يــالله تـفــرجهــا وتشـفـق عـلـيـنـا عقـب الاسـى يالله تنحــى الغـرابيل = يامــن بحكمــك يــالــهــي رضـيـنـا والصبر طـيـب والليـالي مـقـابـيـل = ولابــد مـــن يــومً مـعـانـا تــزيـنـا

محمد بن سوعان الربيّع

لـــوحــة خـيــــالــي
----------------------------------

لــوحـــة خيـــالي

	عـلـيـك الله واكـبـر يـا زمــاني = قـلبـت ورمحـك الـغـادر. رمــاني تطمــنت. ورقـدت وكــنت واثــق = وأثــر مـالك امــاااان . ولا ظـمـانـي رســمت احـلام فـي لـوحـة خـيـالي = وبنيت اقصور. وابـُروج ومـوانئ خـدعـني. منظـر. الـورد بـربيـعــك = ولكـن . قـيضـك . الجــافي . نحـاني وردتــك. والظـمـا. هـــدّ . المطيــه = وقطعت الحبــل مـن دون الســواني نخيــت..... الحـــظ لكــنــه .. تــردا = قبـل لا ابـدي لــه الشـكــوى شــكاني خـذلــت النفـس يـا حــظ النـدامـه = وجفيت وغبت مثــل. اللي. جــفـاني تمنـيــت الـدفـا باحضــانــك . اللــي = عـليــهُــا شـــدة البـرد اتـحـداني لعـل. اللي. حصـل. درسً . حفـظـتـه = واشـــيلـه كنــز لـصدوف الزمــاني نهـلــت التجـربــه مـن جـــم واقــــع = وانـا بـاقـول ,, جــاني ,, مـا كـفـاني

محمد بن سوعان الربيّـع

(( حــــــب الـوطــــــــــــــن ))
.................................................. ...

حب الوطن

	حب الوطن ماهــو بطاقـات ووراق = ايضـا ولاهــو بامـتـــلاك الجـنــاســي حب الوطـــن يسمـو على كل ميثاق = فــوق العهــود وفوق ربعي ونـاســـي حبه فــخــــر واعتــزبه والـوفــــا باق = تــاجً واتـــوّج فيــــه صدري وراسـي مـــحبةً ينــبض بــهــــا كـل خفـــاق = حب الــوطن بالقلــب مالـــه مقــاسـي ماهـــو كــلام يــنمـقـونه تــنمـــــاق = ولا هــو قصيــد انــــردد بالامــاســي قــول وفعـل وارواح للمــوت تنساق = والانتــمـا والتضـــحيه والحمـاســـي ما يشـــاف الايوم ينشـــفن الارياق = يــومً نشـــوف ابـــه العجب والمآسـي يــومً ولكــن بيـن الايـام مـــايـطــاق = يـوم الـوغــا يـذهـل وبالحــــيل قاسـي في ســاعةً لالتفــت الســـاق بالسـاق = علـمً هــذاك الــيـوم مابــه امـواســــي يوم العواصــف والرعــد لــه تصفـاق = ويــوم البـحـر يا اخــوان ماله مراسي ويــوم البطــل في يــومها كان تـــواق = للتضحيـــه يشرب مـن الموت كاسـي نفســه اتـرحــب بالشــهــاده وتشــتاق = يمــوت واتـراب الوطـــن مايـــداسـي ماهــي اهـروج امهايطـــيً ولقلاق = يــوم الــرخا من فــوق زرق الكـراسي يوم الدخن غطى السما تقــل غساق = ما شــيفـله عــينـات بارض المحـاسـي ويــوم اللـوازم فــر من حـدر الانفاق = قـط المــلابـس واتٌــبـع كـــل خــاسـي ويــوم المشــوٌك كنه البـــرق شـعّااق = ويـــومـنهــا مابيــن ربــح وفــلاســي هذا غـلا الاوطان ماهـو انت يالعـاق = مـــالك مكانـــه عنـد ربعـــي وناســي حب الــوطن ماهو بطاقــات ووراق = ايـــضــــا ولاهــو بامتـــلاك الجناســي

محمد بن سوعان الربيٌع

أضـحـــك واجـــامـــل ,,,,,

اضحـك واجــامــل

	ماكـــل مـــن يضحــك مـع النـاس مســـرور = ‎ولاكـــل مــن يـلـبــس جــديــد ابـســــعـاده يـا مكثـر الـلـي يخـفـي الـهــــــم والـجـــور = ويــجــامــل الــعــالـــم بــصــبـــر وجــــلاده يخشــى شــماتـة كــل خـاســـــي ومحـقـور = ويـخـشـى ســفـيـه الـقــوم يـلـقــى مــــراده وانـــا بـعــد مـانــي مــــن الــهـــم مـقـفــور = ‎ولانــي بمـعـزل عـــن مـشــــاكـل اعـبــاده نــوبً صعــود ونـــوب تـنـزل بـنــا الـغـــور = ايــــام دنـــيـــانــا ســـــريــع ارتــــــداده اضحـك واجــامل واخفــي ابقلبــي ابحـــور = ‎مــن هــــم انـــا وازريــت لاحصـي اعــداده ألـــــوم نفـســـــي دون مــــالـــــف وادور = ‎وحـظــي هــو المسـئـول ظـمــــن الافــاده ولــيــا مــتــى يــاحــظ يـاشــيــن بــحـــدور = ‎يــاحـــظ ,,,, يــاحـــظ الــنـــدم والــقـــراده انهـض معــي لحظــات يكفيـنــــي ادبـــــور = لــــو مــرةً مـــن دون نــقــص وزيــاده يــاحــظ مـاشــفــي عــمـــارات واقــصـــور = ايــضـــا ولالــي طــمــعــةً فـــــي قـــيـــاده ودي ابـراحــة بـــال لـــو مامـتـــلـك ثـــور = ‎والـفـقــر أهـــوّن مـــن حــيـاة الـنــكــاده وياشـــيـن حــظ الـلــي بـالايــام مـكـســـور = كـســــر الخـواطـر اصـعـــب مـــن الابـــاده هــمــه تــعــدا حــجــــم ابــانــات والــطـــور = وربـــع الـجـــزيـره فـــي خـريـطــة ابـلاده وقـالــــوا تصـبـر والصـبـر شـــي مـخـبــور = وراعيـــه دايــــــم يـســتــحــق الاشـــــــاده هـــذا وانــا ادري راعــي الصبــر منصــور = ‎ويكـســــب جميـــل وفـــوق حـقــه ازيـــاده ميـر البـــلا مـا عـــاد لـي فيـــه مقــــــــدور = ‎مـلــيــت انــا يـالايــمــي مــــــن جــهـــاده شـكــواي لـلــي يـظـهـر الــحــق. والــنــور = سـبـحـانـه الــلــي مـــا يـخــلي ,اعــبـــاده

محمد بن سوعان الربيّع

(( جٰــــوّ البـــاديــــه ))
----------------------

جـــوّ البــاديــــه

	يـازيـن جـــو البــاديـه يـا اســـماعـيـل = ذكــرتنـي بــه يــوم ســـولفــت عنـهـا مــن جـوّها تشـــــفــا الكبـــود المغاليـل = ‎وهنيــت انـا اللـي مـن قـديــمً ســـكـنـها نفسـي لهــا تـشــتاق تبـي المـواصـيــل = ولــو انهــــا بالكيـف مــا رحــت عنـهــا احــب انـا بـيـت الشـــعر والمعــامـيـل = واعشــق ســــنا نـار الحطب مع دخـنها احـب انـا الــدّلـُه ,, وصـف الفنجـاجيــل = وجمعــــت نشـــامــا مـا يُقـــدر ثـمنـها قــرومً لــهــم بالطيـب ســلم ومـداخيـل = وكلــن مـــواريــد النشــامــــــا ظمنـها وخـروفً اشـــقر مــن خيـار المهــاجيـل = ‎تـــــوّ النشــــامــا قلـطـــوه ابـصـحنــها مــا شــح به نســل الرجــال المشـــاكيل = يــوم الـردي دس الفلــوس وخـــزنهـا لياشــفت زوله قـلــت شــيخ الرجـاجيــل = وســوالفـه بــاقــوى الدلايـــل قــرنهـا وهــي بالحقيـقه ؟ قرقــعه فـي بـراميـل = ونـدري تـرى عــرف الـرجـال امعـدنـها والمرجـــلـه ســـاس الفخــر والتنـافيـل = وعــزي لـرجــلً فــي حيـاتـــه دفنـــهـا وكــم واحــدً يبغـى المـدايــح مـحـــاصيـل = يســـعـالهــا فــي ســــّرهـا وبـعـلــنـهـا لكـــن تـٰراهــي مــا تجـيـلــه تســاهــــيـل = ‎تبـغـٰي لــهــا حـــظً كـــــبيـٰر يـحـظنـهـٰــا حــب البــدو والبـاديـه لـــه تـفـاصـيـل = ‎وسـٰط القـلــوب اللـي زمنـهــا محـنــهـــا بيـت الشــعـر تــزدان فـيــه التـعــالـيـل = تـغنيـك عـــن قــرب الخبــول وعـفنـهـا وســوالف اهـل الطير والهـجــن والخيـل = والبــاديـــــه لااقبــــــل وقــفّـــا ظـعنــهـا واعشــق ابيوت الشــعّر من نـادر القـيل = مــن شـــاعـرً جــزل المـعــانــي وزنـهــا وحس الربـابـه يجــذب القلـــب بالحيـل = ‎لاجــــرّهــا مهـلــي وجــــاوب لحنــــهـا وقمـرا تجيـــك انجــومــهـا كالقنـاديـل = ‎وهـبـــوب ليـــلً كـــل نـفـــسً فـتـنّـهـا والـــذود مـمـرح. والبـهــم والمخـاليـل = والــروض الاخـضــر كـل نبـتـه حظنـهـا ونبـــت البختـري وســط هــاك الـمداهيل = ‎يجــلا عــن النـفــس الشــــــقيه درنـــهـا وســرحان مـن حـولك يـجـر المـواويــل = وليــا عــوّى تـــل القـلـوب وشــطـنهـا تسمـع قنـيبه مــن ورى الحـزم بـالليــل = ‎ذي مــهـنـتــه مــن خـلقــتــه وامتـهنـهـا صـوتــه ولا هـرجـة زبــون الابـاطـيـل = ‎واهــل ,, النفًــوس العايمـه فـي عــفـنـهـا واخيــر منـهـــا الـعــافيـّه. يارجــاجـيـل = امــن وآمـــان انــفـوســـــنا في وطـــنـهـا اخيــر مــن شــوفــات. بعـض الازاويـل = فــرض الصـــلاة وتـتـبـعـــهـا اســنـنـهـا وتـلاوة الـقــرآن بـافـضــل تــراتـيــل = ‎والـفجـــر قــرآنــه يـوصــل ,,, عــدنهــا وتســبيحـةً عـقـب الفـجـر مــع تهـاليـل = تجـلا عـــن النفس التعــيســه ,, حـزنـهــا مكــــارم الاخــلاق خيـر المحٰــاصيٰـٰـل = ويـا زيــن حـــظ ,,اللــي يجــوّد رســنهــا والعمـر لحُظـه والمنــايـا لـــــه اتــزيـل = ولا بــد مـا ايـلـف الجســد فـي كـفـنـهـــا ويـالله اتعـجــل بـالــفـــرج والتسـاهيـل = والنـفـس يـالله تــرفـع ,,,, الهـــم عنهــا

محمد بن سوعان الربيّع

صـادق الفعــل والقـول
-------------------------------------------------------------------

صادق الفعل والقـول

	انـا صـديقي صادق الفعـل والقـول = وليـا نطــق لـه كـلمــةً يحـتـرمهـا له منهجً واضح ولاهـوب مجهـول = حـقيقـتــه عـن كل شــكً خصـمهـا رجلً عـن البوقـات والغدر مكفول = وزلـة رفيـقـه يـــوم تاتي هضمهـا لياشاف منه اقصور وعيوب وميول = قـبـيـلةً مــن شـان واحـد حـشـمهـا وليا نخيته صار درعً عـن الهـول = صعب الشدايد عــن رفيقه لطـمهـا مثل البليهــي يبــرك لكايـد احمول = يصبـر على جــور الليـالي والـمهـا مبـداه واحد مـثلما السيف مسلول = وعـوايـده بالطـيـب كلــن فـهــمـها قـــرمً مضيفـــه للمناعيـر مـدهول = وليـا لفـاه الضيف قـلــط شـحـمهـا هــذاك نعـمً به عـلى الطاق مدبـول = وكلن يشـيــد ابجضرتـه واحترمها واللي مثل شــرواه بالنعــم مشمول = ومـدحه يجـي بلسان سـايـر أمـمها واليوم هــذا النوع نــادر ومقــلول = قـلٌ ؟ الـذي يحفــظ مبـادي اشــيٌمها ماهو الذي عن ماهرج غير مسئول = بالكــذب كـل الســــالفه يختـــتـمها اللي اعـلومه فاظيــه دون محصول = نــوبً يســنعـها ونــوبً وشــمهـا متــذبـذبً مابيـن واضــح ومجهـول = قـضاٌ حـياتــه داجً فـي وهمـهـا وقت الرخا يعجبــك بلســان معسول = بالهـرج ولاٌ غــيـر نفسك صدمهـا قـلبـه عـن المعروف موصد ومقـفول = مـا يعـترف بالغـانـمه مـن عـدمها وليا وعـد يخلـف عسى زولـه ايزول = صـرح الصداقه ما بنــــاها هدمهـا يفـــرح ليامــن جـاله العلــم منقــول = والسـالــفه وان جاتـلـــه مـا كتمــهـا يبثـــها للناس بالعــرض والطــــول = ونـار الفـتـن بيـن الجمــاعه شــعـهـا تلقاه باعــراض المسلميــن مشـغول = نمـام ؟ والغيٌــــاب ياكــل لحـــمـهــا وليا نشــدتـه ينـفي القـــول بالقــول = ذي خطـته فــي كل مـره رســـمهــا ياتي ابعـــذرً غـيــر مقنــع ومقبــول = ويقســم بـذات اللي امشـيٌـد حـرمهـا بين الضمير الميـت وعيـونـه الحـول = مسـيـلـمـة عصره وماضي قــدمهـا هــذا عسى شــرواه بـالنـار مغـلول = بوسـط جحيــم يفــوح حتى رضمهـا يعـرض مـع الفجٌــار صاغر ومذلول = فـي سـاعـــةً ما فــاد فـيـها نـدمهـا وش ينبغى باللـي عن الطيب مشلول = وبـادت اعضـوده ليــن كلـن شـتمهـا ماحــدً يبي طــرياه لــو حـل به قـول = عفـنن واسالـيب العـرب ما فـهمهــا ابي اختصر والشرح وان طال مملول = ولاٌ تـــرا قـولي يغـطـي قـممها

محمـد بن سـوعان الربيٌـع

اشتاق لاهل المشاريه

اشتاق لاهل المشاريه

	اشتاق انا لاهل الوفا والمشاريه = قدر, ومحبه, واحترام , وحشيمه تقـديرهم تسـموا بقلبي معـانيه = وتبقى الموده بالخفـايا عظيـمه قرب النشاما باغلا الاثمان نشريه = وادري ؟ صعيبً ما يُقـدّر بقيمه نسل النشـامـا نايـفـاتّ مبـاديه = حيث المراجل فيه عاده قديمه هـذاك والله دايم الدوم تغليه = اهل النوايا الصادقات السليمه نسـل النشاما وافيـاتّ هقـاويه = اما ردي الساس مثـل الهليمه خاب وخسر ياصاح من يرتجي فيه = فزعة عرب من وجه هاك البهيمه

بقلمي ,,,,,,,,

حــاولــت لكـــن .......؟
مــن عبــق القـديــم المتـجـــدد
.................................................. ....................

حاولت لكـــن ....؟

	طنـشـت زلــة صـاحـبـي ليــن مـلـيـت = ومن شان حشمة شخص تحشم قبـايـل واغظيت انـا وابطيـب صــبري تحليـت = وجـاملـــت مـن لا يســتـحـق الجـمايـل قـــام ايتسـلا ؟ ويحسـب انـي تسليـت = وانــا عـلـى شـــانـه شـــعبت الـرحـايـل ولا اذكر انـي يــوم فـي حقـه اخـطيـت = ومــع ذا وبــدلت الـجــفــا بـالـجـمــايـل حـاولـت اعـدل مـايـل الــراي وازريـت = وبـذلـت انــا جـهــدي بـكُــل الـوســايـل تقـديـر مـاهــو خـوف جـيـتـه ورديــت = مـن شــان يبـقــى حـبـل الاوداد طــايـل لكـن تمــادا يـحسـب ان خافـقـي مـيـت = وارضـى علـى نفسـي بعـيـب وفشـايـل كــرامـتــي مــا شــــيـعـت بالـتـوابـيـت = لا و الــذي انـشــى حـقــوق المـخـايـل ومـن راس ينـبـوع المعـرّفـــه تـرويت = ولا ســـرت بــدروب الــردا ,والـرذايـل هــذا انـــا دايـــم إن اقـبـلـت واقـفـيـت = ولاانكـرت انـا ســلـم العـرب والحمـايـل عـوايــدً يـفـخـرهـا الــحــي والـمـيــت = وانــا عـلى مــا قـلـت عـنـدي ,, دلايـــل طنـشـت زلــة صاحـبـي لـيــن مـلـيـت = وجـامـلـت مــن لا يســتحـق,, الجـمـايـل

محمد بن سوعان الربيّــع

الراس عــالي والكرامه مصانه ,,,,,,
------------------------------------

الراس عــالي والكرامه مصانه

	الله تمسي راعـي الطيـب بالخيـر = ياللـه اتحيـي حافـظــيـن الامـانه انشد عن الطيب وانا استثني الغير = اشــتاق له دايـم وادوٌر مكانـه ابـذلــه المجهـود حـشــمه وتقـدير = ويـكبـر بعينـي كـل يـومً كيانـه افــرح بقــربــه وآتمنـاه وآغـيـر = اليـا تــردد بالمــجـــالس بـيـانـه ولاانشد عن اللي كل ساعه ابتغيير = مثـل الهبـايـب ماعـليهـا ظمانه بيـن النفـاق وبيـن كـذبً وتـزوير = متـذبـذبً مـابيـن غــدر وخيــانه على المصالح مركبه واصل السير = بـاع الكـرامه وارتضى بالاهـانه بانت اعلومه وانكشف برقع الطير = واهمل اسـبوق الطيرواطلق عنانه وابـن الحموله والرجال المناعـير = ماهـان نفسـه لو يظـيمـه زمـانه مــا ينحنــي الا لــرب المقـادير = الـراس عـالي والكـرامه مـصانه لاشك هـرجي ما يبيله تفاسـيـر = ومن لافهـم معـناي خيـره دفـانه الموت أنســـب للوجيـه المحاقير = اهـل العـلــوم الهابـطـه والعفـانه ومن لاتهمه سمعـته موتـه اخيـر = حـقيــر تـافــه والمـزايـا مُــدانه ابديت رايي دون ما ابدي معاذير = وعندي عـزيمه واعتـزاز ومتانه فــرقا الــردي لـو تنشـرا بالدناير = كـلً شـراهـا لو ثمـنهـا اســتدانه

محمد بن سوعان الربيٌع

كــــنـّا ،،، وكـــــنّـا

ابيات اهديها الى الاخ والصديق الوفي محسن عفات الشمري ابو غازي
حول ما تعـيشــه امتنا للاسف من واقـع مرير ومحزن ,,,,,, مع اجمل التحــياياـ
----------------------------------

كـــــنـا ,,,,,,, وكنـــــا

	مـات الضمير اليعـربي يابـو غــازي = من راحـت القـدس الشـريفه نسـيناه مــات وأخـذنا فـيـه حــق التعــازي = والمـيت مابــٰه فـزعــةً لـو نخـينـاه من عـقب ما حـنـا بـروس النوازي = وأعٰــلا القـمم يابـن الطنايـا رقينـاه ومثل الجبال الشامخـه مـااتـرازي = كانــت هـقــويـنــا ولكــن. فقُــدنــاه نفـوسً أبيّـه مـالـهـا ما يـوازي = واليــوم حـنـا بالحظيـظ ورضيـناه ومـن عـقـبها بغـداد جـاهـا.احتجازي = بسـجون. فارس ترضخ اليـوم عـزاه داعش دمرها واللقيطه. امكازي = الحشـد واذنابـه مــن أدنـاه لاقصــاه والشــام عـقــب الـعــز ,والامتيازي = تــرزح اســيره بيـن غبـن. ومعــانـاه مــابـيـن نـازي وضعــها وانتـهـازي = هـذا الـوكـاد اللـي. يـصيـر ولمســناه عـاشـت عـروبتنـا بـــذل. ومـخــازي = واقـع عـلـيـنـا صـار لــو مـا بغـيـنـاه وتـاريخـنـا بـيـن التــواريـخ. فـازي = كـنــا ولكـن : فـعـل مـاضي دفنــاه صرنُا ضحـيـة. كــل بـومً وبــازي = العـلـم مـن طهـران,, جـانـا واخـذنـاه سـرنـا عـلـى رغـباتهــم. بالجهـازي = والدرس يـا محسـن بـقـوه حفـظـناه حـرنـا وتـهنـا بـيـن منـع ومـجــازي = ولا عٰـاد نفـرق. وجهـهـا مـن امقـفاه صـرنـا ضحــيـّة كــل نـذل ابـتـزازي = والغـبـن كـاسٰه غـصب عـنـا شــربنـاه تهـنـا وضعنا بيـن. صـاحب. وغــازي = مثـل البضاعــه بيـن بـيـعً ومشـراه وكـل يـوم مـوديـلً جـديــد وطـرازي = ولـو يختلـف بـيـن الاسـامـي امســماه مابـيــن ,, فسـقانً وبـيـن امـتــوازي = واقــع يغــث القــب يُفرض وعشــنـاه

محمد بن سوعان الربيّع