ديوان / الشاعر محمد سوعان الربيع

تستاهل الترحيب ياشيخ سلطان



اهداء الى نسل الشيوخ المسمين نسل مصوت بالعشا يوم الليالي صعيبه

الشيخ / سلطان بن خالد بن نوري بن مجحم ال مهيد ,,,,,,, من اسرة اخوان قطنه شيوخ الفدعان من عنزه
وذلك لما زارنا في مدينة الرياض بعد مقابلة سمو سيدي ولي الامير محمد بن سلمان اثناء زيارة سموه له في بيته في مدينة عرعر

تستاهل الترحيب يا شيخ سلطان

	يا مرحبــا حــييت يا طـيـر حـوران = عد البروق وعد ماارزم رعيده تستاهل الترحيب يا شيخ سلطان = وانا اشهد انك يابو خالد وليده خلفة مصوت بالعشا عبر الازمان = وانت الذي من دون شكً حفيده جددت عهد امجاد ما جاه نسيان = بالذاكــره لازال يكــبر رصــيده مجدً لكم ياشيخ يرسخ بالاذهان = رغم السنين الماضيات العنيده وبكـم المثـل لازال حاضر ويـزدان = يـوم المصـوت شب ضـو الوقيده نوحي صداه اليوم في كل الاركان = وعلمه اتردده العقول الرشـيده واليوم ابي اهنيك من قلب ولسان= ولو هي على شرواك ماهي جديده وقفاتكم مع ربعكــم مالهــا اثمـان = وسيفً بدون اغماد يصــدا حـديده وثـق لك التاريـخ موقـف وعـنـوان = مـوقـف ولا تكـفـيه مـيـّة قـصيـده واصبح حديث الناس في كل الاوطان = وهـذا تـحـدثـبـه وهـذا يـعـيـده من اقصى شمال المملكه لين نجران= عـم بصـداه ابــلاد عـنا بعــيده سمعوبه اهل الشام واللي بعُمــان = واللي سـكن بغـداد واهل الحُديده وكلن طلـب من خالـقــه رب الاكـوان = ويقـول جعـل ايــام عمرك مديده ايتـام تـدعي مـع تباهيل شــيبان = وكـم ارملـه قـالت عسى الله يزيده هـذا وكـاد الهـرج من دون نقصــان = يصـدح صداه اليوم مـع كـل بديده موقفك يا نبع الوفـا ,,,موقف انسان = موقـف .... ولا كل الموقـف فـريده قدم الجميع اعلنت وبشوف الاعيان = وكان اختصار الهـرج جمله مفيـده واخـذتهــا مـن والي العهـد لاهــان = مـنا وفـينا قـال ,,واشر ابـئيــده اوجـزتـهــا لـه والهـدف كان تبيـــان = وطـير الامل فكيت عــوقـه وقـيده كفيت ثــم وفيـت يا ذرب الايمـــان = والله يفعــل مــا يشــاء ويــريــده واختامهــا يالله ويا والي الشــان = تحفـظ وطــنا مـن بهم لــه مكيده احفظ ملكــنا قايــد الحزم سـلمان = اللـي غلا شعـبه نبض بـه وريـده واحفـظ ولي العـهد خلفة كحــيلان = محـمد يمـينه بالـزمــان وعضيده وعسى وطـنا دوم ينعـم يالامــان = بعهـد السعودي والقـيـاده رشيده ملـوكً لهم في قمـة المـجد عنوان = اخـوان نــوره محتميـن العقيــده

محمد بن سوعان الربيّع

جنب عن الجزله وصاد الضعافي

جنب عن الجزله وصاد الضعافي

	بغيت انام وهـاجس الشـعــر مااانام = وهيـض قـريحة خاطري والقوافـي لبى نـداي وقـمـت حـضرت الاقـلام = وبيحت انا ما كان بالنفس خافـي ودي اخـفـف من وجـعـهــا والالام = واللي حـصـلي عـبـر الايـام كـافـي لي صاحـب غيـّر مساره من العـام =يـومً ايشـاف وعشرةً مـا ايـشافـي وشـين البخـت صكت اقيوده بالاقـدام = الحـظ الاقشر طـول الايام غافي يـومن غـيـره فــاز في كـثـر الارقـام = حـظي عـطاني دابـــره والتجــافـي قنصـت بــه مـا جـاب فـــودً ولاحـام = جـنب عن الجـزلـه وصـاد الضعـافي ليا صار ماهـو فـاول الصـف قــدام =مثــل الرفيــق بحــزة الضـيق وافـي جعـله مهـف امقيـط وارشــاه لاقـــام = يذلف عسى تسفي عليه السوافي

محمد بن سوعان الربيّع

((شيخً زهاله. طيّب المدح والـقاف))

ابيات متواضعه
اهـديها الى الشيخ سلطان بن فيصل الجازي وهو من رجالات قبيلة الحويطات واعيانها ووجهائها ,,,,,,, نظير عمل انساني يهدف الى عتق رقبه موقف يشكر عليه ولا يستغرب عليه ولا على رجالات الحويطات وشـيوخهم عامه واســرة الجازي الاكارم خاصه ,,,,,,,,,,, جزاه الله خير الجزاء وجعلها في موازين اعماله .

شيخ زهاله طيب المدح والقاف

	سلام ياللي مـا تـوفـيه الاوصـاف = حــرً تـعــدا قـمة الوصــف . كـلــه شيخً زهاله. طيّب المدح والـقــاف = وجــزل الـمعــاني مايكـفــيـــه,,, لله اعني بها اللي حـزة الضيق يـنشاف = سلطـان بلسـم. للكـبود. المغــله هـذا ابن جازي.ماتردد. ولا خـاف = ولا ثنــاه الـبـعــد عـن واجـب. لــه سلطان بسلوم. المنـاعيـر. عــرّاف = ولـيـا زهمتــه. جــالك. القــرم كلـه يمشي على منهاج جده والاســلاف = درب المـراجـل يحتـويــه. ويـدلـه وافــي ودايــم للمناعـيـر مضـياف = ودون الخـوي والجار سـيفه يـســلـه دايم كما البيرق على راس مشراف = ما بــه خـفـا مثـل الجـبال. المـطـلـه جيناه في عمان في دار الاشـراف = وطيب النبأ معروف من.عـادة ,,لــه للواجــبه كالــذيب شــفـنـاه يحـتـاف = وقال ابشــروا. والجاه. مابه. ممـله هــذا ابـو فيصل للمهــمات. ميلاف = جعــل الــردايـا. كلهــم,,, فـدوتـلـه ســج القــدم حيـث النـوايا به انظاف = ولبـى نــدانا وانتـخـا بعــزوة لــه عاده عن الاجداد ما جا. بها اخلاف = فـازوا بها اخـوة صالحـه هـم هـالله حويطات قـومً ما يهابـون الاحتاف = وفـزعاتهــم تـجــلا عن القلب عـلـه اقـولهـا والحـق كالـنــور ,,,كشاف = والديــن واســـلوم النشـامـا تجــلّــه

محمد بن سوعان الربيّع

أرحـل ,,,,,,,,,,,,,؟؟؟؟؟

ارحــــل

	أرحـل تـرا مــا عـاد تنـفـعــك الاعــذار = وأبـعـد : تــرا فـرقـاك عـنـدي غـنـيـمـه مـاعـاد لـك . بـالقـلـب قـيـمـه ومــعـيـار = واصبحت عـمـلـه ساقـطـه دون قـيـمـه مـا عـاد لك عنـدي حشــــيمـه ومـقـدار = مـا دام عــادت للـعــوايد حــلـيـمــه طــعنـت قلــبً كـان يـغــليــك وايـغـــار = وكـنـت بخـيـالي مــزنــةً مـستـد يـمه متـحــريً تاتــي غـيـومـك بالامـطــار = واخـيــل انــا بـــرقً رعـــوده كـــريــمــه لكـنـهــا جــتـنـي باعــاصيــر واغبــــار = وكـانـت عـلى مثــلك عـواقب وخيــمــه واليــوم تســــمحـلي بســميك غـدار = خــايــن ومـثـلك يســـتحـق الشــتيـمـه تـلعـب عـلى الحـبـلـيـــن وتـمثـــــل ادوار = ولا كانـت الـنـيـه بـــنقسك سلـيـمـه شــفتك تــلاعــب واتبــاهــا بالاشـــعـار = تـمثيل ؟ واضح مــع جديـدك قــديـمـه بـديــت بالتمـثـيـل وانهــيـت مـشــــوار = وبــانـت خــفـايــا نـيــتك يــا ( ؟ ) يــمـه أرحـل تـرا مــا عـاد تنفـعــك الاعــذار = وأعـلـم : تــرا فـرقــاك فــرحـه عــظـيـمـه دوّر مثـل شـــرواك من بيـن الاشــرار = اهــل الخــديعــــه والحـسـد والنـمـيـمـه

بقلمي : محمد بن سوعان الربيّع

((خـل السهـر خـله يخاوي عـيـوني))

خل السهر خله يخاوي عيوني

	هـيّـضت يانسـل النشـامى اشـجـوني = وانـا الـذي فـيـنـي ومـا كان كـافـي الحـظ خـابـت بـه جـمـيـع الظـنـونـي = وجــوّي مـن اول كـان ماهوب صافي خـل السهـر خـلـه يخـاوي عـيـونـي = يـوم ان خـلّـي القـلـب بالـنـوم غـافـي خـلـه لـمـن يشـكي كبـار الطـعـوني = مثـلـي صـوابـه داخـل القـلـب خـافـي أمسـي واصـبّـح والفــواد امغـبـوني = جــرحي كبير وثــوب الاوجـاع ضــافـي كـتـمـتـهـا مـن خـوف لايـفــرحـوني = اهل الشـماتـه والـنـفــوس الضـعـافـي صابـر وصبـري بـالـفـواد امـخــزونـي = ولا كــــل جــرحً لـلاوادم ,,يـشــافـي مـا قــــدر اللّـــه بالـنهــايه يــكــونـي =واحظى عـسـايـا بالـرضـا والـعـوافـي امـا يـقــوم الحـــظ ولاّ يـخـــونــي = امــا ربـيــع ابـريــف ,,,,ولاً جـفــافــي ويـالله تـفـرج ضـيـقـتـي والغــبـونـي =وعـقب الظما نــارد على جـــم ,صافي

محـمد بن سوعان الربيّع

لابـد مـاياتي للامـور حلال

لابد ماياتي للامور حلال

	ربــك كـريــم وعــالــمً مــا بالاحــوال = يـعـلـم خـفـايــا كـل نـفـسً خـلـقهـا ارزاقـــنــا بـيـــده وحــــزات الآجــــال = وحتى البـعوضه ما تـركـهـا رزقــهــا ولابـــد مــا يــاتــي للامــور حـــــلاّل = وتـفـرج عــقب ضيـقـه ويفتح غلـقـهـا ثـم ينكـشف يـا صاحـبي كل محـتـال =ومـن خـان حـظـه والامـانــه سرقـهـا قـامـت تـقـاذفـنـا العــواصف والاهـوال = وآمــالــنــا غـدر الليـالـي مـحـقـهـا والحـظ يلـعــب دور في كـل الاحـوال = هـذي تبـنـاهــا وهــذي. حــرقــهـــا وحنــا ضـربـنـا بــالـوفـــا اروع امــثـال = هـذي حقـيقه والـزمن مـا كسـقُـهـا فـيما مضى عشنا على طـيب واجلال = وبـاب المـذلـه مـاش مـنـا طـرقـــهـا حـنـا لـنــا فــي قـمّـــة الـعــز مـنـزال =وكــلً مـشاريـه الـعــرب مــا فـهُــقـهـا واضحـت لـنـا عــاده ومـنــهـج. ومنــوال = ونـبـقــا علـيـهـا لـين آخــر رمـــقـهـا ويــوم الـردي يـمـنـاه تقصـر ولا طــال =خـظـنـا ابحــور المــرجــله وامعـمـقـهـا والـظــيـم مـا يـصبـر عـلـى داه رجّــال = كـود الـذي معنى الكـرامـه سـحـقهـا والنـاس يختـلـفــون بالطـبـع واشـكـال = واللـي خـلق جـمـع الاوادم فــرقـهـا ومـاتـقبـلــه لنـفــوسهـا بعـض الازوال = ويصـعب على بعض النفوس تعشقهـا حيــث الكــرامــه ما اتـعــادل بالاموال = ولامــن رفيــق يعيـضـنا عــن رفقــهــا والـموت واحـد لـكــن بـعـــدة اشـكـال = زفـــره وكــلً بــالنــهــايــه شــهـقـهـا

محمــد ســوعان الرّبيـــع

خفاش ليل ,,,, ويزعج الناس ملفاه

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,

خفاش ليل ,,,,, ويزعج الناس ملفاه

	مـن مـا بقـلبي قلـت يا صاحبـي آه = وارجـوك انا يـاصاحــبـي لاتـلـومـي كتمـت انـا هــم الاسـى والمعـانـاة = واخفيت انا وسط الضماير اعـلـومي ولاكل شـيً نـقـدر انخوض بسـماه = ولا كـل هـــرج انـبـيـنــه للعـمومـي وما كـل صديـقً باللـوازيـم نـنصــاه = يـاكثر مـن بالضـيـق مثـل اخصـومـي اخشى من اللي يضمر الحقد واخفاه = ويا حصل الفـرصه يشـن الهجومي يفـرح بنكـبة صاحـبه خاب مسـعـاه = عـفنً مـن اللي يسهجون السلومي خـفـاش ليـل ويـزعج الناس ملفــاه = وسـط الظلام وبالخـرايــب يحــومي هـذا الـذي يجـعـل محـمـد بحـذراه = ينقل ويكـتم فـوق جـرحه اهـمـومي هـذا السبب يا ناشديني عـن الااااه = والاااه ونـّـه بالضـمــــايــر تـــزومي هــذا سـبب كــتمه لـسـره وبـلـواه = والصبر فـي قـلـبه يحـط الـوســومي يخشى مـن اللي ما تســـرّه نـوايـاه = نـذلً يـبـيـع بـصـاحبه ثــم يـسومي مـن مـا بقـلبي قلـت يا صاحبـي آه = واخفيت انا وسط الضماير اعـلـومي

محمد بن سـوعان الربيّع

لابـد ما سود الليالي تـملي

لابد ماسود الليالي تملي

	ما مـن ورى ليـل الـدجـا كـود الاشراق = والخـاطــر اللـي ضــايـقً يـسـفـهـلي لاشك نبي , نرتاح مـن عقب الارهـاق = واليـاس عـــنـا يــرحــل ويـضــمـحـلي وترحل ههمـومً جـات منها الصدر ضاق = ولابــد مـا سـود الليـالـي,,,,,,تـمـلـي وقـتً مـشينـا بــه فــلا عـاد ينـطـاااق = وجــور الــزمـن لنفـوسنـا يســـتحـلي ونــور الامـل لابـــد يجـتـاح الانـفــــاق = ويعكـس بـنـوره للمـلاهـيـف,, ظــلـي دنـيـاك ما تـعـطي ظـمانــه ,ومـيـثـاق = نــوبً طمــان ونــوب فيــهـا امتـعــلـي ايـامـهــا مابـيــن جـمـعـــات وافــــراق = وهــذا بـهـــا ينـزل وهــذا , امـــولـــي بـيـن الغنـــا والفـقـر والـموت تنســاق = والـرابــح اللـي كــان فـيهـــا امـصـلي امـــورهــا بـيـديــن قـســام ,,,,الارزاق = ولـبيـبهــا ,,,,,,,بـرسومهـا ,يسـتدلي

بقلمي ,,,,,, محمد الربيّع

قـالـت مـلك

قـالـت مـلك

	المُـلك لله ,,,,,,والخــلايـــق عـبـيــده = سـبحانه اللي يمتلك نبـض الارواح الكــون كـلـه ,,,والبحـــور المـديــده = وبيــده وبامـره يقـتلـب ســير الاريـاح ولا كـل من يكتب حـروف القصـيـده = اصبح مـلك ويليـق بـه تـاج الامــداح قالت :ملك واحروف شعرك فـريــده = وابيات شعرك في دجا الليل مصباح وقالـت وقالـت والوصايـف عـديــده = هذا وانـا ادري مـا ورى قــولهــا اربــاح قلت : اشكرك يابنت والشكر اعـيـده = ياللي شعـورك مثلما المسك فـوّاح وكـلمـة مـلك كانـت عـلـيً جــديــده = ومنهــا تـرى يابنـت مـانيـب مرتـاح ماني مــلك والهــرج جـمــله مـفـيـده = قـبـلي اقوامً تلبس التــاج ووشاح شـــعري مشــاعـر والفرايـد رصيـده = واحمل رساله ماارتجي عقبها امداح واثـق بنفـسي لا نظـمت القـصـيده = وبالـجــد جـد ,,, وبالتـمـازيـح مـــزّاااح هــذا الجـواب ولاش شـــيً وازيــده = وتــرا خـيار القـول ,,,,لـ جبت الانصاح

محمد بن سوعان الربيّع

مرحوم ياريـف الـخوي والطـراقي
,,,,,,,,,,,,,,,,,,,,,,,,,,,,,,,,,,,,,,,,

بقلوبً امنت بقضاء الله وقدره تلقينا نبأ وفاة الشيخ احمد المشعان الفيصل الجـربا
الذي وافته المنيه مساء امس الاحد في المملكه المتحده ,,,,,, وبهذا الحدث المؤلم نتقدم باحر التعازي والمواساة لذوي الفقيد وابناءه ولــ قبيلة شمر العزيزه كافه ولاسرة الجربا في المملكه العربيه السعوديه والاردن والعراق وسوريا ودولة الكويت واين ما وجدوا.
انا لله وانا اليه راجعون ولاحول ولاقوة الا بالله العلي العظيم ,,,,,,

مرحوم ياريف الخوي والطراقي

	جاني خبـر بالفـيس كــدر مـزاجـي =قالـو عريـب الساس احـمـد تــوفـا وعـزالله ان العـلـم جـانـا امـفـاجـي =صدمه ومنهـا كل عـقل اســتخـفـا خلايـف الجـربـا فـهــود الــزراجــي = اخـوة مهــا ساسً عـريـبً امصـفــا حـريبـهـم منهــم يجــيـه ارتجـاجي = وخـويهـم فـي راس عيـطا امـعـفـا مرحـوم ياريـف الخـوي والطـراقـي =ومـن جـاه عـاني ما عـطا له امقـفـا هــذي شـهادة حق مابــه مـناجي =نـقــولـهـا وقـلنـاه ,,,,قـبل ايـتـوفـــا قــرمً لـمـن يلفـيـه فـل الحجــاجي = وبالجـود ابـو مشـعان كــفـا, ووفــا الموت سـنه ماعـلـيـه احـتـجـاجي = حيـث الجسد بالخـام ولابـد ايلــفـا ولااحـدً بـهــاالـدنيـا مخلـد وبـاجـي = صــفـوة عـبـاد الله والخـلــق, قـفــا واليوم اعـزي فيـه شـمر وانـاجــي = اللابــه اللـي علمـهـا مــا تخـــفــا ويـالله ياللي فيـك ما خــاب راجــي = امـن لعـفــوك ,كــل عـيـنً تـــرفــا تجعـل لـ بـو مشعان عندك ملاجي = في جـنـتـك يالله مـع كــل صـفــا

محمد بن سوعان الربيّع

الاثنين 13 جماده 2 1440 هجري
فــــــي 18 فبـراير 2019 ميـلادي