ديوان / الشاعر محمد سوعان الربيع

((حييت ياضيفً عزيزً وله شان))

بمناسـبة قدوم شــهر رمضـــان المبارك اعــاده اللــه
على الامــه العربيه الاسـلاميه بالخيــر واليمــن والبركات
وكل عـام والجميع بخيـــر

حييت ياضيفً عزيزً ولـه شان

	حييت ياضيــــفً عـــزيـــزً ولــــه شـــــــان = ضـيـفً علـى كـل المسـلميــن غــــالي فــــي مـقـدمــــه كلـــن يبـــــارك وفــرحــان = مــن اقـصى جـنـوب اديـارنـا للشـمالي بالشــــــرق واللــي يســكن بغــرب الاوطـان = كــلً تحــرا مقـدمـــه بــــاحـتـفـــــالي شــــهـر رمضـــان اللــي نـــزل فيــه قـــرآن = فـيـــه الهُــدى للنـاس والاكـــتــمـالـي أمــــــة مــحمــــد تـــحتـفـــل فيـــــه وكـــدان = وكــلً يبـشــر صــاحـبـــه بالهــــلالي فيــــــه التــواصـــل والتســــامـح والاحســان = وتـقــبـل بــه الاعـمــال أول وتـالـــي وبـــه ليـلـــــةً مــامــثــــلها صـــار أو كــــان = ليـــلــه عظيـمـــه غيــر كـــل الليـالي ومـــن لا عمـــل بــه خــيــر نـادم وخســران = ســـاعـات مــن لا قــامـهــا مـا يبـــالي شــــــــهر الصيــــام ايــام تمضــي كالازمـان = ولا يغـتـنـمــهــــا كــود مســلـم مـثالـي يـبــذل بــــه المـجهـــود واالبــــــر بايمــــان = ومــن لا صبـر هـيهـات يـرقــا المـعالي شــهــر الكـرم : والخيــر يـكثــر بــه ألــوان = والشــــح بــابــه ينـــغلـــق بـانـقفـالــي وفيـــه يتــربــط كــل فـــاســق وشــــــيطـان = بســلاســــل الــرحمــــن رب الجــــلالي وبــه رحمــةً للنـاس مـــن عنــــد رحـــمــن = هــذي حـقــايـق مـــا نقــول احــتمـالــي والثـانيـــه للـــي يبـــي فيــــــــه غـفـــــران = يـجـهـــد ويتـــرك عـنـــه قيــــلً وقـــالـي والثـــــــالثـه يعتـــق مـــن احـــرور نيــران = ويـنجـي مـن اللــي نـارهـــا باشـــتعــالي يحـظــى بعـفــوه مـــن نـهض حــظـه وزان = ولامــن جـــــوابً كـــود قـــبلـه ســـؤالـي وابــي الســــمـوحـه يا ســـليميـن الاذهــان = ما غـيـر أذكٌــر يــوم جـــالـه مــجــــالي صـــفـوا نـــوايـاكــم عــلى الصــدق باتـقـان = وزيــدوا بـتقـــوى اللـه رب الــجــــلالي ومــن يـــدي الطـــاعـات مــن دون نقـصـان = يـبشـــر بفــــوز وجـنــــةً لــه اظـــلالــي وبــر الاهـــــل كالفــرض فـي كـل الاحيــان = واهـمهـــا حشـــــمــة اثـنـيـــنً غـــوالـــي بادر لـــهـــم بالطيــــب والعطــف بــإذعــــان = للـوالديــــن احـقــــوق كـبــــر الجـبــالي طـعهـــم ونفــــذ شـــــورهـــم ســر واعــلان = واجعـــل رضــاهــم غــايــه ولا اتبـــالـي وصـل الرحــم مطلــــوب مــابين الاخــــوان = ويـــاجــب انــواصــل كـل عـــمً وخــالــي خــلك مشـــارك فـــي فــرحـهـــم والاحــزان = وابعـــد عــن التــعصـيـــب والانفعـــــالي يـا الـمـرء تــكفـــى حـــط للســـانـك اعنـــان = عــن لا تـطيــح ابمشـكله وانـــت ســالي حــيث ان نشـــوء المشـــكلـه زلــة إلســـان = تبعــــدك عــن قـــرب الـرفيـق المــــوالي حــق انتـجــاوز عـن خـطــا كــل غــلطان = حـيث التســـامــح مــن اشـــيٌــم الــرجــالـي واتعـــب علــى شـــوف الجـمــاعـه امســيان = وكـلـن علـى الثـانــي عـــزيـــزً وغـــالي عـــقـب العبـــــــاده نلتقــي وســــط ديـــوان = ويــاحـظ مـن قـلبـه مـن الغـــش خــالـــي فـي مجلــــسً مـــابه حــقـــــودً وفــتٌــــــان = ولا فيـهـــــم اللــــــي للــرذيــلات مـــالي واعلــوم ربــــعً تشـــــدي الـــــدر والــــدان = تشــــفي أكبــــــودً تمتـــــلي باعتــلالــي هـذي طـراة العـمـــر مــــن قـبــــل الاكـــفان = والعمــــر لـحظــــه وآخــــره للــــزوالـي وليــــــا تجـمــعنـــــا علـــى خيـــــر الاديـــان = فــــزنـــــا وصــــرنــا قـــــدوةً للجيــالي وبين الصحيح ومحتــــوى الزيـــف شـــــتان = ومــا بــيـن الاول والاخــيـــر اخـتـلالـي وتـمـت وصــلى اللـــه علــــى خـير إنســـان = نبيــــنـا المخـتـــار بـــاتــلا الـمــجـــالـي

وكل عـــــــــــام وانتم بخيـــــــــــــر
وتقبل الله منا ومنكم صالح اعمالكم واعانكم على صيامه وقيامه

أخوكـم : محمد بـن سـوعان الربيٌع

....... عبدالله اللي ما نسيناه لله ........

اللهم ارحم حبيبنا ومليكـنا الغالي عبدك الصالح عبدالله بن عبد العزيز
واجعل منـزلته مع الاخيار والابرار في جنةً عرضها السموات والارض
قــولوا آمين ...... و كما قال يرحمه الله لاتنسوني من دعائكم .

عبد الله اللي ما نسيناه لله

	ليـا غـاب نجـمً صـار نجـم ابمحلـه = هـذا مسـار ملـوكـا عبـر الازمـان حكـام مـا يـرضـون ظـيـم ومـذلـه = من العهد الاول لين مقرن وسليمان واليـوم مـات الـلي نـحـب ونجـــلّـه = راح وتـرك بقلـوبـنـا هــم واحــزان عبـدالـلّـه الـلي مـــا نـسـينـاه لله = وشـعاد لو لفـوه فـي بيـض الاكفـان وشعـاد لـو دنـيـاه تـطـوي ســجلّه = ذكــراه بقـلـوب المــلايـيـن تـــزدان بقلـوبـنـا مـثــل الـجـبـال المـطـله = مـا دامنـا حييـن .. شيبً وشــبان عزيـز غالـى فــي رحيـلـه وحـلـه = بقلـوبنا لــو مات حـيً ولــه شـــان كـلـن علـيـه الـيـوم دمـعـه يـهـلـه = الناس من شتـى العقايـد والاديـان حبــه تعــدا موطــن العُـرب كـله = واكبـر دلايـلً يــوم تنعــاه الاوطــان يرفض اسـاليب الـقهـر والمـذلــه = ولايرتـضي شعبً بـدنـيــاه ينهـــان يـرفض تكــون بلادهــم مسـتحله = طبــعً لبـو متعـب ومنهــج وعنــوان ولو دام مُـــلكً فـالبشر ما وصــلّه = وذي ســنة الله تبتـلــي كل انســـان واستغـفـر الله يمـكن الـكون كـلـه = ابدى حداده واعلـن الحـزن باعــلان المــوت عنــا زال شـــمسه وظله = واعــاضــنا رب الخـلايـق بســلمان ســــلمـان كلــن بـالـولا مـرسلله = سـمعً وطاعه قالها الشـعب بايمان شـال الامــانه والشــعب مخـلـصله = صلـب الاراده نسـل الابطـال مـا لان ومقـرن ولـي العهد سـيفً يســلّه = وقـت الشـدايد يـوم روغـان الاذهـان يمنــاه واحــزامـه وعــونـه وخـلــه = مقرن كمـا المصقـول في كل ميـدان ومـحمـد النـايــف عـضيــد ويــدلـه = ليا اختل في بعض المواقيف ميزان ليـا شــاف بــالايـام ميـــل وممـلـه = لـه سـطوةً يذهل بها الانس والجـان مسـتارث الطــولات عــن والــدلـه = ابـوه نـايـف مـن نــوادير حــورانّ ليّــن علـى الصـاحـب وللضــد علّـه = وللحق نايـف ســيف في كل الاحيـان اودعـوا معـي يانـاس مـن كُل مـلّـه = ادعـوا بنيـه صـافيه يـا اهـل الايمـان جـعـل ابـو متعـب الجنـان المظــلـه = مـع الفهـد واخـويـه نـايـف وسـطـان وعنــه يتـجـاوز كُـــل ذنـبً وزلّــه = ويحظى بعفو وممغفرة رب الاكـوان

محمد بن سوعان الربيّع

🌴 ماهمنـا هـرج الـردي 🌴

حول ما تتعرض له المملكة العربية السعوديه من سباب وشتائم ونكران وجحود
من بعض ابواق ايران واذنابها الرعـاع ومن سار بـركبهم والمحسوبين
وبكل اسف على الامة العربيه والشعب الفلسطيني . متناسين تلك المواقف الشريفه والاخويه والدعم والتأييد المادي والمعنوي وعلى كافة الاصعده .من عهد الملك المؤسس عبد العزيز يرحمه الله الى عهدنا الحالي والمتمثل بالملك سلمان وولي عهده يحفظهم الله .
الا لعنة الله على كل منافق وناكر للجميل ,,,,,,,

ما همنا هرج الردي

	يالعــن ابو سـيسـان هــاك العـصـابـه = النــاكـريـن الجـاحـديــن الحـقـــوديـن ســاس الخـيـانــه والـــردا والخـيـابــه = نسٰـيوا مــواقـف ممـلكـتـنـا الخـبيـثيـن مـوقـف شــرف طاهـر بعـزم وصلابـه = مـواقــف معـــزي عـلـيـهـا بــراهـيــن ثـابـت ولابـــاع الضـمـيٰـر. وشـــرابــه = هـذي لـهـا عبــر التـواريـــخ خمسـيـن ومـن عـقـبـه عـيـالـه ارجـال المهـابـه = وصّــى وأمـنــهـم. قـضـيٰـة فـلسـطـيــن وسـاروا عـلى منـهـاجـه اللـي حـكـابـه = وكـلً حـفـظـهـا داخــل القـلـب والعـيــن واكــد عــليـهٰــا واعلــنـه في خـطـــابـه = زودً عـلى التـأيـيـد ,,ضـخ الـمـلايـيـن بمـواقـــفً كـلـــن يحـسّــب احسـٰــابــه = ولا يجـحٰــد الا نـاقـص العـقـل والـدّيـن يبــونــنــا عـنهـــم نــشـــن الحــــرابـه = وهـم في حظـن صهيـونهم مسـتريحين وكــلً أخـــذلــه حـــانـــةً وارتـكابــــه = وليا صـحى مـن ســكرته قـال انا ويــن ولا فيه محفـل كـــود اهــو طـق بــابـه = ينعـق نعيـق اغــراب حيـنً بعــد حيــن لاشـــك منــافــق يـاخـــذ الله شـــبابـــه = بـاع الكـــرامــه مــع بـقـايـا فلســطـين وخـــان الضميــر وثــم ضـيـّع صـوابـه = واليــوم يـبـكـي غـــزه و ديـر ياســين ومـحـمــد الســـلـمـان يـكــرم جــنــابــه = لاشــك ســمّوه فــوق هــرج الـرديـيـن نســل الحـــرار وكــل عــالي رقــــابـــه = نســل الملـوك المخلصـيـن الشـريـفيـن مـاهـمــنــا اللي دون وزن الــذبــابـــه = وهــذره ابـــد مـاهـــز مجـــد السلاطين اللاش لــو تـنــبـح. عــلـيـنــا. اكــلابــه = الـقـافـلــه تـمـشــي بـخـطــة مــيـامـيـن ماهـمـنـا هـــرج الــــــردي والــزلابـــه = احثال العـرب واوبـاشـهـا والمسـاكـيـن ولامـن سـٰـــؤال الا. يجــيــلــه اجٰــابــه = ولابـــد مـا يــقـطـع لسـِانــه بـســكـيــن يالعــن ابـو ســيسـان هــاك العــصـابـه = النــاكـــريـن الجـاحـــديــن الحـقـوديـن

محمد بن سـوعان. الربيع

اخـذت من مُـّر التجارب شــهادات

اخذت من مر التجارب شهادات

	يـامـن تنـشـٰدني عـن الحــال والــذات = وتبـي الاجـابـه في حـروف. القصـيـده اســـمع جــوابي دون نـقــص وزيــادات = كـان انـت تبغــاهــا بجمــلــه مـفــيــده هـــمً تـوطـن بـالحـشـا مـثٰـل ابـانـاات = مــا هــزتــه ريــح الــزمــان العـنــيــده احـتـلـني بجـيـوش تـطــوي. مســافـات = كـالحوثي اللـي جـال بـأرض الحُــديـده اليـوم مـالـي مــن عــذابـه,,,, امـــداوات = مــواجــعـه بالـقـلـب يـكـبـر رصــيـده اصـبح كما الواقـع و فـرض الصلـوات = اللـــي اتــأديـهــا ,, خــلايـــق عـبـيــده اخـــذت مــن مُــّر التجـــارب شــهـادات = والعـمـر رحــلـه والمســـاري بـعـــيـده نوبً تضيق ونوب ونوب ناخذ مساحات = وهــذيــك نخطـــيها وهــذي نـصــيــده صابـر وانـا صـبري. تـعـدا المـقـاسـات = مٰـع ذا و نـفـســي.مـاتــروم الــزهـيــده لكـن. لكـل. انســان قــدره وطــاقــات = وحتــى الحديـــد الصـلـب يصــدأ حديــده ويامـكــثـر اللـي يـرتـجــون الـنهـايــات = وعـلى امـــل يبـــدا ابصـــفحـه جـديــده والله كـريــم ويـعــطـي العبــد. جـنـات = ومن يشــكـر الله مـن نـعيـمــه يــزيــده اســتغـفـره واتــوب لــه كــل الاوقــات = ومـنـه اسـتمـد الصبـر وارجـي مـديـده

محمد بن سوعان الربيّع
في 10 رمضٰان 1439 هـجـري

قـصـةً ســرمديـه

قصـةً ســـرمديّه

	يــا بـنـت انـا لـي قـصــةً ســرمـديـه = قصـه طـويلـه ملّـهـا الــقـيـل والـقــول الــحــب مــالـي فــيــه يـالاجــوديــه = في عـيشــتـي بلشـان والبـال مـشـغـول رغـم الفـقـر يابـنـت نـفـسـي غـنـيـه = ترقـا اســنـود ولاتـجـي يــوم بـنـزول مـاني مـن اللــي يــرتجــون الـعطـيـه = مغـنـيـني الله واقــرن القـول بفعــول لاتـنـشــديـنـي عـــن امـــورً خـفــيّــه = مـا لـك بـهـا فــودً وغـايـه ومحصـول وضعي امضعضع والامور امغـطـيـه = ولي مسـتوى بالمجتـمـع دون مقبـول قـالـت : وش انـت وقلـت مالـي هويـه = واانـا الـذي بيـن المخــالـيـق مجـهـول ما لـي وطـن مـع زود كثـر الســمّـيه = هــذا ولـك الله بــاب الآمـال مـقـفـول ضـاع العـمـر مابـيـن روحــه وجــيّـه = ابطــا الـفـرج ماجـا ولا دز مـرســول الـيـأس عـنـدي يــاخــــذ الأولـــويـــه = والـوقـت لـه ســيفً مـجـرد ومسـلـول مــالــك ومــالــي لا بـلـتـلك الـبــلــيّـه = انــا ســــراب ومــن تـقـفـاه مـهـبــول قـالــت تــوكــل واضــرب المهـمـيــه = ما دام حـظــك شـاخ بـعـيـونـه الحـول مـاودي اصــبح يا مـحــمّـد ضحــيّـه = وانـا عـلى بــرً مــن الضـيـق مكفــول ودعــتهــا واقـفـيـت حـالي شــــــقـيّــه = وكســر الخـواطر يجعل القلب معلول مـشـــكــاي للـمـعـبـود رب الــبـريــه = وحـنا نـزول ووالي العـرش ما ايزول

محمد بن سوعان الربيّع

عــطـنــــي خبــــــــــر

يابو فهد لاحدك الوقت واحتجت = يطـري عـليك اللي لـزومك يكـفـيه .
ناظرت في كل النجوم وتفرجت = ولا ذكــر غيرك على البال طــاريه .
لي حاجة مهي كثيره ليا سجت = والخــط يقـرى مدخــله من معـانيه .
ياللي من علوم المراجل تخرجت = انا اخبرك ولا اترك العلم وانهـيه .

احمد سحيمان الهقيش الصخري

وهذا ردي المتواضع

على ابيات من الشاعر. ابــو عـاطف ،،،،،،،،،،،، مع التحيه والتقدير ،،

عطني خبـر

	البـارحـه فـي هـجــعــة الـناس دوجــت = طـارالكـرا والـقلـب. زادت طـواريـه انـا اشـهـد انـك يابـن الاجــواد هـيّـجــــت = مـوج البحـورالراكــده. فـي موانـيه اشـغــلـت. هـوجــاسي ولجــلج ولجلجـت = وانـا هـواجيسي. تـعــدت حــراويــه عــنّـيـت مـن خَيــل المـعـاني واســـرجـت = لـي مـهـرةً مـن خيل ذاتي. مـجٰـانيـه سـندتـهـا غـرب الجــزيــره. وعـرّجـت = يـم الشــمـال. اللي. زهـمـني امنـاديـه اللـي مـعـه طـاب الحـديــث و تهـــرجـت = حيـث ابـو عـاطـف ما يمـلـه امخـاويـه وانـا الحــقـيقـه مـن جنـابـك. تحــــرّجـت = بـديـهــتي. مـاوصـلـتـنـي مـراســـيٰـه ازريـت افــك الشـــيفره يــوم برمجـت = الـرمـز غـامـض والمـلـفـات تخـفيـه لكــن تـــراي افـرح بخـطــك وتٰـوجـت = معـنـاك شـــلتـه داخـل القـلـب واغـليـه خـــذني خــويً ن صـادق مـا تبهـرجـت = وابشـر بـقـدر الاســتـطــاعـة ولبـيـه اليــا. زهـمــني. صـاحبـي ماتحـجــجـــت = يُـومِـن بـعضـهـم زيـف الاعـذار يبديـه وان كـانهــا بالـجـاه لا. ما تفـرجـت = انخـــا.قــرومً تـوصـل الحـق راعيــه وكـانـه ايعـالـج بـالسٰـياسـٰـات عـالجـــت = وكـان الـهٰـدف بـالمـال نقـدم ونـشـريـه حسـب العـوايـد. للمواضيٰع دبلٰـجـت = بالطيـب اقـرّب كٰـــل غــالـي لـغـالـيــه عـطٰني خـبٰـر يـامـن للأشـعـار منهجـت = لا تجعـل المـوضوع غـامض. وتخفـيـه

محمد بن سـوعان الربيِع

الاحد في 25 رمضان 1439 هجري
0 1 يـونيٰو 2018 ميلادي

شـذرة احسـامي والسند والحـزاما

شذرة احسامي والسند والحزاما

	ســعيد يسـعدلي صباحك وممساك = مع ود يـُقـرن بـالـوفـــا والســلاما ســلام يحـظٰي في رحــابـة محيـٰاك = يـامـن لــه التـقـديــر والاحـتـرامــا واخص يـابن عضيب باقـي دنيـاك = اخـص انـا الُـعـزوه عـيـال العـمـامـا اعـنـي بـهـا الـجٰـراح ذولا وذولاك = كبيـرهـم واللــي بـســن الفــطـامـا اللـي هـنـا يسكن ومن يسكن هنٰـاك = اخـص ربـعــي كُـلـهـُم بـالتُـمــامــا هـم تـاج راسـي. والفخٰر لا عدمنـاك = شـذرة احسـامي والسند والحـزامــا سٰــنايـدي فـي يــوم حــزات الادراك = ليـا ثــارت الهـيـجٰــا وزم العســامـا يشفون كبدً فـالزمـن صـابهـا اربــاك = يــوم القـهـر بكـبـود. نــاسً تـنــامــا افـخٰر بطـيب افـعال مثـلك. وشـرواك = اللٰـي عليهـم لاق وصـف النشــامــا واســتثني اللــي غـارقً بــالــردا ذاك = اللي دفـن. راســه. سـواة. النعـمـا عفـنً ردي جـعـلـه بـالايــام يـفـداك = الـهــافـي اللـي جـــاد فـن النمــامـا وده يـفـرق بـيـنـنـا والخــبـر جـــاك = لكن خسى كوبـان ،،، ردي العـمـاما النـوع هــذا لايـغـرك ويــخــفٰــاك = مـومـس مـراقـص لـو تـحــط. اللـثـامـا عـنـهـا الشـرف بعـد المجره والافــلاك = بـُعـد الوطـا عــن عاليـات والغمـامـا ومــا طـاي يسـوى شـاربـلـه ومـاطـاك =خـفـاش. ليــل وعـيشــتـه بــالظــلامــا لــو هـو. رجـل. يمـدي تبـيّـن ولا قــاك =لـكـن جـبــان وراغ عٰـنـّا. اشــمـامـا

محمد بن سـوعان الربيّع

يا الله عجّل بالفرج وافتح الباب

يالله عجل بالفرج وافتح الباب

	طـالبـك انــا يــالله تـقــبــل ادعــاتـي = يـالــفــرد يــالـقـهــار يـارب الاربـاب رفـعتــلـك كـــف الســؤال بـصـلاتـي = خـاشـــع وانـا يـالله مانـيــب مـرتـاب آمنـت بـــك أيـمــان يـرســخ بــذاتـي = واسمك حفظته بوسـط القلب ماغـاب وكلـت لـك امـري وصبــري عصـاتي = وانت الـذي تعلم بامـري والاســباب عبــدك ضعيـف وقــوتـي منـك تـاتـي = يـا للّـه عجّـل بـالفـرج وافـتـح البـاب وقـفـت في بابـك وعــــفـوك مـنـاتــي = واحظى عساي بـمغفرة كل مـن تاب يـامـن عطـى يعقــوب صــك البراتـي = افــرج لعبــدً عظـــه اليـأس بـالنـــاب عجّــل بـهــا يـاللّــه قبــل الــوفــاتــي = ولاتـردنـي خـايـب مـع كـل مـن خــاب وانــت الــذي تـعلـم مــراحـل حيــاتي = وانت الـذي تحصي خـطـايـاي بكـتـاب يــاللــه اتـجـنبـنـي. دروب الـعصـاتي = اللـي خطــاياهــم عـلى كـثــر الاسـراب امــنـت بــك يالله وسـٰــتـرك عـبــٰاتـي = ولا ينـسـتر عـيب الـرجـاجيـل بـثـيـاب اطــمع بســـترك يا الهـــي واحـــاتي = عــفـوك افيــومً تنـتهي فيـــه الالقـــاب ويـامـن سـمعتـوا دعــوتـي وامـنيـاتي = أدعـوا عـسى ربي يسـهـل يالاصحـاب

محمد بن سوعان الربيّع

ارتحـل طيـف الخديعـه

ارتحل طيف الخديعه

	انتـهـابي حـلـم مـن نسـج الخيـال = كــانتـهـاء أيـامـهــا واشــهـــورهـا ارتـحـل طيـف الخـديعـه كالظـلال = يـوم وجـه الشـمس شــــعّ بنـورهـا انتـهـت مـاعــاد بــه شـك وجــدال = والنٰٰـوايـــا. بـان لــي مســـــتـورهـا احسب اني فزت في صعب المـناال = مااحسب اني طحــت دونـي سـورها كـنت احسب ان ماردي صافي زلال = ما احسـب انـه للبقـــر مــع ثــورها مـن عـقـب وحـده يتـم...الانفصـال = افتـرق صـدق الـوفــا عـن زورهـا انـقطــع حبـل المـوده والـوصـال = وكـل شـيً ضٰــاع وسـط ابحـورها البنٰاخـي بـان بــه طـبــع الخــوال = ومٰـن أخـذ مـن.قـوم طـاح ابغـورهـا ومـن رحـل ماظـنتي يرجـع محـال = كالـدمـار اللـي خسـف بـقـصـورهـا ذا دوام الحـال قيـل مـن المـحـال = ورحـلــة الأجيـال تـلـعــب. دورهــا وبـالنـهــايــه. كــل شــيً للــزوال = والـمـقــابــر تـمـتـلـي بـقـبـورهــا

محمد بن سـوعان الربيّع

الشـعـر فــن وذوق .

الشعر فن وذوق

	عـنــدي. لتـجــار..المـنـافّـــق رســالــه = أبـيات انا اكـتـبهـا عـلى خـد ,معـروض يا مشــجعيــن اللي عـلى الشــعـرعـالـه = مـديـحـكـم لـه صـار بـايــخ ومـرفـوض غـش وخــديـعـه والخــديــعـه ,,نـذالـه = تـشـجـيـعـكم لـه يجعـل القـلب ممـروض قــام يـتخـــبـط فـي مـناقــع , اخـبــالــه = وازرى يـفـّرق بين سـحـمي,,وبـيـوض مــاعــاد يفـرق قــامـتــه مـن ظـــلالــه = ولاعـاد يفــرق بيـن جـايـز ومفـروض صـدّق مـهـايـط هــرجـكـم مـن اهـبـالـه = والـهـرج لامـن زاد بالحـيـل مبـغــوض والنــصــح للــي يعــتـنـيـبـه جــمــالـــه = أمـا ردي العــرف يا ســمعـها ايجـوض والخـبـل مــاودك تخــــوض بـجــدالـــه = حيـث النـتيجه تجعـل الكـبـد مقـضـوض خبـــل العــرب يااخـــوان مـالي ومـالـه = وكبـدي مـن هـروج المخابيل مقضوض الشــعـر. فــن وذوق مـاهـــو عـبــالـــه = كالبــرق يـطـربـنـا ايلا صـار لـه نـوض نـظـم الـمعـاني صـعـب مـا بـه ســهاله = الجـزل صعـب ومـاش شـيّ لـه يعــوض نـشــــتـاق لـحــروف الادب ,والجـزالـه = شوق الضوامي يوم تارد على الحوض والـهـــرج لا مـنّــه تـعــدا. ,مـجــالـــه = عـيبً على اللي فالجهل خاض به خوض مـاقــل دل ,,وبــاخُـتـصــار. المـقــالــه = يـاشـين هــرجً بـين نـاقـض ومـنقـوض

محمـد بـن سـوعـان الربيـّع