هذا شعرك والا باروكه

في البدايه بوضح عدة نقاط مهمه عشان نكون حبايب
****

_حطي في بالك اللي يناسب غيرك يمكن مايناسبك واللي يناسب غيرك بااسبوعين يمكن يبين وياك بشهرين

_اذا مافادك الموضوع رجاء لا تدعين وتحسبين علي لان الشعور والبشرات مو مثل بعض

يلا نبداء ياعسولات بس الله الله بالدعاوي
في البدايه شعر ي كان حلو لحد مااستخدمت خلطه من عند جارتنا الله يسامحها ماودي ادعي عليها لان يمكن كانت تبي لي الخير لكن ماناسبتني المهم هالخلطه طرحت شعري وطرحت حالتي النفسيه وياها والله شعري صار مثل شعور العيال ماخليت لاخلطات بالصيدليه ولا العطار ولا النت ولا المستوصفات الاحطيتها ولافاد صحصيح بعضها يتحسن لكن الى حد معين لدرجة خلاص اقتنعت كنت بس ابيه يغطي رقبتي تخيلوا يطول لثلاث ارباع الرقبه ويوقف يعني مايوصل للكتف وفيه خلطه شريتها من وحده فادتني بصراحه عشان مااكون جاحده وقريبتي استمرت عليها وشعرها لاحول ولاقوة الا بالله فرق عن اول ولاتسئلوني عن مكوناتها لاني مااعرفش لكن بصراحه انا تركتها والحين ماشيه على خلطتي يعني مو شرط ياينات تقيدون بحاجه معينه ترى اللي يفيد اشياء واجد وان شاء الله اذا مشيتوا على طريقتي مابتحتاجون تشترونها

في البدايه حطيت ((زيت عافيه _ثوم_فلفل_حلبه))تعرفون هالخلطه وطريقة استخدامها اللي تخلينها عشر ايام المهم هالخلطه رووووعه حتى طلعت منابت شعري لكن عيبها ريحتها استخدمتها بس مرتين ورميتها لان الحلبه مب راضه تروحمن شعري حطيت فاشكول مخمريه بخور كل شي ولانفع المهم طلقت هالخلطه بالثلاث
الخطوه الاولى

وصلحت خلطتي اللي ماشيه عليها الحين وابيكم تمشون عليها
زيت احلام

دابر

كيشور

تراشوب

هذي الزيوت وخلصنها منها

انزين نجي الحين ياقمورات لطريقه
الاسبوعين الاولى:نستخدمها يوميا
الاسبوعين الثانيه:نستخدمها يوم ايه ويوم لا
الشهر الثاني:نستخدمها 3 ايام يالاسبوع
الشهر الثالث:مرتين بالاسبوع
الشهر الرابع بالاسبوع مره
والحين خلي هالزيوت استخدام اسبوعي

الخطوه الثانيه
الكثيره

عصارة الصبار لكن الخام ياعسولات وياحبذا يكون مايخلى منها لانك راح تعرفون فوائدهااكثر واكثر بخلطاتي

زبادي ياحبذا يكون منتهي الصلاحيه

ملعقتين مايونيز

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 719x539 و بحجم 73KB.

بيضه

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 600x400 و بحجم 11KB.

اخلطي هالاشياء كلها مع بعض واذا احيان ماعندك ملعقه وشكه حطي زبده عشان تلين الشعر لان الزيوت تنشف الشعر لكن هذي الخلطه تطري الشعره المهم هالاشياء كلها اخلطيها مع بعض وخطيها على شعرك
واستخدميها بالشهر الاول 3 مرات بالاسبوع لمدة ساعتين
بالشهر الثاني مرتين بالاسبوع لمدة ساعتين
بعدين مره بالاسبوع وخلي على شعرك من 3 الى اربع ساعات

وعشان ماتتعبين حاولي تخلين ايامها مع الزيت يعني قبل ماتغسلين الزيت من شعرك حطي هالخلطه واغسليها مره وحده
واللي بتسئلني عن مقدار الكميه ياعسولات كل وحده وطول شعرها يعني انتي شوفي شعرك وشوفي كم المقدار اللي بيكفيك

الخطوه الثالثه والاهم

طيب ونجي لحاجه مهمه واهم من الزيت نفسها واللي هي بتساعد ان شعرك بااذن الله راح يطول بسرعه لاني جربت فيها وبدونها وفرق بصراحه روحي الله لايهينك لابو ريالين وقشي كل البكل الصغيره والبنسات اللي عنده

وقبل تنامين دهني شعرك بكريم وقسمي شعرك مربعات صغيره وابدي لفيها وعادي اذا ناديتي الخدامه والا خواتك يساعدونك مثل وحده اعرفها ===>>ماتلمح لنفسها ابد
انا استخدم

ادري بتقولون كح كح ياقدمها بس ماعلي منكم
هالزيت يعطي لمعه قويه لشعر ودهني يعني حطيه بالليل عشان لاقعدتي بالصباح تكون فروة شعرك امتصته

كمان استخدم هذا

ولاقعدتي بالصباح بيكون شعرك مثل هالماخوذه يعني بس فكي الفافات وبخريه لابخرتي جسمك وملابسك ومايحتاج تمشطينه بالمشط مشطيه بيدك وحوسيه لحد مايتداخل مع بعض

***

واذا مو حابه هالتسريحه عادي امشطيه وسريحه على كيفك بس قلت هذي عشان بنات الجامعه والموظفات مايضيعون وقت ومايحتاج استشوار واذا تبون تسريحات ثانيه من اللي اسويها ابشروا====>>ماتصدق خبر

شعري اغسله بالاسبوع مرتين بالباميه والسدر
انقعهم بالماي بالليل واليوم الثاني اغسل فيها مره حلوه بتكون لزجه وشوي ثقيله وترى بتحصلين لاطلعتي من الحمام حبيبات صغيره من الباميه بشعرك عادي مع المشط بتنزل

المهم بقولكم والله يابنات الحين لاحول ولاقوة الا بالله شعري فرق وربي هاك اليوم وحده جالسه تحلفني تقول هذا مو شعرك هذا باروكه وماصدقت الا لحد ماجلست تجرجر فيه وتااكدت بنفسها واختي متزوجه لما جتنا وشافته صارت بعذرها وامي يالبى قلبها الله يخليها لي ويطول بعمرها على الصحه والطاعه ويشفيها قولوا امين دايم تقراء علي وتمسح عليه وفرحانه اكثر مني بالشعر
ادري ان في البدايه راح تتعبون لكن اذا شفتوا النتيجه ان شاء الله والله تستاهل هالتعب وبقوه
وترى هاللي موجود بهالخلطه علاج لصلع ولتساقط وللجفاف يعني شعرك راح ينعم وبتحسين الشعره صارت طريه لكن عيبه شعري غمق لونه
طبعا مو تحطون اسبوع اسبوعين وتقلون خلاص ماطال والا تقولون ماحصلنا النعومه اللي نبيها صحيح ينعم لكن مو يسيح الشعر ويروح شعر فلبينيه اكيد مايسوي هالشي الا مكواة الشعر والا التلميس ويكون كيميائي يعني طبيعي انسي
اكيد بتقلون كم استخدمتيه اقولكم لي الحين سنه وشوي ماشيه عليه
نجي لنتيجه مثل ماقلتلكم شعري عقب مااستخدمت خلطت جارتنا طاح وصار نموه بطيء جدا جدا جدا والى حد معين حتى الرقبه مايغطيها كامله والحين ماشاء الله شعري ربع ظهري وراح استمر على هالطريقه لحد مايطول والله يباركلي فيه قولوا امين
يلا انطلقوا بالدعوات واي استفسار انا حاضره

وترى يابنات هالزيوت تنفع للي فيهم صلع لان زيت احلام لصلع والصبار كمان

عوووووووافي يالغـــــــلا

جزاكـ الله خيـــر

يعطيك العافيه وسلمت الانامل
بس ماتلاحظين ان ميزانيه الشعر اكثر من عزبه البيت هههههههههههههههه
امزح ببتدي فيها انشالله

بس يقولون الزيوت الكثيره تسوي تساقط لشعر عشان كيذاا اخاف منهاا

واستخدامي لزيوت مره بالشهر

وانا ماني من النووع الي يغامر عرفتي >> من الخوف بخخخخ

بس يمكن اجربهااا يعطيكـ العافيه يالغلا

ربي لايحرمناا جديدكـ

موضع حلو بس بصراحه شغل كثييير ماني راايقه

افكر اني استخدم الزيوت

يعطيك العافيه

اقتباس المشاركة الأصلية كتبت بواسطة قمر النواعم عوووووووافي يالغـــــــلا جزاكـ الله خيـــر

يعافيك ربي حبيبتي

شاكرة مرورك

دمتي بخير

اقتباس المشاركة الأصلية كتبت بواسطة المهره يعطيك العافيه وسلمت الانامل بس ماتلاحظين ان ميزانيه الشعر اكثر من عزبه البيت هههههههههههههههه امزح ببتدي فيها انشالله

يسلمك ربي يالغاليه

والله انك صادقه فعلا لازم ميزانيه للشعر وميزانيه للبشره شهرياً هههههه

تسلمين على مرورك ياعسل

اقتباس المشاركة الأصلية كتبت بواسطة هايدي اليتيمه بس يقولون الزيوت الكثيره تسوي تساقط لشعر عشان كيذاا اخاف منهاا واستخدامي لزيوت مره بالشهر وانا ماني من النووع الي يغامر عرفتي >> من الخوف بخخخخ بس يمكن اجربهااا يعطيكـ العافيه يالغلا ربي لايحرمناا جديدكـ

هلابك ياقلبي كلامك صحيح بس هذا للشعر الدهني صح يتساقط مع الزيوت بس الجاف بالعكس حلوه له

والله يعطيك العافيه على مرورك ياعسل

اقتباس المشاركة الأصلية كتبت بواسطة أجــــــنن موضع حلو بس بصراحه شغل كثييير ماني راايقه افكر اني استخدم الزيوت يعطيك العافيه

الاحلى مرورك الراقي

شاكرة ومقدرة

دمتي بخير

الله يعطيك العافيه ويطول شعرك لحد مايسحب
بالنسبة للبنات اللي يقولون الزيت يسوي تساقط للشعر خليه بس ساعه إلى ساعتين فقط